الكيوي المفتكس .. الجزء الثاني!!
كتبهاالمفتكـس ، في 11 ديسمبر 2007 الساعة: 23:11 م
الكيوي المفتكس .. الجزء الثاني!!
مشهــد النهـــاية
بعد عرضنا للجزء الأول من فيديو الكيوي المفتكس تلقينا تعليقاتكم المفتكسة على الفيديو ..
ونحب نأكد انه موصلناش غير اتصال واحد من (ماما) وحوالي 5 رسايل (برضه من ماما) .. يعني بلاش قر معرفناش نعمل أي سبوبة من الاتصالات زي ما كنتم فاهمين ..
عموماً بعد فرز التعليقات.. وبعد تصحيح الاجابات .. قررنا الآتي:
منح ماما (همس البحر) لقب (مفتكسة كيواية)
وذلك لأنها صاحبة أفضل تحليل للفيديو .. كما أنها الوحيدة التي توقعت نهاية حلم الكيوي المفتكس
النهـــاية المفاجـــأة
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
ديسمبر 12th, 2007 at 12 ديسمبر 2007 10:48 ص
ايييييييييييييي انا اول وحدت تعلق …
بس بصراحة أذن الظهر اروح اصلي وبعدين ارجع اشوف الفيديو على مهلي ..
مبروك التعديلات على افتكاسة ..
ديسمبر 12th, 2007 at 12 ديسمبر 2007 11:07 ص
( زهرة النسرين ) …
سعيد جداً بكونك صاحبة أول تعليق …
الله يبارك فيكي .. ان شاء الله أحاول أصلح من شكل افتكاسة على قد ما أقدر …
في انتظار عودتك .. لمشاهدة الفيديو والتعليق عليه …
ديسمبر 12th, 2007 at 12 ديسمبر 2007 3:11 م
إستعنا على الشقا بالله …
يالله نبدأ …تشغيل ..
روعة الفيديو المرة دي قصير جدا والافتكاسة جميلة والنهاية اروع …بقليل من الحكمة والذكاء تحل أصعب المشاكل ..والكيوي فكر في حل لم أكن اتوقعه ولا اتصوره ….
عموما أهنيئك على سلامة الوصول ..والحمد لله انك ماوقعتش ..مع انه ما يوقعش الا الشاطر ..يا شاطر ..يا مفتكس ..
ديسمبر 12th, 2007 at 12 ديسمبر 2007 3:57 م
( زهرة النسرين ) …
أيوه كده .. هي دي التعليقات المفتكسة اللي تشجع …
الله يسلمك يا (زهرة النسرين) …
——————————————–
طبعاً كان لازم الكيوي المفتكس يوصل بسلامة وأمان …
لأن الدماغ اللي فكرت في تحقيق حلمها بالشكل ده …
والعزيمة الجبارة الي خلته يقوم بالمجهود المضني ده في سبيل تحقيق حلمه …
مكنتش هتسيبه ابداً يأذي نفسه …
ديسمبر 12th, 2007 at 12 ديسمبر 2007 6:36 م
اروع مفتكس
جميلة جدا هذه النهاية الرائعة
رائع هذا الكيوي بارادته وتفكيره المميز
احييك من كل قلبي واتمنى لك كل النجاح
ومزيد من الافتكاسات الرائعة
كل الود لك مفتكس
كن دائما بخير
ديسمبر 12th, 2007 at 12 ديسمبر 2007 6:55 م
اهي الذكاء الي مش طبيعي دا افتكاسات بصحيح
عشان الواحد مايفكرش ابدا انو في حاجة مستحيله ماتففسكش
وبعدين ماتقولش مافيش اتصالات نعمل ايه اذا كانت الشبكه ع طول عطلانه
ربي يسعدك كيف مابتدخل السرور على طو لقلبنا
في انتظار افتكاسه جديدة
ديسمبر 12th, 2007 at 12 ديسمبر 2007 10:11 م
صحيح اللي عنده ايمان بهدف او حلم لا تمنعه اي صعوبات
———————————-
ماشي يا مفتكس بعد ما خليتنا عيطنا في اول جزء علي المسكين وقاعدنا خايفين عليك لاحسن تجرب زيه وتنط من شباك افتكاستك وتجيب لنا مصيبة في مكتوب ولا حاجه
——————————–
وكمان الكيوي بدموعه وعيونه البريئة واللي كان عمال يضيق لنا فيها ويتمسكن لما خلانا احنا كمان عيطنا يطلع منه كل الذكاء دة طيب طيب عموما احنا بنهنية علي نجاح تجربته ونجاح حلمه وبنحييه اوي علي مجهوده الجبار للوصل للهدف
—————————————–
اما انت فبنشكرك بجد علي الدرس البسيط والهادف في نموزج جميل ذي الكيوي
وبنقولك مبروك عليك عودة الافتكاسات لقوتها ونشطها
——————————
وكويس يا ابني انك لاحقت نفسك انت عارف نوايا ه لكن انت طلعت جدع وشاطر ( مش كدة يا نسرين ) كمان خليك كدة علي طول عشان ما اغيريش رايي واستندل لا هيمني انك صغنن ولا تعرف حاجه وولا اي حاجه من حركات المفتكس دي
دمت اخي ودام افتكاسك الهادف
تحياتي وتقديري اخي وفي انتظار المزيد من الافتكاسات
ديسمبر 12th, 2007 at 12 ديسمبر 2007 10:49 م
ياسلام على اللإفتكاسة الجديدة
بقى كده انا خسرت المسابقة مع ان كلمت كتير وكل ماتصل ترد عليا وحدة مفتكسة تقولي الخط مفتكس ارجع افتكس بعد كم افتكاسة
…………………..
لااااااااااااااااا بس بجد
مبروك
عودة
المفتكس
حمدلله
على
سلامته
وكل
سنة
وانت
طيب
والكيوي
طيب
وكل
اهلك
طيبين
وماتنسانا
من
العيدية
وافتكاسة
جديدة
على
العيد
……………………
انا متعمدة اكتب هيك على شان اجبلك حول وتصير جدو حولان
شكراااااااااااااااااااااااا
يامفتكس
واتمنالك التوفيق
تحيتي لك
ديسمبر 12th, 2007 at 12 ديسمبر 2007 11:04 م
سلامات يا مفتكس
مررت هنا للسلام و السؤال
و كذالك الاطلاع على جديدك المميز
دمت بخير
ديسمبر 13th, 2007 at 13 ديسمبر 2007 5:53 ص
ابني كيوي العفرتو المفتكس
عاجباك كده يا سيدي دلوقت يقولوا طابخنها هو ومامته عشان ما يديش الجايزة لحد
عودا محمودا ودمت بألف خير لي ولقرائك وقلمك الذي يقتر عسلا ولكن(((((((( يحب أن يعي لحروفه كل مفتكس…..
ديسمبر 13th, 2007 at 13 ديسمبر 2007 9:46 ص
هيييييييييييييييييييييييييي …
وصلنا 6 ردود مفتكسة من أحلى زوار لسه مرديناش عليهم …
فريرة نرد على كل التعليقات …
علشان أكيد .. أكيد تعبتوا من الانتظار …
بسم الله الرحمن الرحيم …
كله يقف في دوره يا جماعة … أهم حاجة النظام (فعلاً النظام مهم جداً - فقط لمن يعي - ) …
نبدأ بأختنا ريمــــا …
——————————————–
( ريما الشيخ ) …
أروع ريما وأجمل تعليق …
فعلاًَ الكيوي كان رائع بارادته وتفكيره المميز …
لكن أروع منه حضورك المميز دائماً …
ديسمبر 13th, 2007 at 13 ديسمبر 2007 9:55 ص
( المناهل ) …
طبعاً مفيش حاجة مستحيلة لو فيه عزم وإرادة …
شبكة ايه اللي عطلانة بس (احنا هننصب يا ست مناهل) ؟!!
هو فيه حد بيتصل أصلاً علشان الشبكة تعطل (غير ماما طبعاً ربنا يخليهالي) …
——————————————–
بجد أسعدني حضورك جداً أختي (مناهل) …
ربنا يسعدك دنيا وآخره … قولي آمين …
ديسمبر 13th, 2007 at 13 ديسمبر 2007 10:17 ص
( آية إسماعيل.. aya esmael ) …
أنا قلت من الأول ان النهاية هتكون مفاجأة …
وبعدين مستنية ايه من كيوي مفتكس غير نهاية مفتكسة طبعاً ما يتوقعهاش حد …
——————————————–
وما تقلقيش عليَّ انا مش ممكن أبداً أفكر أرمي نفسي من شباك إفتكاسة …
عشان إفتكاسة أصلاً دور أرضي بتطل على شارع (مكتوب) …
فلو رميت نفسي منن الشباك مش هيجرالي حاجة …
لكن لو الحكاية كبرت في دماغي فعلاً هطلع أرمي نفسي من فوق سطوح إفتكاسة (بعد الشر عليَّ طبعاً) …
بس على فكرة لو لاقدر الله حصل … هسيب رسالة اقول فيها انك انتي اللي زقتيني …
أمال يعني أسيبهم يقولوا المفتكس انتحر .. دي حتى تبقى عيبة كبيرة في حقي …
——————————————–
كمان لسه بتهدديني بـ (كوكو أمن) حتى بعد ما سمعت كلامك وافتكست الافتكاسة الجديدة …
طيب وبعدين معاكي يعني ؟!!
على فكرة لو حصلي أي حاجة … في التحقيقات هقول انك شريكتي …
ولو شاطرة بقى ابقي اثبتي العكس …
يعني تستهدي بالله كده .. وتحطي عقلك في راسك .. وتنسي موضوع سي (كوكو أمن) اللي كل شوية تهدديني بيه ده …
——————————————–
وبعدين ايه حكاية (شاطر) اللي انتي مسكهالي انتي وست (نسرين) …
والله أنا قلقان منكم … شكلكم هتودوني ورا الشمس …
لكن لأ نسرين طيبة ومتعملهاش … الخوف منك انتي يا ست آية …
——————————————–
بجد بقى تعليقك هايل يا آية …
دلوقتي أقدر أقولك انك (مفتكسة كبيرة ) .. قال وكنت بتوصيفيني بالمصيبة انا و (محمود) …
أهو بعد تعليقك ده أقدر أقول ان المصايب زادت كمان مصيبة …
ديسمبر 13th, 2007 at 13 ديسمبر 2007 10:28 ص
( الوردة البيضاء ) …
من أولها هتنصبي وتقولي اتصلت كتير …
وبعدين مين الواحدة المفتكسة اللي كانت بترد عليكي دي ؟!!
والله شكلك ناوية توقعيني في (ميمو) …
يابنت الناس المفتكس بيرد على الاتصالات بنفسه … وبلاش افترا يا ست وردة …
——————————————–
الله
يبارك
فيكي
يا أحلى
وردة
في
بستان
مكتوب
وكل
سنة
وانتي
طيبة
وأكيد
العيدية
جاهزة
ان شاء الله
من أعمالكم سلط عليكم … اشمعنى أنا أحول لوحدي …
——————————————–
دمتي بخير وسعادة يا وردتنا البيضا الغالية قوي علينا …
ديسمبر 13th, 2007 at 13 ديسمبر 2007 10:31 ص
( مولاي عمر ) …
ايه السلام اللي على الطاير ده ؟!!
ملحقاش نعمل معاك واجب ياراجل …
عموماً (إفتكاسة) زي بيتك بالظبط …
تشرفنا في أي وقت … بس أوعى تيجي تنوي على بيات …
آه اللي أوله شرط آخره نور …
ديسمبر 13th, 2007 at 13 ديسمبر 2007 8:27 م
المفتكس
الله الله
نهايه ممتعهوهبوط جميل
ان شاء الله بعده على طول
وبعده ليه
اهو المفتكس بينا بيحلق عايل مع نجوم الابداع والتميز
كلمة بودنك كين اللي علم الكيوي الطيران
اوعى تقلي انك انت
انا بقول واحد احول معلمه يطير
دنا طانت يدي على قلبي ليخبط بشجره ولا بحيطه
يالله ربنا ستر ومحصلش حاجه
هااااااااااااايل فكره جامده
ديسمبر 14th, 2007 at 14 ديسمبر 2007 7:59 ص
نفيدكم علماً بأن جهاز (المفتكس) أصابته سكتة كمبيوترية أثناء كتابة ردودنا على تعليقاتكم أمس …
مما تسبب في تأخيرنا على الرد على تعليق ماما (همس البحر) .. المفتكس محرج جداً وفي نص هدومه بصراحة …
بس أنا عارف ان ماما طيبة وهتسامحني …
كمان جالنا تعليق من المشاغبة الكبيرة والمستبدة السابقة أختنا (روح الشرق) … ربنا يستر …
بسرعة نجري نرد على تعليقاتهم قبل الجهاز ما يعملها تاني …
أدعوا ربنا انه الجهاز ميركبش دماغه زي امبارح …
ديسمبر 14th, 2007 at 14 ديسمبر 2007 8:06 ص
ماما ( همس البحر ) …
مين يستجري يقول اننا طابخيهنا أنا وماما عشان ما نديش الجايزة لحد تاني ؟!!
قطع لسان اللي يقول كده .. (بعد الشر طبعاً على زوار وحبايب افتكاسة) …
تصحيح الاجابات تم بكل أمانة وشفافية (واخدين بالكم من كلمة شفافية دي .. ) …
وحضرتك تستحقي الجايزة عن جدارة (بس ياريت متنسيش هديتي) …
ديسمبر 14th, 2007 at 14 ديسمبر 2007 8:14 ص
( روح الشـــــــرق ) …
بقى كده بتتريقي على طيران الكيوي …
ماشي يا ست روح …
الحمد لله ربنا نصفه ومدخلش لا في شجرة ولا في حيطه …
وعمل أحلى هبوط ميعملوش أجدع طيار في شركة (مكتوب) للطيران …
لأ وايه أخدتي بالك وهو بيغمز بعينه ويقول بااااي … كان شكله عسل …
——————————————–
قلتي: ( اهو المفتكس بينا بيحلق عالي مع نجوم الابداع والتميز .. ) …
ما أجمل كلماتك أختي … ولكنه ثناء لا أستحقه …
المفتكس لسه صغنن قوي على الكلام الكبير ده …
انما لو جيتي للحق …
انتي أختي بموهبتك وقلمك المتميز التي تتقدمي نجوم الابداع والتميز …
ديسمبر 14th, 2007 at 14 ديسمبر 2007 8:36 ص
صباحك فل يا مفتكس..
صراحة انا برجي من نفوخي طااااار ..يعني ايه مفتكس وافتكاسة ..؟؟؟ لا اا انا بديت اشك انك من الاخوان المفتكسين..والزاهر كده انك ارهابي كمان ” مش السيد بوش يقول على كل حاجة مش فاهمها لأنه غبي ارهاب ” ؟؟!!!
بصراحة ربنا كده انا كنت اتمنى ان الكيوي ده يخبط راسه وتتكير رأبته ..اصله مش داخل مزاجي ..
تحياتي لك ولخفة دمك ..
كبرياء انثى ..
ديسمبر 14th, 2007 at 14 ديسمبر 2007 8:39 ص
اقصد وتتكسر رأبته ” رقبته ”
سؤال للمفتكس ..هو ليه المجانين بيحبوا ياكلو بتنجان ” باذنجان ” ؟؟
انا سمعت كده بفلم عادل امام مع شريهان وسألت ابلتي مصرية قالت مش عارفة ..
يا ترى يا مفتكس تقدر تجاوبني ..
لان انا باموت بالباذنجان…يعني لازم ادخل العصفورية حسب فيلم عادل امام ..
ديسمبر 14th, 2007 at 14 ديسمبر 2007 1:53 م
ههههههههههههههههههه
جوب يا مفتكس..
علي البتنجال
ايه يا عم روعة الفديوه
غبت وغيبك طوال
معرفش ايه السبب ؟
لك تحيا تي
اخر ادرجاتي
بـــــــــــــــأسمـــك يا فلسطيـــــــــــــــــــــن
دقت الطبول
واشرقت الشمس
فى وادى غير وادى
وامام عينى
قتل المعتدى .. أولادى
قتل امي واخوي
موات كمان ابويه
بأسمك يافلسطين
بأسمك يابلادى
ضحيت بأولادى
“”"”"”"”"
ديسمبر 14th, 2007 at 14 ديسمبر 2007 2:45 م
وانا اقول ليه الافتكاسة دي زحمه كدة دة عشان دور ارضي والناس بتستسهل بأة وبعدين ايه النوايا السودة دي اللي بتقولها لا سطوح ايه يا ابني الله يكرمك دة انا اللي مدونتي اوضة صغننه علي السطوح مفيش غيرها محندقة علي اد حالي يعني المصيبة لبساني لبساني
لالالالالا يا مفتكس خلييك انت الاحسن والطيب احسن ترضها لاختك بردوا وحتي لو عندي ميول استنداليه فمش معاك انت خالص دة انا كمان طيبة والله حتي اسال اختي الغالية (زهرة نسرين ) هي هتضمني لك
وانا خلاااااااااااص استهديت بالله وعملت set up لعقلي و ريفريش كمان واتخذفت من دماغي حاجه اسمها كوكو امن ( الا اذا) ؟؟
ما علينا
المهم متشكرة علي لقب مفتكسه كبيرة وكلي فخر وكمان مصيبة دة كتير عليا الحقيقة والحلو باة اني اكتشفت كارثة(بردو ماشية علي رجلها ) جديدة في الطريق علي مكتوب اسمها فرحات واللي اعلن قيام جمهوريته الافتكاسية ……..و الباقيه تاتي
كل دة ولسه بيدرس اومال لو اتخرج تفتكر هيعمل ايه ؟
تحياتي والي المزيد من الافتكاسات القوية والهادفة
ديسمبر 14th, 2007 at 14 ديسمبر 2007 3:30 م
لالالالاللالالالالاالالالالالا
يا مفتكس انا توقعت النهاية الاول
وانا اللي استحق الجائزة
انا مليش دعوة انا توقعت النهاية دي
وممكن تشوف تعليقي في الجزء الاول
————-
علي العموم
ولا يهمك يا صديقي
ماما همس برده غالية عليك وعلينا ومش هنق علي الجايزة اللي خدتها
والف مبروك
بس بجد الكيوي ده رغم اني مش بعرف انطق اسمه اللي انت قعدت تحفظهولي يومين ونص الا انه بجد بجد ذكي وطموح ومثابر
وياريت كلنا نتعلم منه روح التحدي والصبر
الكيوي ده حلم بانه يطير وخطط ونفذ حلمه وهدفه
معني كده ان كل واحد يحلم بحلم ويضعه كهدف محدد ومخطط
اكيد هيوصل هيوصل
ياريت نتعلم منه ….
ديسمبر 14th, 2007 at 14 ديسمبر 2007 3:42 م
( كبرياء انثى ) …
لسه بتسألي يعني ايه مفتكس ويعني ايه افتكاسة ؟!!
م احنا عملنا افتكاسة مخصوص علشان الحكاية دي …
لكن قوليلي ايه كلامك ده : ( انا بديت اشك انك من الاخوان المفتكسين..والظاهر كده انك ارهابي كمان ” مش السيد بوش يقول على كل حاجة مش فاهمها لأنه غبي ارهاب ” ؟؟!!! .. ) …
إخوان ايه … وارهاب مين … معرفش حد بالاسم ده حضرتك …
——————————————–
بقى كنتي تتمنى ان الكيوي يخبط راسه وتنكسر رقبته ..علشان مش داخل مزاجك …
يا ساتر على السوداوية …
الحمد لله ربنا سلم …
ديسمبر 14th, 2007 at 14 ديسمبر 2007 4:11 م
( كبرياء انثى ) مرة تانية (علشان البتنجان) …
شوفي يا ستي لو صح كلامك .. واعتبرنا اللي بياكلوا البتنجان مجانين …
يبقى الشعب المصري كله (إلا شوية صغننين أولاد محظوظة) .. كلهم مجانين …
وأنا أولهم طبعاً …
ليه بقى ؟!! علشان البتنجان هو أكلتنا الأولى في مصر …
مش حباً فيه (أحسن تفهمي غلط) …
لأ .. لكنه ضيق ذات اليد والذي بسببه يكون البتنجان هو الأكلة الأولى على موائدنا وعلى طبالينا (جمع طبلية) .. وعلى فرشة ورق الجرايد …
——————————————–
كمان اتفننا في طبخه .. يعني مرة مقلي ومره مسلوق ومرة باباغنوج ( الا ايه هو بابا غنوج ده) …
ده غير انه ملازمنا طول الوقت في كل الوجبات …
يعني نفطر بتنجان .. ونتغدى بتنجان .. وكمان نتعشى بتنجان .. وبين الوجبات بنعمل سندويتشات بتنجان …
——————————————–
انا بيتهيألي ان البتنجان عملنا نحن المصريين مناعة ضد الأمراض والأوبئة …
تخيلي انا واثق مليون الميه اننا نفدنا من انفلونزا الطيور بسبب أكلنا للبتنجان …
والكام حالة إصابة اللي ظهرت في مصر …
بعد إجراء أبحاث مفتكسة عليها .. اكتشف ان الحالات دي كانت مقللة من أكلها للبتنجان …
——————————————–
يعني لا خوف عليكي أبداً يا أختي (كبرياء أنثى) من حبك للبتنجان …
كُلي بتنجان زي ما انتي عايزة …
وسيبك من عمنا (عادل إمام) … ولو انه مش هو صاحب المقولة بتاعة البتنجان في فيلم (خلي بالك من عقلك) …
اللي شاركته البطولة فيه (شريهان) …
انما صاحبة المقولة البتنجانية هي الممثلة الداهية -اللي كانت بتشتغل أسطى عالمة قبل التمثيل- (نعيمة الصغير) رحمة الله عليها …
انا على فكرة بحب الست دي جداً … مجرد ظهورها في أي فيلم بيعطيه نكهة خاصة …
وشوفي بقى لما يجمعها فيلم بعادل إمام … ايه اللي ممكن يحصل …
——————————————–
اتمنى انك ترجعي علشان تقري الاجابة على سؤالك …
ديسمبر 14th, 2007 at 14 ديسمبر 2007 4:16 م
( @شاعرالأحزان احمد هيكل@ ) …
جاوبت على البتنجان بالتفصيل زي ما انت شايف …
أما بالنسبة لغيابي فأعذرني .. أعذروني كلكم .. انا عارف اني مقصر في حقكم زيادة عن اللزوم …
ان شاء الله أزورك عن قريب … بس جهز لنا انت قعدة عندك …
آه ومتنساش انا بحب البيبسي في علب كنز ويكون ساقع … والبيتزا تكون باللحمة وسخنة …
والباقي بقى لما أجيلك ابقى أقولك عليه …
ديسمبر 14th, 2007 at 14 ديسمبر 2007 4:48 م
( آية إسماعيل.. aya esmael ) …
بتقولي: ( وانا خلاااااااااااص استهديت بالله وعملت set up لعقلي و ريفريش كمان واتخذفت من دماغي حاجه اسمها كوكو امن ( الا اذا) ؟؟ ..) …
اهو انا عايز أعرف الا إذا ايه حضرتك ؟!!
وقال ايه طيبة واسأل عني (زهرة النسرين) .. مش هسأل (زهرة النسرين) .. م العينة بينة أهي …
كلام بيخر طيبة .. بأمارة الا اذا …
——————————————–
اما الكارثة (فرحات) فأدعيلي انا سبب كبير في اني استقطبته هنا في (مكتوب) …
وارجعي لأول تدوينه عنده (في الأوله بسم الله) وانتي تتأكدي اني مش بنصب عليكي …
وليكي عندي كل يوم والتاني اتحفكم بمفتكس جديد … بس انتم تشجعوهم …
يعني كلها كام شهر وأكون جهزتلكم جيش مفتكسين مالوش حل .. ممكن نغزو بيه (البلوج سبوت) لو حبيتم …
ونهزمهم شر هزيمة …
——————————————–
أول المفتكسين القادمين بعد (فرحات) … هو (طز فش) هو انا صحيح لسه بقنع فيه …
لكن وغلاوتك عندي يا آية لبكره تلاقيه مشرف هنا بيفتكس على خلق الله …
——————————————–
أما لقب (مفتكسة كبيرة) .. وكمان (مصيبة) فانتي تستحقيه عن جدارة .. وبلاش تواضع …
ديسمبر 14th, 2007 at 14 ديسمبر 2007 5:29 م
( فرحـــات ) …
ايه يا عم الرئيس (فرحات) ؟!!
نهاية ايه اللي انت اتوقعتها … احنا هننصب وللا ايه يا ريس ؟!!
مش عايزين نسيح ونقول اني انا اللي وريتك النهاية قبل ما أنشرها بكام يوم …
وده كان قبل ما تسيب تعليقك …
كمان انت بنفسك اعترفت …
شوف انت قلت ايه: ( بس بجد الكيوي ده رغم اني مش بعرف انطق اسمه اللي انت قعدت تحفظهولي يومين ونص الا انه بجد بجد ذكي وطموح ومثابر .. ) …
يعني انا مش بفتري عليك ..
رؤساء ايه اللي بينصبوا دول انا مش فاهم !! …
——————————————–
ماشية معاك حلاوة ياعم .. (آيــة) منحتك لقب (كارثة) … ودي شهادة غالية من (مفتكسة كبيرة) في عالم الافتكاس …
لكن بحق انت تستحقها …
نفسك معايا بقى نقنع (طز فش) علشان نستقطبه هنا …
ديسمبر 14th, 2007 at 14 ديسمبر 2007 8:18 م
المفتكس مساء السكر
الحمد لله على سلامة الكيوي هذه نتيجة الاصرار ألف مبروك
أشكرك على مرورك بمدونتي بصراحة لقد رسمت البسمة على شفاهي و تمنيت لو أنك لم تنهي كلماتك
أنا بانتظار عودتك
كل عام و انت بخير و عيد مبارك سعيد
دمت بسعادة
تقبل مروري
تحياتي لك أخي
ديسمبر 14th, 2007 at 14 ديسمبر 2007 9:24 م
( حنان ) …
الله يسلمك يا أختي الغالية …
لا تشكريني على مروري بمدونتك .. فأنا من وجب عليه الشكر .. لقد استمتعت بوجودي وسط كل هذا (الحنان) …
وان شاء الله راجع … وغلاوتك راجع …
كل سنة وانتي طيبة …
وعيد سعيد علينا كلنا يارب …
ديسمبر 14th, 2007 at 14 ديسمبر 2007 10:42 م
يامفتكس مش حكتب لك حاجه حرسل لك اس ام اس ..
الحمد لله ع وصول الكيوي المفتكس
ديسمبر 15th, 2007 at 15 ديسمبر 2007 1:00 ص
السلام عليكم
نهاية ان يحلم بان يطير ويحلق عاليا حتي السحاب بدون ان يخاف من الطائرات
وعيد سعيد عليك وعلي جميع الناس في كل مكان علي الارض وفي الفضاء الخارجي
وسلاماتي
ديسمبر 15th, 2007 at 15 ديسمبر 2007 8:22 ص
( همس ) …
في انتظار الـ (اس ام اس) …
الله يسلمك أختي الغالية …
كل سنة وانتي طيبة …
ديسمبر 15th, 2007 at 15 ديسمبر 2007 8:25 ص
( وائل المصري ) …
طيارات ايه ياعم المتر … الحلم مكنش فيه طيارات خالص …
عموماً الكيوي ده مفتكس وممكن يعمل اي حاجة …
كل سنة وانت وأنا وكل المسلمين في كل مكان طيبين وبخير …
ديسمبر 15th, 2007 at 15 ديسمبر 2007 8:36 ص
إلى من قطفوا الإبتسامة
وطبعوها على أحزاني ..
إلى من علموني هندسة العبارة
وكسر حواجز قلمي..
إليكم أرسل معايدتي
قبل كل البشر ..
كل عام وإنتم بخير
ديسمبر 15th, 2007 at 15 ديسمبر 2007 10:35 ص
( زهرة النسرين) …
كل سنة وانتي وأنا وكل المسلمين في كل مكان طيبين وبخير …
الأضحية السنة دي عندي …
هندبح 6 خرفان في افتكاسة .. (ايوه 6 في عين العدو) …
ياللا بسرعة أدخلي على افتكاستنا الجديدة (صوت على خروف العيد) علشان تلحقي نصيبك …
ديسمبر 15th, 2007 at 15 ديسمبر 2007 6:19 م
كل عام وأنتم بخير …..
كل عام وأنتم لله أقرب ….
كل عام وأمتنا العربية والإسلامية أقوي … وأملها للإصلاح أشد ….
وللتغيير تعمل وتجاهد
عندنا كمدونين قضيتين …. نرجوا أن لا تغفل لنا عين … حتي يتم حلهم ….
((الإفراج عن المدون المصري الشاب …الدكتور أحمد محسن ….. ))
((وإعادة المدونة المليونية لسان العرب للمدون : أحمد شوقي …))
بعد أن حذفتها مكتوب دون أي مخالفة إرتكبتها ودونما سبب …..
أتمي أن نتضامن جميعاَ في تللك القضيتين … حتي يعود لنا مدونا الحبيب أحمد محسن
ومدونتنا المتألقة لسان العرب …..حتي يكون العيد القادم طعمه حلو ….
فلنشارك معاً ولو بكلمة أو ببانر نرفعه في مدوناتنا ….
ديسمبر 15th, 2007 at 15 ديسمبر 2007 9:50 م
ايه يا مفتكس انت هتوقف لي علي الكلمه عادي انا كنت بهذي و اتعلم تفوت باة لاننا بيقينا في حكومه واحدة يعني مصلحتنا واحدة ومينفعش كدة من اولها نخبط في بعض مش كافية انك دبستني في عربيه ( تو علي تو )وماعترضتيش وفوتها بمزاجي .
المهم
انا بحيك وبشكرك يا سيدي علي استقطاب فرحات لانه فعلا نموذج من الشباب الصغنن عجبني جدا ذي الكيوي —-اصل الكيوي طائر مفتكس والطيور علي اشكالها تقع ولا ايه
طيب ادينا منتظرين (توزفيش) كمان علي احر من الجمر وشكله كدة هياخذ لقب ( الداهية ) والباقية تاتي 0000000
انت بتقول
يعني كلها كام شهر وأكون جهزتلكم جيش مفتكسين مالوش حل .. ممكن نغزو بيه (البلوج سبوت) لو حبيتم …
ونهزمهم شر هزيمة … )
ياااااة كلمات دي من زمان وهي اتشاليت من قاموسنا وكان نفسي اسمعها
جهز جيش—-نغزو بيه—— نهزمهم — الله الله كم افتقد تلك الكلمات
علي فكرة انا فعلا لما بمشي او اتكلم بخر طيبة وتقدر تحدد مكاني من الطيبة اللي واقعه الارض حاسب للتكعبل فيها اوكي
يلاة سلام واشوفك في اجتماع الريس
ميرسي جدا كمان علي لقب مصيبة ولي الفخر
ديسمبر 15th, 2007 at 15 ديسمبر 2007 11:13 م
يا عم المفتكس مش اللي انت جايبة دي من فصيلة الطيور ولكنة كما قلت انت وعندي شهود لا يطير هو بيحلم انة يطير وحقق هذا الحلم ………
……….ركذ معي ….يا مفتكس ولا اية
وتحياتي الكتيرة
ديسمبر 16th, 2007 at 16 ديسمبر 2007 6:30 ص
***
عيد مبارك سعيد
وكل عيد أضحى وأنت بألف ألف خير
وحقق الله سبحانه لأمتنا النصر المبين
ومنّ عليها بالوحدة الكاملة آمين
***
ديسمبر 16th, 2007 at 16 ديسمبر 2007 10:44 ص
( سلوى جلال .. slwa jalal ) …
كل سنة وانت وأنا وكل المسلمين طيبين وبخير …
ماتنسيش تاخدي نصيبك من أضحية افتكاسة ( الـ خرفان) …
ديسمبر 17th, 2007 at 17 ديسمبر 2007 8:45 ص
انا رجعت يامفتكس..
ولم تزدني اجابتك الا افتكاسا ً وتفاكيسا ً ..
بالنسبة للي انتا مافهمتهوش مع اني متأكده انك فاهمه ..هو اني باشك انك تابع لأحد الاخوان ..او اي حزب سياسي ..اعترف يا مفتكس..ما تخفش لو اتسجنت انا هاطلعك من السجن بعد ما تاخد الاعدام أأأأأأأأأأأأ أصد ” اقصد ” بعد حكم المؤبد ..ههههههه
تشكر ع الاجابة بتاعت الباتنجان ..
تحياتي لك ..
ديسمبر 19th, 2007 at 19 ديسمبر 2007 9:13 م
سا الخير
ديسمبر 21st, 2007 at 21 ديسمبر 2007 1:28 م
( كبرياء انثى ) …
بصراحة أنا فاهم كل حاجة .. لكن بستهبل زي ما انتي شايفة حضرتك …
بس ايه ده بتفولي عليه بإعدام ومؤبد …
حرام عليكِ يا شيخة …
ده أنا لسه صغنن …
——————————————–
بالنسبة لإجابة البتنجان .. لا شكر على واجب يا ستي …
أي خدمة … انتي تأمري بس …
ديسمبر 21st, 2007 at 21 ديسمبر 2007 1:32 م
( إيهاب الحمامصى ) …
سا النور على عيونك …