يعني ايه إفتكاسة .. ويعني ايه مفتكس؟!!
كتبهاالمفتكـس ، في 27 نوفمبر 2007 الساعة: 23:24 م
هو يعني ايه إفتكاسة .. ويعني ايه مفتكس؟!!
وصلتتنا طلبات عديدة فى تعليقاتكم على افتكاساتنا السابقة .. ده غير الايميلات والـ إس إم إس اللى جت للمفتكس على الموبايل بتاعه .. والأوفلاين ماسدج الكتيرة اللي بتجيلنا على الماسنجر … كلها بتسأل سؤال واحد هو .. يعني ايه مفتكس ويعني ايه إفتكاسة ؟!!
ونزولاً على رغباتكم خصصنا هذه الإفتكاسة للرد عليكم
أقولكم يا أسيادنا …..
مفتكس هو اسم الفاعل من الفعل يفكتس .. اللى مصدره إفتكاسة …
وإفتكاسة هو اسم مدونتنا زي ما انتم عارفين …
طبعاً لسه مش فاهمين حاجة …
إفتكاسة بقى .. هى الشئ الغريب الجديد اللى الناس مش متعودة عليه … يعني الإفتكاسة هي الشئ الذى استحدث ولم يكن موجوداً من قبل …
والمفتكس طبعاً هو صاحب الإفتكاسة …
فهمتم حاجة ؟؟ … أشك … هههههههههههه
عموماً اللي مفهمش … مايقلقش … المشكلة مش فيه… المشكلة فى اللى حاول يفهمه وفشل …
يعني المشكلة هتكون فى المفتكس …
المفتكس فاااااااااااااااااااااااااااااااشل (ده لو كنتم مفهمتوش طبعاً)..
————————————————————————————————————————–
* إفتكاسة: كلمة مصرية عامية مستحدثة ظهرت فى السنوات الأخيرة ومصدرها مجهول … (لزم التوضيح)
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
نوفمبر 28th, 2007 at 28 نوفمبر 2007 4:11 ص
دى اخرتها يا مفتكس
هى الكهرباء كانت عالية هناك
يا نهار أبيض يا مفتكس
الواد ما بيمعش ياناس
الله يسامحك يا نجم ضيعت مستقبل الواد و إنت قاعد تقول فى قصايد ترميها على الخلق
هنا و هناك
يا حبيبى يالمفتكس
ماكنش يومك يا أخويا
———————————–
و الله ما فهمت حاجة
بس أحلى حاجة على الصبح بتاعنا الساعة دلوقتى 10 و 10
أفتح عينى على إفتكاسة جديدة و تعليقات الشات كمان
تحياتى و إحترامى
نوفمبر 28th, 2007 at 28 نوفمبر 2007 8:46 ص
إيه يا عم الروقان والقرمشة اللى انت عايش فيهم دول ..
انت قلتلى اسمك إيه ؟؟!!
بصراحة ياد يا مفتكس إنت دماغك جامدة وشبه دماغي .. وبعدين انت مفتكس وأنا فنكووش فمرحناش بعيد ..
عايزين نعمل أحلى دويتو مع بعض .. إيه رأيك يا مان ..
لو وافقت حنعمل مؤتمر صحفي نعلن فيه لجميع وكالات الأنباء الآتي :
” لقد عقد المدونان الكبيران الفنكوش والمفتكس مؤتمرا صحفيا صباح اليوم ليعلنا أنه قد بدأت التوأمة بين الناديين الكبيرين .. قصدي المدونين الكبيرين ..
وعلى فكرة انت الكسبان .. عشان حنطلع أحلى شغل وزى ما انت عندك افتكاسات أنا عندي فناكيش ..
وكما قال الفنان عادل إمام .. يا ناس يا عسل الفنكوش وصل ..
صبح صبح يا عم مفتكس .. وأنا منتظر الرد بتاعك عشان نبدأ نولع فى المنطقة ..
ويحيا الفنكوووووووووووووووووووووووووش
نوفمبر 28th, 2007 at 28 نوفمبر 2007 8:49 ص
على فكرة أنا نسيت أقولك إني لدعت حاجتين من عندك عالماشي كده عشان عجبوني ..
انت طبعا ناقلهم زى ما قلت لكن حقوق النشر محفوظة يا ريس وإوعى تقلق ..
أنا حافظلك نصيبك فى العملية ..
وعلى فكرة المعلم بيسلم عليك وبيقولك السنجة فى الرنجة والمورتة فى قعر الحلة ..
ومتنساش تسلملى على الدفاس وأبو دهشوم وتقولهم مينسوش يفيشوا الهوامش ..
________________________________________________________________
يحيا الفنكووووووووووووووووووووش
نوفمبر 28th, 2007 at 28 نوفمبر 2007 1:48 م
المفتكس
اولا متشكره على موضوعك
ثانيا بقالي كم يوم ببحث عن معتى كلمة مفتكس بمعاجم اللغه
عجزت عن ايجاد تفسي
وgoogle تعيش انت بعد ما دخلت الكلمه
جاله فيروس وجنان ومات
وسابلك شغلانه تفسير الكلام اللي ملوش تفسير
نيجي للجد
موضوع رائع زي مدونتك
عارف
مدونتك زي الواحه اللي محتاج الشخص مكان يستريح فيه
ويشعر انه هناك في تفائل بالحياه
ربنا يديم عليك تفائلك ( لا اظن منا قريت) ويبسطك كمان وكمان
وتضعلنا افتكاسات هايله دائمااااا
سلمت يمناك ودمت متاقلا دوماااااا
ننتظر جديدك
نوفمبر 28th, 2007 at 28 نوفمبر 2007 3:39 م
اممم
يعني كلمة من اختراع المفتكس
لا وجود لها الا في قاموسه الافتكاسي الخاص
خلاص وصلتلنا الفكرة
دمت بكل خير وسعادة
بالفعل رائعة هذه المدونة
تحياتي
نوفمبر 28th, 2007 at 28 نوفمبر 2007 5:12 م
مفتكس ممكن اطلب منك تفسير كلمه جديدة بطريقتك؟؟؟؟؟؟؟؟؟؟؟
يعني ايه مستكنيص؟؟؟؟؟؟؟؟؟؟؟؟؟ وياريت تحكي لنا حكايه عليها تبسط قرائك
هههههههههههههههههههههههههههههه
ميمو
نوفمبر 28th, 2007 at 28 نوفمبر 2007 6:51 م
اولا شكرا على موضوعك يلي يضحكككككككككك
على فكرة افتكاسة دي كلمة روشة مروشنة بنت ناس روشين على الاخر
بجد بشكرك على موضوعك يلي بيضرب الدماغ
ولافهمت منه ولا كلمة غير انه المصدر مجهول
اتمنالك التوفيق يارب
وبانتظار الجديد على طول يامفتكس
نوفمبر 28th, 2007 at 28 نوفمبر 2007 11:13 م
( محمود ) …
أيوه كده لازم تكون أول المعلقين …
عشان الإفتكاسة دي مكتوب مخصوص علشانك (بغض النظر عن انك نصبت فى موضوع الـ 100 تعليق .. انما برضه كتر خيرك) …
هي صحيح نزلت من على النار بسرعة ومستويتش كويس …
لكن صدقني يا حودة أنا اللي استويت عشان أنشرها …
بجد مكتوب طلع عنيه امبارح بالليل لحد ما وصلت للشكل اللي انت شايفه ده …
وبسببها نمت بعد الساعة 4 الفجر … ونمت أقل من 3 ساعات عشان أروح الشغل …
عذبتني بعيد عنك …
وأفتكرت كلمة لصديق قالهالي في مرة لما مكنش عارف يدخل على (إفتكاسة) .. واتقفلت كل السكك فى وشه …
قالي : (واضح ان مكتوب مش مكتوب لنا) … الله يمسيه بالخير بقى ..
………………………………………………………………………………………
ما تخافش يا أبو طه أنا لسه في مهربي (مكان هروبي يعني) …
وحبايبنا الحلوين (ربنا يجعل كلامنا خفيف عليهم) لسه ما يعرفوليش طريق جُرة …
………………………………………………………………………………………
وبالنسبة لنجم … الراجل طلع مالوش علاقة بالقصيدة … وحرام علينا نبهدله معانا فى القضية دي …
………………………………………………………………………………………
أما بقى بالنسبة لعدم فهمك للمكتوب عاليه … فده معناه انك أول واحد أثبت ان المفتكس فاشل …
………………………………………………………………………………………
ودلوقتي نشوف تاني التعليقات على إفتكاسة النهاردة ..
نوفمبر 28th, 2007 at 28 نوفمبر 2007 11:31 م
( فارس مصر ) …
ايه يا عم (الفنكوش) انت … انت بتطاردني وللا ايه ؟!! …
كل ما أروح حتة ألاقيك في وشي … لسه جاي من (عشان انت مصري) وسايبك هناك …
ابص في شات المفتكسين ألاقيك … جيت هنا لقيتك …
انا خايف افتح الحنفية ألاقيك نازلي منها …
………………………………………………………………………………………
عموماً أنا رديت عليك فى افتكاستنا السابقة (عشان انت مصري) …
………………………………………………………………………………………
ودلوقتي نشوف مين من حبايبنا زوار افتكاسة سايبلنا تعليق جديد …
نوفمبر 28th, 2007 at 28 نوفمبر 2007 11:43 م
( روح الشـــــــرق ) …
بتقولي : (google تعيش انت بعد ما دخلت الكلمه جاله فيروس وجنان ومات وسابلك غلانه تفسير الكلام اللي ملوش تفسير .. ) …
آه دي تريقة بقى … ماشي يا ست روح …
وأنا اللي كنت خلاص هعلن الهدنة بيننا … لكن لأ .. أبداً ..عل جثتي …
عموماً الله يرحم جوجل ويحسن اليه … كان محرك بحث طيب … الفاتحة على روحه …
ما يجوزش عليه غير الرحمة دلوقتي …
………………………………………………………………………………………
القول قولك .. و احنا فى الخدمة … أي حاجة محتجالها تفسير …
تلاقي عند المفتكس تفسيرها بأمر الله …
………………………………………………………………………………………
* أيتها الغلباوية يا أم دم زي العسل … كم يسعدني وجودك فى إفتكاسة … ربنا ما يحرمنا منك أبدأً ..
ولا من تعليقاتك المفتكسة …
نوفمبر 28th, 2007 at 28 نوفمبر 2007 11:46 م
( ريما الشيخ ) …
لأ مش كلمة من اختراع المفتكس …
أنا عدلت الإفتكاسة دي بعد ما شفت تعليقك …
وكتبت الجملة الأخيرة اللي بأكد فيها ان (إفتكاسة) كلمة مصرية عامية …
عموماً انتي تاني شخص يؤكد فشل (المفتكس) …
………………………………………………………………………………………
ونشوف مين زارنا بعد أختنا ريما …
نوفمبر 28th, 2007 at 28 نوفمبر 2007 11:57 م
( ميمو) …
آه انتي مصدقتي بقى اني أعرض خدماتي فى التفسير ..
كله منك يا (روح الشرق).. انتي اللي دبستيني فى موضوع التفسير ده ..
المشكلة يا ميمو ان كلمة (مستكنيص) دي محتاجة إفتكاسة لوحدها نفسر بيها معناها ..
خصوصاً وانتي كمان عايزاني أحكي لكم حكاية عليها تبسط زوار إفتكاسة …
وأنا عارف الحكاية اللي انتي تقصديها دي …
فاكرها كويس جداً …
أولها المفتكس مات من الضحك … بعديها انتي اللي متي من الضحك …
وكفاية بقى علشان كده لخبطنا زوار إفتكاسة .. اللي مش فاهمين أي حاجة عن الحدوتة دي …
………………………………………………………………………………………
* ملحوظة: الحدوتة دي سر بيني وبين ميمو … وهي مصدقت جاية تصطاد فى الميه العِكرة ..
نوفمبر 29th, 2007 at 29 نوفمبر 2007 12:04 ص
( الوردة البيضاء ) …
أنا اللي بشكرك على زيارتك لإفتكاسة يا أجمل وردة فى بستان (مكتوب) ..
وأشكرك على مساهمتك بتفسير كلمة إفتكاسة اللي انتي قلتيه ده:
( على فكرة افتكاسة دي كلمة روشة مروشنة بنت ناس روشين على الاخر ) ..
ولو انك لخبطتي زوار إفتكاسة أكتر ما أنا لخبطتهم …
أما كلامك ده : ( ولافهمت منه ولا كلمة غير انه المصدر مجهول ..) …
بيأكد ان (المفتكس) فاااااااااشل …
………………………………………………………………………………………
أفتكر ده كان آخر تعليق معانا الليلة دي … فى انتظار مزيد من تعليقاتكم المفتكسة …
كان معكم (المفتكس) .. من أمام باب مدونته (إفتكاسة) …
نلتقي بعد الفاصل …
نوفمبر 29th, 2007 at 29 نوفمبر 2007 5:34 ص
يا لذيذ يارايق …
اصلا احنا فاهمين يعني ايه افتكاسة ..مكنتش عايزة كل التعب دا ..ما اللي يقرأ افتكاساتك يقدر يستنبط منها معنى المفتكس ..
المفتكس ..هو انسان حساس يعبر عن مشاعرة بأسلوب كوميدي ..
والافتكاسة ..هي العالم بتاعه حيث حرية الافكار قبل القلم ..
تحياتي استاذ مفتكس
نوفمبر 29th, 2007 at 29 نوفمبر 2007 6:29 ص
أحمد الله على أن زاد معجمي اللغوي المتواضع
مفردة أخرى
جميلة وقوية ومعبرة
وقابلة لجميع أنواع الأوزان
/
افتكس يفتكس افتكاسة فهو مفتكس
أي ابتدع ما لم يخطر من قبل بالخيال
/
ومن الافتكاس ما هو حميد
ولعلك أيها المفتكس المحمود الجليل
لا ترفض رجاءنا لك
بمتابعة الإغداق على محبيك
بكل ما حلي وطاب
من مفتكسات هذا الزمن
الذي ليس كله رديئــــــــًا
/
تقبل أخي أصدق آيات احترامي وتقديري
وتمنياتي لك بدوام الصحة والسعادة والهناء
*
نوفمبر 29th, 2007 at 29 نوفمبر 2007 12:45 م
بجد و بصراحة و و بكل اهتمام
اسم جميل ولذيذ …. ينفع معاه اننا نقول
افتكاسة .. مش هتقدر تسد ودانك ..
ههههه
ولا ايه ؟؟؟
علي اساس ان اللي بيدخلوا المدونة دي بيقرأوا بودانهم ..
صح ولا ايه النظام ؟؟؟
من حق
هو انهارده ايه ؟؟؟
نوفمبر 29th, 2007 at 29 نوفمبر 2007 1:17 م
افتكس براحتك
نوفمبر 29th, 2007 at 29 نوفمبر 2007 1:40 م
السلام عليكم
الافتكاسة هي كلمة زي كثير من الكلمات التي لا اصل لها والتي قام مصري مجهول في زمن ما مجهول ايضا باختراعها …….في لحظة ما ايضا مجهولة في حياتة وطالما احنا يعني ممكن نعرف روح الكلمة ..هتقولي الان هي الكلمة ليها روح …هقولك زي الافتكاسة بتاعتك احنا هرفين ماذا تريد من ورائها ومش لازم نعرف معناة …لانك مش عارف لية لانها كدة كلمة لها مضمون وليست لها معني عربي مثلا .
…………..وكفاية كدة وقتي بفلوس …..
هههههههه
…علي فكرة انا عامل موضوع بشكل ما ومش عاوز اغيرة اللي بعد متعلق علية تليق انا عرفة واعتقد هتشتشف التعليق بما يحتوية الموضوع من حاجة ما محدش خد بالة منها
يا مفتكس في الموضوع …الموضوع هو هذا ما افعلة الان ..
……..
بس علي فكرة اذا لم تعلق تعليق افتكاسة علي الحاجة اللي انا قصدها ..
هرفع عليك قضية افتكاسة من اولها
وكفاية الان
ومنتظرك
وسلام
نوفمبر 29th, 2007 at 29 نوفمبر 2007 3:43 م
واضح انه وصلنا العديد من التعليقات المفتكسة أثناء غيابنا …
على بركة الله نبدأ حلقة النهاردة من إفتكاستنا ( هو يعني ايه مفتكس ويعني ايه إفتكاسة) …
الرد هيكون كالعادة بالترتيب (ما أنتم عارفين قد ايه المفتكس بيحب النظام) … واخدين بالكم من كلمة النظام دي ؟!! …
(المفتكس) بيحب (النظام) مووووووووت …
يعني كل واحد في دوره يا جماعة …. آه شايف (وائل المصري) جاي يزاحم علشان نرد عليه الأول ….
بقى كده يا متر انت فاكرها طابونة عيش … ارجع يا سي (وائل) مكانك … كله في دوره قلنا ..
بسم الله الرحمن الرحيم … على بركة الله نشوف التعليقات …
أول تعليق معانا يخص أختنا ( زهرة النسرين) ..
نوفمبر 29th, 2007 at 29 نوفمبر 2007 3:45 م
( زهرة النسرين ) …
قلتي عني :
(المفتكس ..هو انسان حساس يعبر عن مشاعرة بأسلوب كوميدي .. والافتكاسة .. هي العالم بتاعه حيث حرية الافكار قبل القلم ) ..
بجد أخجلتم تواضعنا … بقى أنا الكلام الحلو ده …
ده انا لو فكرت أوصف نفسي كده مش هعرف ..
ربنا يخليكي ليّ … ولا يحرمني منك أبداً ..
………………………………………………………………………………………
واعذريني أنا مقصر في حقك … فى حقكم كلكم … بقالي كام يوم مش بعرف أدخل مدوناتكم … ياريت تلتمسولي العذر …
………………………………………………………………………………………
ودلوقتي نشوف تاني تعليقاتنا النهاردة …
نوفمبر 29th, 2007 at 29 نوفمبر 2007 3:50 م
( salwa jalal ) …
ايتها الموهوبة زيادة عن اللزوم …
في كل زيارة ليكي تتحفيني بكلمات ثناء …
لا أجد في قاموسي ما يمكن الرد به عليكي …
بجد بتخليني في حيص بيص حضرتك …
لساني يعجز عن شكرك على كلماتك الجميلة …
………………………………………………………………………………………
التعليق اللي جاي (غير موثق) .. ربنا يستر ..
نوفمبر 29th, 2007 at 29 نوفمبر 2007 5:08 م
( فرحــــات )…
أيها الغير موثق (فرحات) … اقتراحك جميل قوي .. وداخل دماغي بجد …
وانا استخدمته فى ردود قبل كده فى إفتكاستنا السابقة (عشان انت مصري) …
وإحقاقاً للحق يا جماعة … جملة (مش هتقدر تسد ودانك) .. هي من افتكاسات فرحات …
وحقوق الملكية تخصه … واللي عايز يستخدمها بعد كده لازم يرجعله وياخد الإذن منه ..
………………………………………………………………………………………
النهاردة يا سيدي … احنا لسه راجعين من صلاة الجمعة … يعني أكيد النهاردة الاتنين .. ده سؤال ياراجل …
………………………………………………………………………………………
ونشوف تعليق جديد ..
نوفمبر 29th, 2007 at 29 نوفمبر 2007 5:11 م
( نوال ) …
شكراً على التصريح …
خليكم شاهدين يا جماعة … نوال عطتني تصريح بالإفتكاس …
………………………………………………………………………………………
دلوقتي الدور عليك يا عم المتر (وائل) … من ساعتها عمال تزق فى الناس علشان نرد عليك الأول … عموماً احنا خلاص وصلنالك ..
نوفمبر 29th, 2007 at 29 نوفمبر 2007 5:18 م
( وائل المصرى ) …
بتقول:
( الافتكاسة هي كلمة زي كثير من الكلمات التي لا اصل لها والتي قام مصري مجهول في زمن ما مجهول ايضا باختراعها …….في لحظة ما ايضا مجهولة في حياتة وطالما احنا يعني ممكن نعرف روح الكلمة ..هتقولي الان هي الكلمة ليها روح …هقولك زي الافتكاسة بتاعتك احنا عرفين ماذا تريد من ورائها ومش لازم نعرف معناها …لانك مش عارف لية لانها كدة كلمة لها مضمون وليست لها معني عربي مثلا … ) …
يخرب بيت عقلك لخبطني … الله يجازيك يا شيخ …
………………………………………………………………………………………
وبالنسبة لموضوعك … من عنيه الاتنين هجيلك هوا … أنا مش قدك ياعم …
ترفع عليّ قضية توديني في داهية … وأنا بصراحة مش ناقص …
لسه مخلصناش من قضية (عشان انت مصري) … اللي انت اتطوعت عشان تدافع عني فيها .. ( والله شكلك هتجيبلي فيها إعدام .. ربنا يستر ..)…
مش ناقصين قواضي جديدة يعني …
فريرة على المدونة بتاعتك أهو …
………………………………………………………………………………………
تعلق الردود لحين العودة من عند أخونا (وائل المصري) …
نلتقي بعد الفاصل ..
نوفمبر 30th, 2007 at 30 نوفمبر 2007 12:51 م
حبيبى المفتكس
مبروك البراءة يا راجل
الأخت نيفين عمر
و قالت لى إن القصيدة بتاعة نجم
و أظن إنها على إسنعداد تشهد بس ( الأول أى قصيدة يا حلو )
———————
يا حبيبى إنت مش فاشل ده إحنا اللى فاشلين
بس ح أقول لك على سر
الإفتكاسة أصلا و الله أعلم من إفتقاسة و تحورت مع الوقت و إحرفت فصار إفتكاسة
و الإفتقاسة كما تعلم يا صديقى الشاعر من الفقس و الفقس هو أن تفقس البيضة
كتكوتا زغنونا و هو المفقوس أو المفتقس
و قد قال الشاعر الحلمنتيشى
تزوج ديكا مديكا دجاجة و بعدساعة هجرته
باضت الدجاجة فجلست على البيض لتفقسه
فلما إنفقست البيضة خرج كتكوتها يشبهه
———–
أظن إنه كلام سهل و واضح و مش محتاج تفسير
و قالوا فى الأمثال المصرية القديمة
عيب يا بنى ده انا اللى فاقسك
أى عارف ألاعيبك كلها
و أرجومن الإخوة أن يأخذوا الموضوع بجدية أكثر لأن المفتكس لما بيتكلم فيه حاجات بين
السطور و لازم نفقسها كويس
تحياتى و إحترامى يا بطل و مرة تانية مبروك البراءة يا عم و لينا الحلاوة واح إفتكاسة
جديدة و ح أبعتلك قصيدة جديدة تفكسنا بيها بس المرة دى مش لنجم علشان مش
عاوزين و جع قلب و شحتفة تانى
ديسمبر 1st, 2007 at 1 ديسمبر 2007 7:47 ص
أخي الغالي المفتكس
حقيقي انت مفتكس مكتوب وتستحقه بكل جدارة
احنا بنصبح عليكو ونقوليكو // مساء الخيييييييييييييييييييييييييييييييييير //
على فكرة …. وانا عاقد مبارح ع قهوة عمنا دودا سمعت تنين بيتكلموا عليك …. تفتكر الراجل بتاع الشنبات المقلقظة الي كان بيراقبنا واحنا طالعين من السيما … أيوه هوا دا… كان بيقول لصاحبه … إنو الجماعة اللي فبالك منيهم بيحضروا لسعادتك غرفة تجي متر بمتر بس زي الفل ولا تقلقش … وعشان ماتشعرش في وحشة جايبلك كرسي كهربا يدغدغك وتخاد راحتك فيه وتنور عليه زي ماانتا عايز ب 110 ولا 220 ولا 330 ماتفرقش دول مش حايحرموك حقك في انك تختار النعنعشة السودة المتنلية ببلاوي زرقة … ومش بس كده …. دا ح يحطوك في المية بتاعت ربنا عشان تبقى آخر نظافة … ومش ح وصيك ماتنساش تكتبلنا ساعتها عن النجوم البيضة والملونة اللي ح تزغلل عينيك بيهم …… اتبسط ياراجل دنتا أول واحد ح يمسك قوس قزح بايديه ………..
تحياتي ومودتي لمرورك الكريم
أخيك حسن
ديسمبر 2nd, 2007 at 2 ديسمبر 2007 3:59 ص
يا ابني متشكرين على الاضافه العميقه
احنا عندنا بالعراقي المفتكس نسمي (عطل)!!!!!!
فانت بقه عطل ودولتك دوله عطلات …..
ههههههههههه
اتشرفت اكيد يا مفتكس بزيارتي لمدونتك المتواضعه!!!!!
باي
ديسمبر 2nd, 2007 at 2 ديسمبر 2007 8:41 ص
ياااااااااااااااه … أغيب يجي 3 ايام … أرجع ألاقي 3 تعليقات بس …
ده أنا كده أبقى أكيد فااااااااااااشل فعلاً …
لاااااااااااااا … أنا لو استمر الوضع على كده … أسيب موضوع التدوين ده وأشوفي شغلانة تانية احسن …
———————————————————–
طيب عموماً نشوف أحلى ناس سابولنا ردود بيقولوا ايه ….
ونبتدي بأول تعليق معانا النهاردة وهو من صديقى اللدود .. حبيب قلبي ( محمود ) …
الله يبارك فيك يا أبو طه … بس هل انت متأكد يعني ان الأخت (نيفين عمر) … هتيجي تشهد معايا ؟!! …
وللا أول ما نوصل قسم شرطة (مكتوب) … هتخاف وترجع فى كلامها .. وتاخد يلها في سنانها وترجع جري على البيت …
عموماً هي لو شهدت معايا فى قضية قصيدة (الرئيس يخاطب شعبه الحبيب) … اللي انت دبستني فيها …. طيب مين هيشهد معايا فى القضية الأولانية ؟!!! …
الحكاية لسه معقدة يا حودة …
———————————————————–
بس حلو قوي تعريفك للمفتكس اللي كله فراخ وكتاكيت ده … تعريف خارج من عشة فراخ صحيح … ويبدو أن صاحبه واحد فرارجي …
بس على فكرة مايخرج نتيجة (الفقس) هو (مفقوس) …
وده عندنا فى العامية المصرية اللي شكلك نسيتها من طول السفر يا زميلي … معناه (المفضوح) …
فعيب عليك انك تقول على المفتكس انه (مفضوح) … دي كلمة (فاشل) أرحم يا جدع …
———————————————————–
بس كله كوم و الشاعر الحلمنتيشي بتاعك ده كوم تاني …
انا واثق .. شوف .. انا واثق مليون الميه انك انت يا سي (محمود) اللي مفتكس الشعر ده …
هو فيه حد غيرك ممكن يكتب كلام زي ده:
تزوج ديكا مديكا دجاجة و بعدساعــــــة هجرته
باضت الدجاجة فجلست على البيض لتفقسه
فلما إنفقست البيضة خرج كتكوتهـــــا يشبهه
بصراحة انا كنت قلقان للكتكوت ما يطلعش شبه ابوه الديك المديك …
لأنه لو لا قدر الله حصل … كان الشك هيتسرب لنفس الديك المديك … واحتمال كان الشيطان يلعب في دماغه …
ويشكك في نسب الكتكوت له … وهنضطر نعملهم تحليل DNA وشغلانة ملهاش أول من آخر …
بس الحمد لله ربنا ستر …
———————————————————–
أما بالنسبة للقصيدة الجديدة اللي عايزة تبعتهالي …
فأرجوك … اتوسل اليك … ماتبعتهاش ….
كفاية اللي انا فيه … هو انا ملاحق على المشاكل اللي حصلت بسبب القصدتين اللي فاتوا …
لما عايز توقعنا في قصيدة جديدة …
لو القصيدة عجباك قوي … انشرها عندك في مدونتك …
وشيل وزرها لوحدك …
وعشان خاطري …. عشان خاطري يا شيخ … ماتجيب سيرتي لما تكتبها …
انا فيه اللي مكفيني ……
ديسمبر 2nd, 2007 at 2 ديسمبر 2007 8:48 ص
( حسن جميل الحريس ) …
بتصبح علينا وبتقول مساء الخير …
طيب احنا بنمسي عليك ونقولك صباح النور…
وبالنسبة لكلامك ده :
( على فكرة …. وانا عاقد مبارح ع قهوة عمنا دودا سمعت تنين بيتكلموا عليك …. تفتكر الراجل بتاع الشنبات المقلقظة الي كان بيراقبنا واحنا طالعين من السيما … أيوه هوا دا… كان بيقول لصاحبه … إنو الجماعة اللي فبالك منيهم بيحضروا لسعادتك غرفة تجي متر بمتر بس زي الفل ولا تقلقش ……………….. ) …
ربنا يا بشرك بالخير يا عم (حسن) … واضح ان النهاية قربت ….
ذنبي في رقابتكم ….
اهئ … اهئ … اهئ … اهئ … اهئ … اهئ … اهئ … اهئ … اهئ ..
———————————————————–
* اهئ = بكاء بشحتفة ..
———————————————————–
ونشوف آخر التعليقات اللي معانا النهاردة … ومعلشهس يا أخت (سارة) … طولنا عليكي أعذرينا ….
ديسمبر 2nd, 2007 at 2 ديسمبر 2007 8:55 ص
( سارة علي ) …
لا شكر على واجب …
بقى (المفكتس) عندكم بالعراقي طلع يعني (عطل) …
يعني أنا طلعت أجازة ….. هييييييييييييييييييييييييييييي … بصراحة ده أحلى تفسير لكلمة مفتكس …
أصلك ما تعرفيش انا بحب الأجازات قد ايه ؟!! …
بحبها أكتر من شاي التموين …
———————————————————–
طبعاً احنا اتشرفنا بزيارتك لإفتكاستنا المتواضعة .. (بس ايه الغرور ده) …
ويارب ما تحرمينا من طلعتك البهية علينا …
———————————————————–
ده كان آخر تعليق معانا النهاردة …… فى انتظار تعليقات مفتكسة جديدة وكتيرة … آه ركزوا في كلمة كتيرة دي ….
نلتقي بعد الفاصل ……
ديسمبر 2nd, 2007 at 2 ديسمبر 2007 1:22 م
مبروك عليك اللقب
ياعم المفتكس
بس اعرف انه فيه 70 مليون مصرى بينازعوك فى اللقب ده وحاتلاقى قضايا بالملايين مرفوعه عليك
انت حر
توب احسن وتنازل عن اللقب
ديسمبر 2nd, 2007 at 2 ديسمبر 2007 2:42 م
يا بني (عطل) بفتح العين مش بضمها
وبعدين طبعا اتغر مش كغايه المفتكس صاحبي(اديني اهو مدحتك!!!)
يا رب متحرم انا من طلتك في مدونتي انت بتنورها يا راجل بخفة دمك ومتخفش الموضوع اياه انا غيرت رايي في عشان تعرف انا صديقه ميه ميه
ديسمبر 2nd, 2007 at 2 ديسمبر 2007 2:51 م
اية ياعم المفتكس الكلام دي
انا مكنتش منتظر منك دي خاااااالص
هتول في اية ياعم انا عملتك حاجة
هقولك تعليقك في الموضوع بتاع هذا ما افعلة الان
انا كنت عاوز منك تعليق علي الصورة بتاع السمكة لاني تعبت لما كنت بدور علي الصورة دي عشان تقوم انتي بالتعليق علي السمكة دي ..
ولا اية ….بص للسمكة كويس هتجد فيها حاجة
.. …
وبالنسبة لاخر اخبار القضية بتاع عشان انتي مصري.
مبروك يا عم الاستاذ …باعتبار احنا في دولة ديمقراطية كما يقولون وفيها نوع ما من حرية الراي .. نوع ما> في انواع اخري مجالها السجن علي طول بدون محاكمة ..
وبعد الاطلاع علي القضية قررت المحكمة الحكم بالبراءة .واستدعاء الشاعر احمد نجم
للتحقيق معة . واعتبرتك المحكمة ناقل حسن النية ..
دي بعد ما انا اترافعتك عنك
متنساش الاتعاب يا مفتكس الان
وسلاماتي الكتيرة
………
ديسمبر 2nd, 2007 at 2 ديسمبر 2007 4:42 م
ايه الهنا اللي أنا فيه ده ؟!!!
3 تعليقات .. و 4 تصويتات وكمان 4 تعليقات على التصويتات …
الحمد لله …. واضح ان فيه أمل …
والمفتكس لسه مش هيعلن فشله …
———————————————————–
ياللا على السريع كده نرد على التعليقات … قبل أصحابها ما يزهقوا من الانتظار …
———————————————————–
نبدأ مع أول التعليقات … وهو تعليق لأختنا الجميلة (نيفين عمر) …
ديسمبر 2nd, 2007 at 2 ديسمبر 2007 5:05 م
على فكرة انا صوتلك انك تكون احسن واحد وانك تستاهل اللقب
يالله استمر بقى والا اتراجع واخليك الشخص النكدي في العالم
اتمنالك التوفيق وبانتظار الجديد
ديسمبر 2nd, 2007 at 2 ديسمبر 2007 5:14 م
( نيفين عمر ) …
الله يبارك فيكي …
بس ليه سيرة القضايا دلوقتي … بلاش الكلام اللي يكركب البطن ده أرجوكي …
احنا لسه مخلصناش من القضيتين اللي قبل كده .. اللي انتي شاهدة في واحدة فيهم …
بتقولي (توب .. واتنازل عن اللقب) ..
لااااااااااااااااااااااااااااا … لا يمكن … على جثتي ..
قال اتنازل قال … والحمد لله الـ 4 تصويتات اللي تمت لحد دلوقتي (وليكي واحد فيهم طبعاً) .. كلها بتأيد محمود (ربنا يخليه) فى منحي اللقب …
———————————————————–
تعليق جديد .. والمرة دي من ماليزيا … من أختنا المشاغبة دايماً (سارة علي) …
ديسمبر 2nd, 2007 at 2 ديسمبر 2007 11:03 م
يا اخينا عملتني مشغبه خلاص طب و الله انا هاديه اوي وشاطرة مبعرفش اشاغب دي حجات عالخفيف كده ..امال لو شاغبت عليك بجد حتسميني ايه؟
ديسمبر 2nd, 2007 at 2 ديسمبر 2007 11:59 م
عارف يا صديقي
طبعا انا مغهمتش اي حاجه ولا عاوز افهم من اصلوا
الي هاوزه بجد ان ارسمك زي منه كدة بالمفتكس اقولها
بجد يسعدني تكون تحت ريشتي يوم ما وانا اوريك المفتكس ايه بالصورة مش بالصوت
ويلهويييييييييييييييييييييييييييييييييييييي
تعجبني ابتسامتك رغم مرارتها لاكنا تعجبني
ديسمبر 3rd, 2007 at 3 ديسمبر 2007 3:16 م
في البداية نعتذر عن هذا العطل الفني الغير مقصود مننا طبعاً …
أنا كنت لسه بادئ أرد عليكم امبارح في أمانة الله … قوم ايه .. عمنا (مكتوب) راسه وألف جزمة انه ميشتغلش …
بيتهيألي المشكلة دي متخصناش لوحدنا هنا في (إفتكاسة) …
فلقد وردتنا شكاوى من الأخوة المدونين (فرحات) من مصر .. و(روح الشرق) من فلسطين .. و(هيثم أبو خليل) من مصر .. بهذا الخصوص …
كلهم بيشتكوا ان مكتوب اتجنن اليومين اللي فاتوا …
هذا وتدعوكم أسرة (إفتكاسة) للدعاء لـ (مكتوب) بالشفاء العاجل … والعودة إلى سابق عهده …
———————————————————–
دلوقتي نستكمل الرد على تعليقاتكم …
وزي ما قلنا أول تعليق هنرد عليه النهاردة وصلنا من ماليزيا من أختنا المشاغبة دايماً (سارة علي) …
ديسمبر 3rd, 2007 at 3 ديسمبر 2007 3:31 م
( سارة علي ) …
أشكرك على تصحيح خطأي فيما يخص تفسير كلمة (عَطل) …
وأشكرك جداً على المجاملة الرقيقة … بس فعلاً المفتكس هو اللي ليه الشرف انك تكوني صديقته …
والحمد لله انك غيرتي رأيك في الموضوع اياه … ربنا ما يحرمني منك أبداً ..
———————————————————–
ونشوف مين سايبلنا تعليق بعد أختنا ( سارة) ..
آه شايف المتر (وائل المصري) زي عادته واقف مش على بعضه ومستعجل …
خلاص يا متر الدور عليك … وبنعتذرلك على التأخير … صدقني مكنش بأيدينا..
انت بتقول ايه بقى …
ديسمبر 3rd, 2007 at 3 ديسمبر 2007 5:18 م
( وائل المصري ) …
بالنسبة لموضوع الصورة بتاعة السمكة .. بصراحة الغلطة غلطتك يا متر ..
الرسالة اللي انت سيبتهالي هنا كانت أقرب لأنها تكون لغز … على العموم حصل خير …
نعوضهالك في صورة تانية ان شاء الله …
———————————————————–
وبالنسبة لقضية (عشان انت مصري) …
مع انك المحامي بتاعي الموكل بالدفاع عني قي القضية (المفروض يعني) ..
لكن واضح انك مش متابع القضية كويس يا متر …
براءة ايه اللي بتتكلم عليها يا عم وائل … ونجم مين اللي هيستدعوه علشان يحققوا معاه …
لو كنت متابع قناة (مكتوب) الإخبارية اليومين اللي فاتوا ..
كنت عرفت ان النجم (نجم) ظهر على قناة (دريم) في برنامج (العاشرة مساءً) ..
ونفى نفياً قطعياً لا يدع مجالاً للشك انه يكون هو صاحب القصيدة ..
واضح كده ان الحكومة ثبتتك يا معلم … علشان تقولي البُقين دول …
أقوم انا أصدق كلامك واصدق اني هاخد براءة صحيح وأجيب بعضي وأرجع …
وطبعاً أول ما أحط رجلي في المطار … يقفشوني يا زميلي … ومن الدار للنار عِدل …
وسلملي على حقوق الانسان والمحاكمات العادلة (ده قانون إرهاب مدستر - يعني منصوص عليهه فى الدستور - يا متر) .. اللهم احفظنا …
على فكرة انت فكرتني بحكاية حقيقية حصلت مع محامي من اللي بيقعدوا قدام محاكم الأرياف يستلقطوا عيشهم زي العرضحالجية كده (بس انت مش منهم طبعاً) …
الحكاية دي استغلها بعض كتاب السينما وحطوها في مشاهد بعض الأفلام …
المهم يا سيدي …
يقال ان المحامي ده جتله قضية يترافع فيها .. بس مكنش فيه وقت يقرا القضية كويس ..
يعني كان لازم يفُر أوراق القضية على السريع ويدخل يترافع عن المتهم ..
وقد كان .. ووقف سي المحامي الهمام قدام القاضي يترافع عن المتهم وينفي التهمة ..
وفضل يجلجل ويقول ان موكلي لم يسرق (العِجلة) بكسر العين (يعني بقرة صغيرة) .. ويعيد ويزيد فيها … دفاع محصلش بصراحة …
بعد ما خلص كلامه القاضي سأله .. يا أستاذ .. انت قريت ملف القضية ؟!! …
المحامي قاله آيوه يا سيادة القاضي ده انا طول الليل سهران عليه …
القاضي سأله تاني انت متأكد انك قريت ملف القضية كويس … المحامي قلق وقاله أيوه سيادتك قريته كويس … بس ليه السؤال..
القاضي ضحك وقاله علشان اللي اتسرقت (عَجلة) بفتح العين (يعني بسكلته) مش (عِجلة) ..
وطبعاً المتهم اتلب حكم محترم …
———————————————————–
المهم ياعم المتر وائل .. أنا حاسس انك بتتعامل مع قضيتي .. زي المحامي اللي حكيتلك عنه ما أتعامل مع قضية (العجلة) …
وده معناه أنك أكيد … شوف .. أكيد .. هتجيبلي إعدام … ربنا يستر …
———————————————————–
ونشوف مين نورنا بعد المتر (وائل المصري) .. وسابلنا تعليق مفتكس ..
ديسمبر 3rd, 2007 at 3 ديسمبر 2007 5:22 م
( الوردة البيضاء) …
ألف شكر على التصويت يا أجمل وردة فى بستان (مكتوب) …
بجد الواحد مش عارف يودي جمايلك فين …
ان شاء الله نردهالك في أقرب تصويت …
———————————————————–
كده التصويت شغال على ودنه … يا مسهل …
وشايف صديقة (إفتكاسة) … (سارة علي) مستنية من بدري نرد على تعليقها … ونقول ألوو يا سارة …
ديسمبر 3rd, 2007 at 3 ديسمبر 2007 5:29 م
( سارة علي) …
يعني كل المشاغبات والمنائرة دي وبتقولي على نفسك هادية قوي .. وشاطرة … ومش بتعرفي تشاغبي …
وبتقولي دي حجات على خفيف كده ؟!! …
أمال لو على تقيل كنتي عملتي فينا ايه ؟!! …
ده انتي وروح الشرق وهمس … لا مؤاخذة 3 مصايب فى المشاغبة … ربنا يجعل كلامنا خفيف عليكم …
———————————————————–
التعليق اللي عليه الدور المرة دي من (اليونايتد ستاتس) … يعني بالعربي كده من (أمريكا) …
من صديق (إفتكاسة) الدائم .. الفنان التشكيلي (حيدر الياسري) …
ديسمبر 3rd, 2007 at 3 ديسمبر 2007 5:35 م
( حيدر الياسري ) …
اعترافك بأنك مفهمتش حاجة من الافتكاسة المدونة عاليه … تأكيد جديد بأني فاشل …
لكن أنا مش زعلان .. تعرف ليه ؟!!!
عشان انت وعدتني انك هترسمني بريشتك …
وطبعاً وعد الحر دين عليه .. زي ما بيقولوا .. والمفتكس ما بينساش الوعود أبداً (خصوصاً لما تكون فى صالحه)…
يعني انت اتدبست ياعم (حيدر) …
بجد أنا يسعدني جداً اني اترسم بريشة فنان رائع زيك .. (بس طبعاً هتقدمهالي هدية .. ومش هتطلب فلوس ..) ..
ايوه اللي أوله شرط .. أخره نوووووووووور …
ديسمبر 3rd, 2007 at 3 ديسمبر 2007 9:12 م
منك لله يا مفتركس
أضحكتنى حتى البكاء
إهئ إهئ
مفتركــــــــــــــــــــــس و60 مفتركــــــــــــــــــــــــــــــــــــــس
ديسمبر 3rd, 2007 at 3 ديسمبر 2007 9:40 م
نقد لقصتى كله افتكاس
والافتكاس ماينفعش فى المفتكس اللى هو اصلا ما افتكسش الا لما جات له افتكاسه
فهمت !!!!
ديسمبر 3rd, 2007 at 3 ديسمبر 2007 10:32 م
أغبطكم يا أبناء مصر
تحيتي ومودتي
ديسمبر 4th, 2007 at 4 ديسمبر 2007 12:21 ص
شكرا يا عم المفتكس علي تنويهك لحقوق الملكية بتاعتي
علشان انا خلاص استخدمت الافتكاسة بتاعتي اللي هي
مش هتقدر تسد ودااانك
وخليتها شعار مدونتي الجديدة علي مكتوب
وشكرا لتشريفك بالزيارة لمدونتي
ديسمبر 4th, 2007 at 4 ديسمبر 2007 6:41 ص
زخارف الدنياأساس الآلم
وطالب الدنيانديم الندم
فكن خلى البال من أمرها
فكل ما فيها شقاء وهم
الدرع لا يمنع سهم الآجل
والمال لا يدفعه ان نزل
وكل ما فى عيشنا زائل
لا شىء يبقى غير طيب العمل
ديسمبر 4th, 2007 at 4 ديسمبر 2007 6:59 ص
صباحك فل يا مفتكس..
معليش اصلي بحب مصر وحتكلم مصري..
بس انت كده حتخليني اتجنن … هو يعني ايه مفتكس..
طب ممكن تأربلنا المعنى شويه..
طب مش لازم تاخد براءة الاختراع عالكلمادي ..؟؟
ولا ايييييه يا مفتكس..؟
انا حاسه ان من معاني الاسم ” اضحك تضحكلك الدنيا ” ولا ايه ؟؟
سعيدة جدا بوجودي بن افتكاساتك يا مفتكس..
كن بخير ..
كبريـــــــــــا ء انثى ..
ديسمبر 4th, 2007 at 4 ديسمبر 2007 12:15 م
حملة المدونون المغاربة للدفاع عن الأمن الروحي والقيم الإسلامية في المغرب
إن ما يعرفه المجتمع المغربي هذه الأيام من تفسيق ومسخ ممنهج ،يستهدف الأمن الروحي وقيم ومبادئ الإسلام السمحة، والعادات والتقاليد المغربية الراسخة،التي عاش المغاربة وفقها منذ دخول الإسلام إلى اليوم في أمن روحي وسلام اجتماعي. لقد عرف المجتمع المغربي مؤخرا هجوما غاشما على قيمه وأخلاقه، حيث طالعتنا الصحف المغربية بخبر إقامة عيد لتذوق الخمور في العاصمة الإسماعيلية مكناس، وذلك بعلم السلطات المغربية وتمويلها، والأقبح من ذلك هو اختيار يوم الجمعة لهذا الاحتفال الممقوت، وهو عيد المؤمنين ويوم صلاة الاستسقاء، حيث تتوجه القلوب خاشية إلى ربها مستغفرة تائبة وهي تقول: اللهم اسقي عبادك وبهيمتك وانشر رحمتك واحي بلدك الميت. وبالمناسبة فهذا العيد كانت تحتفل به فرنسا –الدولة التي احتلت المغرب واستنزفت ثرواته واستعبدت مواطنيه- ووافق ذلك ذكرى عودة الملك محمد الخامس من المنفى فهل هذه مصادفة غريبة؟ أم إذلال مقصود من طرف القنصلية الفرنسية بمكناس التي شاركت في الحدث.؟
ولم يكد يستفيق المغاربة من هول الصدمة حتى اهتزت مدينة القصر الكبير أول أمس الأربعاء ما قبل الماضي على إيقاع خبر زواج شاذين جنسيا ليلة الأحد الماضي ، في حفل استمر إلى غاية الساعات الأولى من صباح يوم الاثنين ، وحضره أكثر من 50 شخصا من أبناء المدينة ،إضافة إلى مدعوين من مدن مختلفة.و حضرت نكافة تولت تزيين شاذ جنسيا معروف فى المدينة ببيع الخمور على الطريقة المعمول بها في الأعراس المغربية ..
وهذا اعتداء على الفطرة التي فطر الله الناس عليها، وهذا تبديل لخلق الله {فَأَقِمْ وَجْهَكَ لِلدِّينِ حَنِيفاً فِطْرَةَ اللَّهِ الَّتِي فَطَرَ النَّاسَ عَلَيْهَا لَا تَبْدِيلَ لِخَلْقِ اللَّهِ ذَلِكَ الدِّينُ الْقَيِّمُ وَلَكِنَّ أَكْثَرَ النَّاسِ لَا يَعْلَمُونَ }الروم. فالفطرة خلق الله، وتغييرها تغيير لخلق الله والشذوذ الجنسي، تغيير لخلق الله..الزوجية خلق الله الذي خلق من كل شيء زوجين من أجل سعادة الإنسان واستمرار الحياة البشرية على وجه الأرض. وما ظهر اليوم من تغيير لهذه الفطرة، ينذر بشر قادم.
وهذا تهديد للأمن الروحي للمغاربة الذين يدنون بدين الإسلام وعقيدته وشريعته وأخلاقه.
واعتداء على العادات والتقاليد المغربية العريقة، المستندة إلى القيم الإسلامية العربية- الأمازيغية الصحيحة.
أمام هذا الاعتداء السافر على القيم الإسلامية والتقاليد المغربية العريقة، نعلن:
- رفضنا لإنتاج وبيع وترويج أم الخبائث- الخمر- في المغرب، ونحمل مسؤولية الخسائر الاقتصادية والاجتماعية والاختلالات الأمنية الناجمة عن الخمر للسلطات المغربية التي ترخص لمعاملها وحاناتها.
- رفضنا لمثل هذه الطقوس الهدامة والثقافة الغربية على قيمنا و التي تستهدف الشباب المغربي المسلم
- تشبثنا واعتزازنا بالقيم الإسلامية والروحية الضامنة للأمن الروحي للمغاربة
- تأكيدنا لمفهوم الأسرة القائم على الزوجية والتكاملية بين الجنسين، والمحقق لرغباتهما وسعادتهما والضامن لاستمرار النسل.
ندعو مؤسسة العلماء في المغرب-التي تصدت للإرهاب وأفتت بحرمته-
لتحمل مسؤوليتها الدينية والتربوية أمام الله وتتصدى التطرف والانحراف عن الفطرة التي فطر الله الناس عليها.
- وندعو السلطات المغربية للسهر على حفظ أمن المغاربة وسلمهم الاجتماعي، وتطبيق القوانين التي تمنع بيع الخمر وترويجه بين المسلمين.
وفي الأخير نعلن أننا براء من هؤلاء ومن أعمالهم وكل من ساعدهم ونعذر إلى الله من الذين لم بواجبهم من المسؤولين على أمن هذا البلد.
وحسبنا الله ونعم الوكيل واللهم إن هدا منكر لا يرضيك.
تنبيه: كل من أراد الانضمام إلى هذه الحملة يد على هذه الرسالة
و كل تعليق يعتبر توقيع على هذه الحملة
ديسمبر 4th, 2007 at 4 ديسمبر 2007 1:20 م
طب مدام كده يا اخينا متديني منصب كبير في حكومتك
انا ممكن ارضى برئاسه الوزرا قلت ايه يا عمنا؟
يا توافق يا اعمل انقلاب
اختار برحتك
ديسمبر 4th, 2007 at 4 ديسمبر 2007 6:26 م
شاركت بالتصويت واخترت :
لأ طبعاً مش موافق .. مفتكس ايه وبتاع ايه اللي بتتكلموا عنه ده (3)
.هههههههههههههههههه..وليد النابلسي
ديسمبر 4th, 2007 at 4 ديسمبر 2007 6:27 م
ماشي يا مفتكس
الفكره بقي في الزرومبيح اسمه ايه
ولا معناه ايه؟
ديسمبر 4th, 2007 at 4 ديسمبر 2007 7:25 م
يامفتكس ياصاحب الافتكاسية لية زعلت لما قلت رايى فيك بصراحة؟
مش الصراحة جزء من افتكاسياتك؟
عالعموم سورى انا محبش حد يزعل منى ابدا حتى لو فكرنا مختلف
انا يمكن دخلت فيك شمال بس مقصدش اى اهانة زى مكتبت عندى فمدونتى وانا عالعموم
مسحت كل الى طلبتة واهلا بيك صديقك من جديد فمدونتى لو تحب وانا بصراحة
مش هقدر مدخلش عندك واعلقلك على مواضيعك ولو حبيت تمسح عادى براحتك
لانى بطبعى المشاكسة
ديسمبر 5th, 2007 at 5 ديسمبر 2007 9:15 م
اللهم اجرنا من الموبقات السبع
مدونات لسحرة على مكتوب يدعون فيها لتعاطي السحر وأرقام هواتفهم موجودة أيضا نتمنى ثكاتفكم والتوقيع في الموضوع الموجود في مدونة اتحاد المدونين الليبين ومطالبة مكتوب بالحفاظ على بيئة المدونات نظيفة من مثل هولاء
ديسمبر 8th, 2007 at 8 ديسمبر 2007 1:25 ص
الله يفتكس لك راسك يامفتكس يابن ام مفتكس
يخرب بيت افتكاستك دي
والله انا كنت بحسبك ان مفتكس كلمه وحشه:)
والان انت اثبت كلامي
يناير 2nd, 2008 at 2 يناير 2008 2:10 ص
لقد أرسلت رسالة خاصة للمفتكس أسأله عن أصل كلمو إفتكاسة فقد هالني أن يتهمني أحبائي بالجهل بعد هذا العمر، فأحالني إلى هذه التدوينة. ولكنها والحق يقال لم تشفي غليلي ولم تروي ظمئي للمعرفة، التى تربى عليها جيلنا ولا زال لها بعض العلامات في جيل المفتكس. القصد، لا أطيل عليكم فأنا أعلم أن جيل الإنترنت ليس لدية صبر جيلنا الذي تعود على القلم الرصاص والأستيكة. فقد كنا نملئ الصفحات وتضيع الفكرة بين الكثير من الكلمات والعبارات المشطوبة ورغم ذلك كنا نصر على أن نستمر في الكتابة حتى وإن إمتلأت سلة المهملات بالأوراق. لم أقل لكم أن جيلنا أيضا كان رغاي يبحث عن المحسنات اللفظية والإطالة على حساب الأفكار ولم يسلم ويبرء من هذه الآفة إلا من كان عنده الشجاعة لقبول ويمبي وكنتاكي وعصر الوجبات السريعة. ورغم أنني أدعي أنني قد سلمت أمري لقانون التطور إلا أن حنيني للبحث غلبني هذه المرة ولم إستسلم لتفسيرات المفتكس، ذلك لأنه بعد معاهدة كامب ديفيد أصبحت أميل للشك خاصة في استخدمات المصطلحات مثل تطوير التعليم وإستقلال القرار المصري فما بالك ونحن إزاء مصطلح غامض جديد فربما غير مفاهيمنا التي نشأنا عليها فرأينا أن العصابات الصهيونية التي إستولت على فلسطين لها حق الإستيلاء على الأرض وطرد سكانها وهدم بيت من بيوت الله هو المسجد الأقصى. المهم يا أحبائي لا أعرف كيف عاد نشاطي وهمتي وبحثت في لغتنا الهيروغليفية القديمة وتاريخنا الفرعوني العظيم عن أصل المفتكس والإفتكاسة. وإليكم ما توصلت إليه فقد بدء يدب الملل في أوصالي من الرغي. كلمة مصرية قديمة هي (حت-كا-بتاح) وتعني معبد روح بتاح أو بشكل أدق بيت روح بتاح. وقد كان هذا الإسم يطلق على العاصمة ممفيس في ذلك الوقت وعلى مصر كلها في وقت من الأوقات القديمة وعندما إحتلها اليونانيون جيراننا في الشمال المشهورين بالفلاسفة الذين تعلم أغلبهم في مصرنا القديمة، لم يستطيع اليونانيون قرائة الكلمة (حت-كا-بتاح) لأنهم كما تعلمون مثل غيرهم من الأوربيون لا يستطيعون نطق الحرف حاء في بداية ونهاية الكلمة الفرعونية فالحرف حاء كان ينطق في لغتنا المصرية القديمة ولغتنا العربية الحديثة فقط مثل الحرف (ض) والحروف (ع) وبعض الحروف الأخرى التي ليس لها وجود في اللغات الأخرى وخاصة اللغات الأوربية. فلما إستشكل الأمر على المحتلين في عدم إستطاعتهم نطق إسم من احتلوهم فقد قرروا أن يطلقوا عليهم إسم تعودوا عليه في أدبياتهم وهو إسم (إيجيبتوس). ومن يومها يا أحبائي يصر الغرب على تسميتنا إيجيبت وإيجيشيانز بينما نحن مصريون نسكن بلدا إسمها مصر من قبل إسم (حا-كا-بتاح). فأول إسم أطلق على بلدنا هو (كيميت) وهي تعني الأرض السوداء وهي نفس معنى كلمة مصر في اللغة العربية الأرض. فمصر هي البلد وجمعها أمصار (بلاد) وهي المكنون والمحصن هي مصر المحروسة. ويبدوا، والله أعلم، أن هناك تمردا وعصايانا بدء يدب في أوصال شبابنا من هول ما وصل إليه حالنا في مصر المحروسة فأصبحو مفتكسين - دليل المدونين المصريون تدعوكم إلى الإنضمام إلى حملة (مصر وليس إيجيبتوس) حتى يكون لبلدنا إسم واحد فقط هو مصر.
عزت هلال
http://ebd.helalsoftware.net