عشان انت مصري!!
كتبهاالمفتكـس ، في 22 نوفمبر 2007 الساعة: 23:40 م
جايبلكم قصيدة مفتكسة للشاعر المفتكس الكبير الفاجومي
(أحمد فؤاد نجم)
الحُكــم بعـــد القـــراءة
عشــان انــت مصـــرى
عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
وأوعى تصدق كلام الأغانى
بتاع الحضاره وكانى ومانى
ده كله هجايص مايدخل ودانى
* * *
عشان انت مصرى العذاب بيناديك
بتبدأ فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مفيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك
* * *
ورايح لشغلك حتحتاج مواصله
أدى المترو واقف وكهربته فاصله
وفى الميكروباص خناقه وحاصله
أوتوبيس فرامله عايزالها وصله
وتوك توك ده تايه ومحتاج لبوصله
* * *
بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عاملك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق
* * *
هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت
* * *
عشان انت مصرى وده للأسف
فلازم تآسى تعيش تتقرف
وكل الأساسى فى حياتك ترف
فتنسى الكرامه وتنسى الشرف
وتسرق وتنصب أو تنحرف
ودمعك بيجرى وجرحك نزف
مش انت اللى مصرى؟؟؟ جتك القرف
………………………..
* ملحوظة: يعلن (المفتكس) أنه لا علاقة له بهذه القصيدة .. وهي لا تعبر بالضرورة عن أفكاره .. وانما تعبر عن أفكار صاحبها الشاعر ( أحمد فؤاد نجم ) فهو يتحمل مسئوليتها مسئولية كاملة .. واللى مش عاجبه الكلام يروح يتفاهم معاه .. أو حتى يشتكيه .. بس أهم حاجة ان محدش يجيب سيرة (المفتكس) فى التحقيقات……. = لزم التنويه =…….
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
نوفمبر 23rd, 2007 at 23 نوفمبر 2007 4:56 م
لأ لأ لأ … يا مفتكس…. نحن نشجب وندين ونتهم الشاعر الفاجومى (أحمد فؤاد نجم) ونوضح ونبين ونناشد بأن ييغير هذه القصيد الى ( علشان انت عربى)
نوفمبر 23rd, 2007 at 23 نوفمبر 2007 5:01 م
( Toz Fish ) …
وأنا بضم صوتي لصوتك …
شوف حد بقى يوصل أصواتنا احنا الاتنين للشاعر ( أحمد فؤاد نجم ) ..
نوفمبر 23rd, 2007 at 23 نوفمبر 2007 5:18 م
المفتكس
وقعت ومحدش سمى عليك
لوحدك
ومحدش زقك
الوووووووووووووووووووووووووو
المخابرات العامه………
على فكره مش جايبالك لا عيش ولا حلاوة
واما تخرج ابقى قابلني ده لو……………………..خرجت
نيجي للجد بقى
الله وما شاء الله عليك
هايل بالدرجه الاولى
وافكارك رائعه وحتى الخاطره جنان ومعانيها تنطبق
على المواطن العربي اينما كان
مش بس المصري
الافتكاسه ده ميه ميه
ننتظر افتكاسات تانيه
ده لو
لو
لو
خرجت منها المره ده
راااااااااااااااائع بلا منازع ………………….
ننتظر جديدك……………..
نوفمبر 23rd, 2007 at 23 نوفمبر 2007 5:44 م
( روح الشرق ) …
(وقعت ومحدش سمى عليك .. لوحدك .. ومحدش زقك .. الوووووووووووووووووووووووووو .. المخابرات العامه……… ) ..
بقى كده يا روح .. مصدقتي راحة تبلغي عني ..
كمان مستخسرة فيَّ العيش والحلاوة .. ماشي أيتها (المستبدة السابقة) الأيام دول .. وكده يبقى الدور عليكي ..
عموماً أنا مأمن نفسي كويس .. وأعلنت فى (الملحوظة) التي ذيلت القصيدة .. عدم مسئوليتي عنها ..
وفي أسوأ الاحتمالات لو اتهموني بأني ساعدت على نشرها .. وانه يترتب عليه اتهامي بإثارة الفتنة وتقليب الشعب على النظام .. وبأني مفسد فى الأرض وكل الكلام ده .. ( اللي أقل حكم فيه بالميت كده إعدااااااااام ) ..
مع أول قلم فى التحقيقات هقول انك شريكتي ..
وبعد خمس دقايق هلاقيكي مشرفة معايا .. وساعتها بقى هنلاقي وقت كفاية .. ننائر فيه فى بعض لحد ما نزهق ..
……………………………….
أما بالنسبة للجد ..
أعتز جداً بتعليقاتك يا أختي روح الشرق .. بجد بتخليني فى منتهى السعادة ..
أجمل التعليقات اللي بحبها هي اللى فيها مشاغبة ومنائرة ..
وانتي بحق أحسن واحدة تشاغب وتنائر ..
……………………………….
* فى المؤتمر الصحفى الذي عقده المدون (المفتكس) صباح اليوم .. أعلن أنه (وطني) جداً جداً (ركزوا فى كلمة وطنى دي) … وأنه بيحب الريس .. كما أعلن ولاؤه للحكومة .. و نقلت قناة (مكتوب) الإخبارية على لسان (المفتكس) ثناؤه على التقدم والرخاء الذي تعيش فيه البلاد .. والذي لم يشهده الوطن منذ عهود طويلة ..
نلتقي بعد الفاصل ….
نوفمبر 23rd, 2007 at 23 نوفمبر 2007 9:59 م
أخي الكريم
أحببت تجوالي في مدونتك المرحة والقيمة في آن
ومع انني قرأت القصيدة سابقا الا ان تعليقك جاء مؤكدا لمضمونها حتى لو نفيت ذلك
أظنك وللأسف ستكون في التحقيقات
أتمنى لك كل السعادة والأمان اخي
تحياتي
نوفمبر 23rd, 2007 at 23 نوفمبر 2007 10:09 م
( ريما الشيخ ) …
متخليكي محضر خير ..
كده هتودينا فى ستين داهية حضرتك ..
يعمل ايه المفتكس الصغير ( الموجود فى الصورة عاليه) من بعدي لو رحت فى كلابوش أنا ؟!!
أنا كنت حاسس إن الإفتكاسة دي هتوديني ورا الشمس …
وانتم بتعليقاتكم بتأكدوا الإحساس ده ..
شرفتينا بالزيارة يا أخت (ريما) …
وياريت متبقيش تنسي العيش والحلاوة فى زيارتك الجاية ..
نوفمبر 23rd, 2007 at 23 نوفمبر 2007 10:22 م
دنتى حتروح في ستميه عشرين الف مصيبه
حيودوك في ستين داهيه .ومن بعدك حيضحكني يامفتكس:(
ياجبان خايف؟:)
بس متخفش انا عندي ايدين كتير
حخليها تساعدك وتطلعك:)
:::
بصراحه القصيده فعلا تعكس وضع المجتمع المصري وليس المصري وحده ان لم يكن المجتمعات ككل العربيه ايضا..المجتمعات الكادحه والتي افرادها يتعبون ويتعبون وفي النهايه يموتون وياليت وجدو شي مما تعبو لأجله..
ظلم..شقاء..هم..الم..وفي النهاية موت..
شكرا لنقلك ..وللملحوظه كمان:)
نوفمبر 23rd, 2007 at 23 نوفمبر 2007 11:18 م
( همس ) …
انتم كلكم داخين تمشتوا فيَّ .. وللا ايه ؟!!
أنا خايف انتوا تلبسوني التهمة بتعليقاتكم دي ..
مش كده يا جماعة ده أنا واحد منكم ..
وبعدين زي ما قلتي كده يا (همس) مين هيضحككم بعدي؟!!
يبقى تحطوا عقلكم فى راسكم كده .. وتستهدوا بالله .. وتخليكم محضر خير ..
……………………………..
أنا خايف واحدة من أيديكي الكتير دي ترفع سماعة التليفون .. وتبلغ عني ..
……………………………..
وبالنسبة لصراحتك .. أصبتي فيما قلتي ..
بس ده معناه إننا فى الهوا سوا …
يعني مش أنا لوحدي اللي هروح في داهية …
نوفمبر 23rd, 2007 at 23 نوفمبر 2007 11:23 م
يخرب بيتك
انت تعرف تلعبها عليا..
يامفتكس جرى ايه..
ياناس ياهوووو انا اسحب كل كلامي اللي قولتو
نوفمبر 23rd, 2007 at 23 نوفمبر 2007 11:46 م
( همس ) …
تسحبي كلامك يعني ايه ؟!!
هو لعب عيال ؟!!
كل اللي انت قلتيه متسجل …
من حقك متتكلميش غير قدام المحامي بتاعك (وابقي قابليني لو لقيتي واحد يقبل يمسك قضيتك) ..
التهمة ثابتة عليكي ثابتة ثبوت الشمس …
……………………………..
والآن مع موجز الأنباء …
إزداد عدد المدونين المتهمين في قضية قصيدة (عشان انت مصري) .. بعد ثبوت النهمة على المدونة (همس) ..
وقد أرسلت وزارة الداخلية المصرية طلباً إلى السلطات السعودية بسرعة ضبط وإحضار المدونة المذكورة .. وترحيلها إلى القاهرة فى أقرب وقت .. تمهيداً لمحاكمتها مع باقي المدونيين المتهمين فى القضية ..
هذا وقد نما إلى علم مراسل قناة (مكتوب) الإخبارية فى مصر .. أن الشرطة المصرية لم تعثر على المدون (المفتكس) حتى الآن .. وكأنه فص ملح وداب ..
حيث أعلن مصدر مسئول فى وقت سابق أنه تم تأمين كافة الموانئ الجوية والبحرية .. فى حال محاولته الهرب خارج البلاد ..
……………………………..
كان هذا موجز الأنباء .. مزيداً من التفاصيل تأتيكم فى نشرتنا المفصلة ..
انتظرونا ……..
نوفمبر 24th, 2007 at 24 نوفمبر 2007 12:02 ص
يوووووووووووووووووووووو
انا خايقة اعلق عندك وبكرا ياخدوني التحقيق انا ماليش دعوة هلا رح بلغ عنك لأول قسم
وقولهم اني فاعل خيرررررررررررررر ولكمة السر كتكوت بكده حتى انت ولاتقدر توصلي
ههههههههههههههههههههه لا بس انا احسن من روح الشرق رح جبلك عيش وحلاة وكباب كمان ابسط ياعم
………………………
بجد رائع جدا جدا جدا
اتمنالك التوفيق يارب
بس اطلب منك طلب ممكن؟؟؟؟؟ عاوز ة منك تدرجلنا موضوع مضحك للغاية لكن بعيد عن التحقيقات يعني نضحك براحتنا …………
تحيتي لك
نوفمبر 24th, 2007 at 24 نوفمبر 2007 12:26 ص
( الوردة البيضاء ) …
تيجي منك انتي ؟!! ماشي يا وردة ..
أنا كنت نويت خلاص أمسح الإفتكاسة دي اللى هتعملنا مشاكل مع حبايبنا الحلوين (ربنا يجعلى كلامنا خفيف عليهم) …
لكن بعد ما قلتي أنك هتجيبلي كباب … مش همسحها واللي هيحصل يحصل …
دي فيها كباب مش أي كلام .. سجن .. سجن بقى مش مشكلة … نستحمل علشان خاطر الكباب ..
……………………………..
نعتذر عن قطع برامجنا .. فقد وصلنا هذا النبأ الهام …
وصلت رسالة من مجهول إلى قناتنا (قناة مكتوب الإخبارية) .. يدعي صاحبها أنه المدون الهارب (المفتكس) الذي تلاحقه الشرطة المصرية .. ويحتمل هروبه خارج البلاد …
يقول صاحب الرسالة أنه سيسلم نفسه فى القريب العاجل .. بسبب وعده بزيارة كباب فى السجن …
هذا وتقوم حالياً الجهات المختصة بتحليل الرسالة ورفع البصمات من عليها .. ومضاهاتها ببصمات (المفتكس) …
تابعونا لمزيد من التفاصيل …
……………………………..
والآن نعود إلى إستكمال برامجنا المعتادة ..
نوفمبر 24th, 2007 at 24 نوفمبر 2007 12:33 ص
( الوردة البيضاء ) …
آه نسيت أقولك بالنسبة لطلبك …
يؤسفني أني أقولك .. أنا آسف مش هقدر أحققهولك ..
يعني مفيش حلاوة من غير نار ..
عايزين تضحكوا .. يبقى أكيد هيبقى فيه تحقيقات …
أبسط حاجة هيتحقق معاكم بسبب ضحككم …
ضحكتم ليه ؟؟ ومين اللي ضحككم ؟؟ ومين سمحلكم بالضحك ؟؟ وأخدتم إذن رسمي بالضحك وللا لأ ؟؟…. إلخ ..
مشكلتنا اننا عايشين فى مجتمعات ديموقراطية بجد … ديموقراطية على أصولها …
نوفمبر 24th, 2007 at 24 نوفمبر 2007 4:44 ص
المفتكس
ازيك عامل ايه ……. جايه اسأل عليك وعلى لكلام الي قلته ومسؤول عنه
طبعا مش كلام النجم نجم لا
الكلام دا ” شوف ::
(( بس بصراحة بقى لو عايزين الحق .. أقصد لو عايزين تعرفوا وجهة نظر (المفتكس) الشخصية فى هذه المسألة ..
لا حب بعيداً عن الدين .. بمعنى إن الحب الحقيقي هو حب الزوج لزوجته .. والعكس طبعاً ..
أما ما هو غير ذلك فصدقوني (إسأل مجرب ولا تسأل طبيب) .. فماهي إلا اشتغالات .. تنتهي دائماً بخسارة الطرفين .. خاصة الإناث (الراجل مش بيعيبوا حاجة) .. الرجل دائماً يتفاخر بعلاقاته .. المنتهي منها والحالي .. وكلما زادت علاقاته زاد فخره وعزه بنفسه (فى أغلب الأحيان يعني) .. طبعاً مش الكل .. بس هي دي القاعدة وما خرج عنها فهو شذوذ ( عن القاعدة طبعاً) .. ))
ايه الكلام الي بيعقد دا يعني مافيش حب قبل الزواج ؟؟
وزاي يعني مابيعيبوش اي حاجة عايزة افهم النقطة دي ؟؟
هو على راسه ريشة ولا على راسه ريشة
…
عارفه مش في موضوعنا بس اصلي اافتكست من كلامك دا
الي قلته عند خيال امرأة
مستنية ردك على نار
نوفمبر 24th, 2007 at 24 نوفمبر 2007 12:21 م
حبيبى المفتكس ..مين قالك دى قصيدة احمد فؤاد نجم ..اشك كتيرا فى الوضوع ده..رغم ذطاء القصيدة ..لكن الأسلوب و النظم مختلفين بالتأكيد
عامة .. أسعدتنا و أرهقتنا و قلبت علينا المواجع ..خلينا على تواصل
مع بالغ تحياتى
نوفمبر 24th, 2007 at 24 نوفمبر 2007 1:01 م
المفتكسة العزيزة ( منى ) …
على فكرة أنا شوفت تعليقك وأسئلتك عند أختنا (خيال إمرأة) ..قبل ما أدخل هنا ..
ورديت عليكي فعلاً هناك (ممكن تبقي تطلعي عليه لأنه مكتوب مخصوص علشانك) ..
لكن مفيش مانع أرد هنا مرة تانية ..
……………………………..
بالنسبة للرأي المكتوب عاليه الذي أوردتيه على لساني فى تعليقك …
أقر وأعترف أنا (المفتكس) أني صاحب هذا الكلام عن الحب .. وقد كتبته وأنا بكامل قواي العقلية .. واني مستعد للدفاع عنه .. حتى آخر قطرة في دمي .. فهو قناعتي الشخصية التي لا يمكن أن يهزها أو يزعزها أي إنسان ..
……………………………..
وبالنسبة لردودي على أسئلتك :
سألتي:(ايه الكلام الي بيعقد دا يعني مافيش حب قبل الزواج ؟؟ ..) ..
لأ طبعاً فيه حب قبل الزواج … لكن إن لم يكن مخططاً من الطرفين (لازم الاتنين مع بعض) .. بتكليل هذا الحب بالزواج … والسير فى الطرق الشرعية المؤدية إلى تحقيقه .. من تقدم العريس إلى أهل العروس .. إلى الفاتحة والشبكة وكتب الكتاب والذي منه …
فإن كان غير ذلك فهو مجرد اشتغالة ( هذا هو رأي المفتكس وقناعته .. واعترضوا عليَّ زي ما انتم عايزين) …
وسألتي: ( وزاي يعني مابيعيبوش اي حاجة عايزة افهم النقطة دي ؟؟
هو على راسه ريشة ولا على راسه ريشة ..) ..
أنا لما قلت (ان الراجل مش بيعيبوا أي حاجة) .. أقصد الواقع الذي نعيشه ..
هذه هي وجهة نظر المجتمعات العربية الذكورية التي نعيش فيها …
أما وجهة نظري الشخصية غير ذلك بالمرة …
فلا الراجل على دماغه ريشة وللا الست على راسها فرو …
………………………………………
وأقولك على الخلاصة اللي سبتها عند أختنا (خيال إمرأة):
علاقة الحب التي لا تنتهي إلى زواج … هي مجرد إشتغالة .. يخرج منها الطرفين بخسارة كبيرة ..
اتمنى الرسالة تكون وصلت ..
………………………………………
ودلوقتي نستقبل تعليقات تانية على قصيدة (عشان انت مصري) … ونقول ألو …..
نوفمبر 24th, 2007 at 24 نوفمبر 2007 1:09 م
( هشام بر مصر ) …
ايه يا عم هشام الكلام ده ؟!!
يعني ايه دي مش قصيدة عمنا (أحمد فؤاد نجم) … أمال دي قصيدة مين؟!!
بصراحة أنا مش متأكد .. وانت كده لخبطتني …
مصدري الغير موثوق منه (حلوة الغير موثوق دي) .. قال انها بتاعته …
عموماً هحاول أتأكد … وأرد عليكم …
المصيبة لتطلع فعلاً مش قصيدته .. ويقوم هو التاني يرفع عليَّ قضية تعويض …
يالهوووووووووي … مش كفاية عليَّ مُطارد من الحكومة بسببها …
الله يجازيك يا عم هشام .. كركبت قلبي يا شيخ ..
نوفمبر 24th, 2007 at 24 نوفمبر 2007 2:00 م
.. ليَّ طلب عند حضرتك .. ياريت متكسفنيش فيه ..
هو فين عنوان (قهوة آدم) بالظبط ؟!!
بقالي يومين في القاهرة وأنا دايخ بدور عليها .. ومحدش عارفلها طريق ..
مفتكس بقى !!!!!!!!!!!!!!!!!!!! عموما على ناصيه شارع الافتكاسات حتلاقيها واخده مكان مفتكس
وفيها مشاريب مفتكسه يا ريت تشرفنا المشاريب ببلاش
نوفمبر 24th, 2007 at 24 نوفمبر 2007 2:21 م
( عادل امين ) …
ألف شكر على الوصف المفتكس ده …
أحلى حاجة عجبتني فيه … ان المشاريب عندكم ببلاش ..
من اللحظة دي انا بقيت زبون دايم عندكم …
هتلاقوني مآنسكم ليل ونهار … ده أنا يمكن أبات فى القهوة كمان …
حاكم أنا أحب كا ماهو ببلاش ومجاني ..
نوفمبر 24th, 2007 at 24 نوفمبر 2007 2:28 م
أخونا المفتكس
إنت عارف أحلى حاجة فى القصيدة
كمية التفكيسات المفتكسة
عفوا التعليقات المفتكسة
على الرغم إنى حاططها فى الكدونة بتاعتى و عمال أفكر يارب مين الشاعر ده
أتاريه المفتكس و متخفى فى لابية الفاجومى
إطلع من دول
طب إقلع الجلابية
تحياتى و إحترامى
نوفمبر 24th, 2007 at 24 نوفمبر 2007 3:09 م
اخي الغالي المفتكس
انا انصحك تكتب وصية بسرعة
وتقول فيها كل اللي نفسك فيه مثلا عايز تندفن فين ((بعد عمر طويل ))
لو عندك دين وعايز نخلصه بعدك المهم ماتنسى شي هههههههه
مشكور جدا على روعتك هذه وربنا يبسطك على طول ويبعد عنك كل وحش
دمت كما تحب ان تكون يابو دم خفيف
تحياتي واحترامي تسبقهم مودتي
نوفمبر 24th, 2007 at 24 نوفمبر 2007 4:06 م
(محمود) …
انت كمان هتبقى معاهم عليَّ يا حودة .. مكنش العشم يا ابو طه ..
وبعدين جلابية ايه اللي بتقول اني لابسها يا معلم ؟!!
سلامة الشوف يا شسي (محمود) .. بص فى صورتي كويس .. أنا لابس تي شيرت بس طويل حبتين … مش جلابية زي ما انت بتقول …
لازم تشوف دكتور نظر كويس يا حودة وابقى طمنا عليك ..
………………………………………
موجز الأنباء:
فى تطور جديد لقضية المدون الهارب (المفتكس) .. أعلن مصدر مسئول بوزارة الداخلية المصرية .. أن المدون (محمود) قد أدلى بمعلومات عن الملابس التي يرتديها (المفتكس) ويستخدمها فى التخفي .. حيث ذكر المدون (محمود) أن (المفتكس) يرتدي جلابية تشبه الجلابيات التي يرتديها الشاعر (أحمد فؤاد نجم) ..
وناشد المصدر المسئول الأخوة المواطنين بسرعة الإبلاغ عن أي شخص يرتدي ملابس بهذه المواصفات ..
كما علم مراسلنا أن المدون (محمود) قد قبض المكافأة التى أعلنت عنها وزارة الداخلية المصرية .. والتي خصصتها لمن يدلي بأي معلومات تفيد فى القبض على (المفتكس) .. وهي عبارة عن مبلغ خمسة جتنيهات مصرية .. وزجاجة زيت تموين .. وكيلو سكر .. وباكوين شاي العروسة …
………………………………………
إلى هنا ينتهي موجز الأنباء .. مزيد من الأخبار فى نشراتنا القادمة …
فاصل: قناة (مكتوب) الإخبارية .. دائماً تسبق الحدث .. إجعلها نافذتك على العالم ..
نوفمبر 24th, 2007 at 24 نوفمبر 2007 4:13 م
( الأميرة الفقيرة ) …
يعني خلاص مفيش فايدة … هيتحكم عليَّ بالإعدام ؟!! ..
أنا مش هكتب وصية وللا حاجة …
بس أمنتك أمانة انتي وكل اللي يزور إفتكاسة .. تبقوا تقرولي الفاتحة … وتسيبولي تعليقات مفتكسة ..
………………………………………
لكن لأ .. أبداً .. مش هيحصل .. قال إعدام قال … الشاطر يبقى يمسكني ..
هأو أو أأو …
ده أنا المفتكس والأجر على الله …
………………………………………
مشكورة أختي العزيزة (الأميرة الفقيرة) على تعليقك المفتكس ..
………………………………………
ودلوقتي نستكمل استقبال تعليقات زوارنا .. ونقول الوو ….
نوفمبر 24th, 2007 at 24 نوفمبر 2007 4:21 م
( الأميرة الفقيرة ) …
آه نسيت اقولك .. بالنسبة للدين … انا فعلاً عليَّ ديون متلتلة ..
بس هل ممكن يعني تديني الفلوس في أيدي وأنا أسددها بنفسي …
ويبقى كتر خيرك جداً ..
نوفمبر 24th, 2007 at 24 نوفمبر 2007 4:25 م
( هشام بر مصر ) … مرة تانية ..
القصيدة بتاعة الفاجومي (أحمد فؤاد نجم) .. كما أخبرني مصدري السابق الغير موثوق منه ..
وعشان تتأكد بنفسك … روح شوفها عند عم (هريدي) ..
http://www.haridy.com/ib/showthread.php?t=86732
………………………………………
*ملحوظة: ابقى أتأكد من الكلام قبل ما تقوله .. لخبطتني ورعبتني .. منك لله يا شيخ ..
نوفمبر 24th, 2007 at 24 نوفمبر 2007 5:56 م
كلام احمد فؤاد نجم على العين والراس وجوا القلب كمان ..
رائع اخيارك للقصيدة …
وننتظر مزيد من الافتكاسات ..
ولا تنسي المرور للاطلاع على اخر افتكاستنا ..
نوفمبر 24th, 2007 at 24 نوفمبر 2007 7:40 م
ايها المفتكس العسل
ما قادني هنا روحك المرحه وردودك الجميله وقلبك المبتسم
فوجدت الامك تضحك من الامها حد الفزع
اما للرائع اخر صعاليك الكون الاله الفقير احمد فؤاد نجم
فلا تعليق امام رائعته ولو اختصها بانتمائها المصري
اراها تنطبق على عروبتنا من تطوان لبغدادي
سعيد بك ايها الجميل
نوفمبر 24th, 2007 at 24 نوفمبر 2007 10:12 م
السلام عل الاحباب..
و الله بت لا اصدق ما يحدث عندكم في مصر….
لدرجة اصبحتم تندمون على هذا الحظ…
لا اعرف كيف اعلق…. ولكن يجب المجابهة و التبات من اجل تغير هذه المرارة المعاشة…
والله اعجزتموني….كل ما يصلنا عنكم ما هو الا انجازات قد حققت و مباني قد انجزت و..و…و..
وبتنا نحسدكم….. آه..فهمت لقد اصابتكم عيننا…….ههههههههههه
……
……
اخي الكريم مفتكس ..
انا من عادتي لا استيبغ التعابير العامية
و لكن القصيدة شدتني…لكثرة ما سمعت عن المعانات
و الكلمات كانت جد دالة و معبرة….
نسال الله التغير
دمت مبدعا …………
السلام
نوفمبر 24th, 2007 at 24 نوفمبر 2007 11:18 م
كلام
يعبر عن منتهى الياس والاحباط
نوفمبر 24th, 2007 at 24 نوفمبر 2007 11:19 م
الى اين يا اخي تريد الوصول؟
حين يكون الوجع وطن لا بد من معتقل
وحين تكون العودة الم لا بد من انهيار
لن نناقش مضمون القصيدة بل نسأل ان كان اختيارها اكثر شجاعة من كتابتها
او ربما اكثر يأسا…. وتلك النقطة الهامة
دمت بتوفيق الله
نوفمبر 25th, 2007 at 25 نوفمبر 2007 1:46 ص
يا عيني يا عيني ….
والله الراجل ده فعلا تحفة …وفعلا بيفهم وبيعرف يعبر عن مآسي الشعب …
صحيح ساعات لسانه بيفلت منه , بس ده برده ما يمنعش انه برنس ….
والله فتحت نفسي على الشعر العامي ….طب نكمل على نفس الوزن :-
ولا أقولك
بلاش ربنا يسترك …
قلبي معاك يا مفتكس , وعموما السجن للرجالة الجدعان ….
نوفمبر 25th, 2007 at 25 نوفمبر 2007 7:00 ص
لماذا تقليب المواجع
يا أحمد يا فؤاد يا أبا النجوم
لِمَ لا تتغنّ بالحلم المعلق
والغد الفاضل الموعود
أليس حكامنا حكام الدنيا
والقصور لدينا هي القصور
أليست القاهرة أم الدنيا
لِمَ النظر إلى البيوتات الواطئة
وتغييب ما بها من واسعات السرايا
تحف بها الحدائق
تزينها حمراوات الخدود
ساحرات الطرف
ميّاسات القدود
لِمَ التركيز على شرور الفقر
وتعاسة تعساء السجون
أليس أنا نحن الأغنياء
أليست آبار بترولنا وسائر الثروات
قد بوأت كبارنا الكبار
الصفوف المتقدمة
في ترتيب أغنياء العالَم
/
يا أحمد يا أبا الحمد
يا فؤاد يا أعز فؤاد
يا نجم النجوم
بالله عليك
قد حركتَ الجمل وناقته
فلم يزيدا على أن تعانقا
وفي عناقهما
أقسما على ألّن تشهد لهما حراكــًا
بالله عليك
بالله
أفي جعبتك
ما يطلق بنات البارود
جرّبه
فقد عمّ الداءُ
حيث تنشد الدواء
/
دمت أخي المبجل المفدى
المفتكس
مقتنصًا فنانـًا
لأجمل لحظات عظماء شعرائنا
المفصحين عن آلامنا
المبيّنين لحقيقة أحوالنا
وحقــًا
ما في جسد الوطن العربي
إلا قلب واحد
هو قلب كل عربي
وأنى كان
*
نوفمبر 25th, 2007 at 25 نوفمبر 2007 9:07 ص
المفتكس بيحط شروط
المفتكس بيعلقنا
قال إذا ما وصلش عدد التعليقات 100 ما فيش إفتكاسة جديدة
طيب و حياة الخمسة جنيه حنوصلها ل100 علشان يحرم
و بعدين صحيح يا مفتكس يا أخويا أنا قربت من الخمسين بس الحمد لله نظرى
ما شاء الله
و دى بقى جلابية مش تى شيرت إيه رأيك بقى
—————————-
علمنا من مصدر مسؤل فى وزارة الداخلية أن المفتكس مضر ب عن الطعام
و ذلك لعدم مطابقة العيش للمواصفات المصرية المعترف بها و خلوه من موس الحلاقة
المتعارف عليه
و سيظل الإضراب مفتوحا حتى المائة تعليق
————————————–
علقوا الله يخليكم
ده واد غتت و حيفضل معلقنا لغاية المية بجد
نوفمبر 25th, 2007 at 25 نوفمبر 2007 9:09 ص
مفتكس يا أخويا
وصلنا كام
نوفمبر 25th, 2007 at 25 نوفمبر 2007 9:10 ص
يا إخوانا علقوا
الظاهر الموضوع بجد
نوفمبر 25th, 2007 at 25 نوفمبر 2007 9:12 ص
أدينى كتبت لك شوية تعليقات
و حأطلع دلوقت ألملك شوية تعليقات من المدونات التانية
بس يا بنى بطل الإضراب
صحتك ياضنايا
نوفمبر 25th, 2007 at 25 نوفمبر 2007 9:48 ص
شكرا اخي الغالي المفتكس على المعلومات القيمة بشأن وائل عباس واخوانه …
تحياتي لك …
نوفمبر 25th, 2007 at 25 نوفمبر 2007 9:49 ص
وشكرا على على وضع بنر ..مش بفلوسي يا ساوريس..
تحياتي لك ..
نوفمبر 25th, 2007 at 25 نوفمبر 2007 9:51 ص
ودي علشان خاطر استاذ محمود …هههههههه
نوفمبر 25th, 2007 at 25 نوفمبر 2007 11:49 ص
ايوه يا خوي يامفتكس
هو في ايه يا خوي ؟؟؟ مش عايز تشتغل معانا ولا ايه ؟؟؟ يكونشي حد واخدك منينا وعايزك تفك كده وخلاص … لأ يا خوي .. مش كل اللحم بيتاكل واحنا لحمنا مر …. تقوم دلوقتي وتكتبلينا افتكاسة من اللي فبالك منهم مافيش غيرهم … اهو كده وخلاص … كده تبقى المفتكس بتاعنا الي منحبه ويحبنا … جدع ياواد ياتقيل يامفتكسنا بالبيت والاوتوموبيل ….
تحياتي ومودتي // أخيك حسن
وهذا ما كتبته لأخي الفاضل محمود
أخي محمود الغالي
هي حالة المفتكس مش ح تفتكس تاني ؟؟؟ دحنا ادينالو حبتين من وكاسة عربنا وبرضه مش عايز غير افتكاسة من نوع مؤتمرات دولية وحاجات زيها …..
حبيبي الزاهي بك دايما
أخيك حسن
نوفمبر 25th, 2007 at 25 نوفمبر 2007 12:45 م
المفتكس
ايه الخبر الهايل الي سمعته ده
قال راسك و60 سيف مش قابل تبعت حاجه الا اما يصل عندك الردود ل100
ايه الطمع دع يا ابني ده الطمع بالدين مش بالردود
على كل
انا من دلوقت بحذر الكل اي حد يبعت رد هنا انا ابلغ عنه على طول
واهو اشوف مين يتجرئ ويدخل يرد عليك يا مفتكس باشا
انا قعدالكم براقب من الجريده المخرومه ام عين واحده
بجد متركبش دماغك ويالله ابعت جديد دحنا بالانتظار
ويا راجل متبقاش دماغك ناشفه ولينها (طرييها )تكسب قراء اعزاء بينتظروا كتاباتك على أحر من الجمر( حلوة احر من الجمر ) مش اعيدها تاني
وقل لصاحبك محمود بدل ما كان يقعد يلف على المدونات كان اسهل ليه اتصال على الجزيره خبر عاجل المفتكس رافض الكتابه الخ الخ الخ
ربنا معاكم ونحن بانتظار كل جديد ومفيد
نوفمبر 25th, 2007 at 25 نوفمبر 2007 1:35 م
إخوانى
زهرة النسرين
أستاذ حسن
روح الشرق
أشكركم على تجاوبكم لحملة الميت تعليق
بس زى ما إنتم شايفين سي المفتكس لسه فى حالة إفتكاس و الظاهر إنه لسه ما
فتحتحش الإفتكاسة
و بصراحة أنا عايز أقوم أنام بكرة عندى شغل تقيل
و كنت أتمنى حقنة إفتكاسة قبل النوم بس يلا عند بنتى سعاد تقعد تفكسنى قبل
النوم
و تصبحوا على خير الساعة عندى بعد 8 ونص
و ليك يوم يا مفتكس
نوفمبر 25th, 2007 at 25 نوفمبر 2007 1:52 م
اخي المفتكس
لا يا مفتكس مش عشان انت مصري
عشان انت عربي ، الحال من بعضه يا مفتكس
كلنا امة واحدة تعبانة ومستوية
كلامك في الصميم يا مفتكس
شكرا لك ودمت بود
نوفمبر 25th, 2007 at 25 نوفمبر 2007 9:42 م
يااااااااااااااااااااااااااااااااه … كل دي تعليقات أنا مرديتش عليها ؟!!!
واضح ان حملة ( محمود ) عملت مفعولها …
بس أنا هجيب وقت منين أرد على كل التعليقات دي ؟!!!
انا اللي عملت كده فى نفسي يعني كنت لازم أحط شرط الـ 100 تعليق ده !!!
عموماً أنا بأُعلمكم … والحاضر يعلن الغايب يا جماعة .. اني بتراجع عن قراري بخصوص الـ 100 تعليق ..
ومش كده كمان … وبقول حقي برقابتي .. وخلاص حرمت مش هعمل كده تاني …
……………………………………………………………
انتم صدقتم وللا ايه ؟؟
لااااااااااااااااااااااااااااااااااااااااااااا .. اوعوا …
ده أنا أكتر حاجة بتبسطني هي تعليقاتكم المفتكسة …
ربنا يقدرني وأقدر أردلكم جمايلكم دي … وابسطكم زي ما بتبسطوني كده ..
……………………………………………………………
بس أدعولي أرد على كل تعليقاتكم الليلة دي … وما اسيبش منها تعليق واحد من غير رد …
……………………………………………………………
أديني الصحة وقويني يارب ….
……………………………………………………………
بسم الله الرحمن الرحيم ..
على بركة الله نبدأ نرد على تعليقات زورانا الكرام .. وكله بالدور …
يعني اللي دخل وساب تعليق الأول .. هو اللى هنرد عليه الأول .. كله بالترتيب ..
مفيش أحلى من النظام .. مع أني مؤمن بحكمة الأخ (برايز) فى (فيلم ثقافي) لما قال مقولته الشهيرة .. (العيب مش فيكم .. العيب فى النظام) … واخدين بالكم (العيب فى النظام) ..
ودلوقتي نرد على أول تعليق …
نوفمبر 25th, 2007 at 25 نوفمبر 2007 9:47 م
( زهرة النسرين ) …
جرأة مش متعودين عليها فى التعليق على قصيدة (نجم) …
واضح اننا كلنا هنشرف فى زنزانة واحدة عن قريب ..
……………………………………………………………
وبالنسبة لإطلاعي على آخر افتكاساتك :
حصل سيادتك .. مش كده وبس ..
لأ ده يمكن أكون سببتلك مشاكل مع زوار مدونتك كمان .. اقولك ايه بس .. (انتي اللي جبتيه لنفسك) …
نوفمبر 25th, 2007 at 25 نوفمبر 2007 10:21 م
اليوم سأطفئ شمعتي الأولى
فكما شاركتموني تحضير الحفل
فاهلا بكم معي في يومي الموعود
الف قبلة لكم أحبتي
نوفمبر 25th, 2007 at 25 نوفمبر 2007 10:41 م
( حيدر الياسري ) …
والله انت اللي عسل يا عم حيدر ..
انا مش فاهم ازاي بتقدروا تركبوا الكلام الحلو ده ؟!!
ربنا يوعدنا ونبقى زيكم كده …
أشكرك على الثناء ووصفي بالجميل والعسل وكل اللي الحجات الحلوة دي ..
وأنا معك فيما يخص قصيدة الفاجومي …
بس كده القضية زادت كمان متهم …
……………………………………………………………
ونشوف التعليق اللي عليه الدور .. ونقول الوو ….
نوفمبر 25th, 2007 at 25 نوفمبر 2007 10:43 م
السلام عليكم
والله يا مفتكس انا قمت بالرد علي تلك القصيدة لما جبتهالي في تعليقك في مدونتي .
وهرد تاني هنا ليعرف الجميع ..
مع احترامي للشاعر احمد نجم ………ولكني ارفض هذا النوع من المصريين
وارفض التعميم الذي تصف بة القصيدة كل المصريين ..واقول هذا خطأ في التفكير كما درست في الفلسفة والمنطق تعميم الحكم فية خطأ …
وعشا يا مفتكس انت حبيبي مش هرف عليك قضية ولا حاجة ..وخلي بالك انت ساهمت في نشرها يعني مسئول رغم ما تعلنة …>>> القانون واضح وانا راجل بتاع قانون وعارف ..
…….انت كدة كدة مسئول زي الشاعر احمد نجم ..
>>>وانا ممكن اذكر او روح مدونتي وانت تعرف مواصفات المصري الاصيل الذي اوكد انها مازالت باقية .. رغم السحابة السوداء عليها … ولا اية
>>>والمصري كما هو معروف عنة وقت الجد ووقت الاحتياج إلية تجدة دائما بالف راجل واقف ويسد ..احنا المصريين طيبين ولكن لسنا مغفلين وعرفين حقوقنا ومهما طال الزمن سوف نحصل عليها .. كل الغزاة والطغاة لما اتوا الي مصر واحتلوها وقالوا ان المصري الان لن يقوم لة قومة >>>> ويجدوا ان المصري فجأة يهب ويقف ويطالب بحقة ويقضي علي كل ظالم .
…….لو لم اكن مصريا لودت ان اكون مصريا لك مني كل الحب والسلام
وتحياتي الكتيييييييييرة
>>>>>>>>>دددددددددددددددددد
نوفمبر 25th, 2007 at 25 نوفمبر 2007 10:53 م
( مؤنسة الأنس ) …
بالنسبة لما يحدث عندنا فى مصر … وانتي مش مصدقاه …
أنا ماليش دعوة .. الكلام كلام (نجم) .. وكل واحد مسئول عن كلامه …
وبالنسبة للتبات والمجابهة … يؤسفني أني اقلك بعضنا بدأ يتعب .. ومعتش قادر يواجه …
ولوا ان السياسية التحريرية لإفتكاسة .. اللي وضعها (المفتكس) بنفسه طبعاً لا تسمح وترفض بشدة اي شئ يدعو للهم والغم …
لكنت تحدثت عنهم (من استسلموا ) …
……………………………………………………………
كمان أنا مطارد من الحكومة يعني مفيش وقت أحكيلك …
……………………………………………………………
سلام بقى أحسن حاسس انهم بيتجسسوا على الاتصال بيننا .. لازم أخلع من هنا حالاً ..
……………………………………………………………
الحمد لله أدينا انتقلنا لحتة تانية أأمن من الأولانية …
والآن نستكمل ردودنا على تعليقاتكم ..
نوفمبر 25th, 2007 at 25 نوفمبر 2007 10:58 م
( كريم الجزائري) …
وليه ما تقولش انه كلام بيعبر عن الواقع … اللي لازم نواجه نفسنا بيه ومنضحكش على روحنا ؟؟!!…
يا أخي (كريم) لازم نعترف بمشاكلنا .. علشان نقدر نواجهها ..
ويا ريت بقى ما تنساش تسلملي على بلد المليون شهيد …
نوفمبر 25th, 2007 at 25 نوفمبر 2007 11:06 م
( مصطفى سالم ) …
سألتني إلى أين أريد الوصول ؟!!
أكيد لمكان حبايبنا الحلوين (ربنا يجعل كلامنا خفيف عليهم) ما يقدروش يوصلولي فيه ..
……………………………………………………………
أما بقى بالنسبة لسؤالك فأنا هسيبك تتوقع الإجابة عليه بنفسك …
هل فعل (المفتكس) ما فعله من نقل للقصيدة لأنه أكثر شجاعة أم أكثر يأس ؟!!
آه على فكرة مش مستني الإجابة … ممكن تحتفظ بيها لنفسك ..
مش هنمتحنك فيها …
……………………………………………………………
ونشوف تعليق جديد نرد عليه .. ونقول ألوو …
نوفمبر 25th, 2007 at 25 نوفمبر 2007 11:17 م
( د.محمد عبدالحفيظ شهاب الدين ) …
أنا معك في كل ما قلته عن الفاجومي المفتكس الكبير النجم (نجم) …
بس ده معناه أنك هتشرف معانا يا دكتور …
وصحيح السجن للجدعان زي ما قلت .. ( طيب .. جهز شنطتك وحط فيها فوطة وبطانية يا أبو الجدعان) …
وساعتها بقى هنسمع منك أحلى وأجمل أشعار (بصراحة لما زرت مدونتك .. بهرني الشعر الذي قرأته لك .. ) ..
عندنا وقت طووووووويل نسمع منك لحد ما نقول بس …
كمان لما يبقى معانا دكتور برضه اهو ياخد باله مننا لو حد تعب شوية وللا اشتكى من حاجة …
……………………………………………………………
بشرى إلى كل المفتكسين المتهمين فى قضية (قصيدة عشان انت مصري) … انضم إلينا دكتور .. أيوه دكتور …
دكتور في أيه ؟!! بصراحة مش عارف .. هبقى أسأله وأرد عليكم ..
نوفمبر 25th, 2007 at 25 نوفمبر 2007 11:21 م
( سلوى جلال - salwa jalal ) …
بجد أنا بستغرب جداً من موهبتك …
كنت بشوف تعليقاتك فى مدونات تانية بندهش …
تقري الموضوع تكتبي تعليقك قصيدة شعر طويلة فى نفس الموضوع … ايه الموهبة دي ؟!!
بسم الله ما شاء الله .. اللهم لا حسد … (المفتكس مالوش في القر والنق .. والكلام ده ) ..
آه أحسن يحصلك حاجة تقولي المفتكس هو اللي حسدني …
……………………………………………………………
بجد سعيد جداً بزيارتك .. اللي ان شاء الله مش هتحرمينا منها …
نوفمبر 25th, 2007 at 25 نوفمبر 2007 11:45 م
( محمود ) …
حبيب قلبي (صديقي اللدود ) .. (محمود) ..
ايوه بحط شروط … وبعلقكم يا سي (حودة) …
وأهي جت على دماغي فى الآخر عشان تستريح … الساعة داخلة على واحدة ونص الصبح .. وانا قاعد برد على تعليقاتكم …
وبالشكل ده على ما أوصل لآخر التعليقات يبقى مش هروح الشغل الصبح …
انا عارف انك قاعد بتضحك دلوقتي وشمتان فيّ …
ماشي يا أبو طه … تتردلك فى الأفراح ان شاء الله …
……………………………………………………………
وبعدين لما أقولكم حاجة فى السر بيني وبينكم هنا … تقوم انت تجري على المدونات التانية تفضحنا وتجرسنا …
وتقول (المفتكس) معدتش عايز يفتكس غير لما التعليقات توصل لـ 100 تعليق ..
على العموم أشكرك على الإعلان المجاني …
لأ بس هو مش مجاني قوي …
انت لسه خابط من الحكومة خمسة جنيه وإزازة زيت تموين وكيلو سكر سايب وباكوين شاي العروسة … وكله ده على حسي ..
……………………………………………………………
اللي انا عايز أفهمه بقى اللي عملته ده كان ايه بالظبط .. تأنيب ضمير ؟!! .. وللا بتورطني فى القضية أكتر ما أنا متورط ؟!! ..
……………………………………………………………
بس على فكرة بقى … حماستك في موضوع جمع الـ 100 تعليق بتقول انك راجل ثورجي …
بالإضافة لخفة دمك الواضحة فى تعليقاتك …
يخلوني أفكر انك انت صاحب الجلابية يا معلم … (ماهو من أعمالكم صلت عليكم) …
وكنت بترمي عليه التهمة … عشان تخلع انت منها …
لكن على مين ؟!! ده انا المفتكس .. بفهمها وهي طايرة ..
……………………………………………………………
نشرة الواحدة والنصف صباحاً :
أعلن مصدر مسئول بوزارة الداخلية المصرية … أن المدون (المفتكس) المتهم فى قضية (قصيدة عشان انت مصري) .. لا زال هارباً .. ولم يعثر عليه حتى الآن … (ولسه محدش يعرفله طريق جُره ) …
أما ما ورد من أنباء فى نشرتنا السابقة بخصوص (المفتكس) .. من أنه تم القبض عليه وأنه مضرب عن الطعام … فهي أنباء غير صحيحة … وخرجت عن مصدر غير مسئول …
نعتذر لكم … ونتمنى ألا يؤثر هذا الخطأ غير المقصود فى مصداقية قناتنا (قناة مكتوب الإخبارية) ..
مزيد من الأخبار الصحيحة عن (المفتكس) الهارب تجدوها فى نشراتنا القادمة …
فاصل: قناة مكتوب الإخبارية … مش هتقدر تسد ودانك …
نوفمبر 25th, 2007 at 25 نوفمبر 2007 11:49 م
( زهرة النسرين ) …
بخصوص (وائل عباس) … لا شكر على واجب ..
بخصوص (ساويرس) … ده اقل واجب من مسلم بيغير على دينه … ونتمنى الحملة تنتشر اكتر واكتر ..
أما بخصوص (محمود) .. فربنا يجازيه ..هو السبب فى الحوسة اللي أنا فيها دلوقتي ..
الساعة داخلة على اتنين الصبح وأنا برد على تعليقاتكم …
أشوف فيك يوم يا حودة …
نوفمبر 25th, 2007 at 25 نوفمبر 2007 11:57 م
( حسن جميل الحريس ) …
أستاذي (حسن) .. أنا بعتز جداً بزيارتك لإفتكاسة …
وبالنسبة للأفتكاسات الجديدة … ربنا يقدرني وأرد على تعليقاتكم المفتكسة الأول … وبعدين أكتبلكم الجديد …
أما صديقي اللدود (محمود) … فأنا مش عارف أدعي عليه وللا أشكره …
بس لو عايز الجد أنا لازم أشكره جداً …
علشان قدر يخليكم .. تيجوا وتبينوا قد ايه حبكم للمفتكس ولإفتكاسة …
……………………………………………………………
وأنا من هنا .. من مهربي (يعني المكان اللي أنا هربان فيه) … بقولكم بأعلى صوت … بحبكم .. بحبكم .. بحبكم .. بحبكم .. بحبكم .. بحبكم .. بحبكم .. بحبكم ..
نوفمبر 26th, 2007 at 26 نوفمبر 2007 12:22 ص
( روح الشرق ) …
دايماً مشاغبة ومنائرة وغلباوية …
بقى بتحرضيهم انهم ميسيبوش تعليقات …
كمان بتهدديهم ان اللي هيسيب تعليق … هتبلغي عنه …
بقى كل ده … عشان طيرت منك عريس ؟!!!
وايه يعني … عريس خلع .. يجي غيره …
ماشي يا ست روح .. أعلنتيها حرب … إذن فلتكن حرب …
عموماً (المفتكس) ميبعش أصحابه أبداً … يعني أنا هشيل القضية لوحدي …
……………………………………………………………
وصل قناتنا (قناة مكتوب الإخبارية) شريط عليه تسجيل صوتي من مجهول يدعي فيه أنه المدون الهارب (المفتكس) …
نعرض الآن عليكم التسجيل الصوتي .. مع صورة من أرشيفنا للمفتكس .. حصلنا عليها من مدونته (إفتكاسة) ..
أعلن أنا (المفتكس) وأنا بكامل قواي العقلية بأني المسئول الأول والأخير فى قضية (قصيدة عشان انت مصري) .. اللي لسه لحد دلوقتي مش متأكد ان كان مؤلفها هو الشاعر (أحمد فؤاد نجم) ولا مش هو …
وان كل المدونين اللي أبلغت عنهم المدونة (روح الشرق) .. لا علاقة لهم بالقضية .. وانها فعلت ما فعلته بسبب خلاف شخصي بيني وبينها … (بصراحة كده طيرت من أيديها عريس) ..
كما أعلن عدم نيتي فى تسليم نفسي … وسأظل هارباً إلى أن تثبت برائتي من التهم الموجهه إليّ بدون وجه حق …
والله على ما أقول شهيد …
(المفتكس) .. فى الاثنين 26/11/2007 .. الساعة 2.20صباحاً
هذا ولا زالت الجهات الرسمية المختصة تقوم بتحليل هذا التسجيل الصوتي … وحتى الآن لم يثبت إذا كان هذا التسجيل يخص(المفتكس) أم لا …
تابعونا لمزيد من الأخبار عن (المفتكس) الهارب …
فاصل: قناة (مكتوب) الإخبارية … الأسرع فى الوصول إلى الحدث..
نوفمبر 26th, 2007 at 26 نوفمبر 2007 12:27 ص
( محمود ) مرة تانية …
تعمل عملتك وتقوم نام بدري عشان عندك شغل الصبح … وانا الساعة داخلة على 2.30 ولسه قاعد برد على التعليقات …
واكيد أكيد .. مليون الميه يعني … مش هصحى أروح الشغل …
سلامي للصغيرة (سعاد) … واضح انها هتطلع مفتكسة كبيرة زي أبوها … ربنا يخليهالك …
نوفمبر 26th, 2007 at 26 نوفمبر 2007 12:29 ص
( ميساء البشيتي ) …
أنا بكون مبسوط جداً لما بشوف اسمك منور فى افتكاسة …
ربنا ما يحرمنا منك أبداً …
أما بالنسبة لتعليقك على القصيدة …
كده زدنا كمان متهمة ..
نوفمبر 26th, 2007 at 26 نوفمبر 2007 12:48 ص
( lina azioune ) …
كل سنة وانتي طيبة يا أحلى وأعز وأغلى (لينــا) فى الدنيا كلها …
أكيد هحضر الحفلة .. من عينيه الاتنين يا ست الكل …
بس قوليلي فى السكرته كده … ايه أخبار التورتة والجاتوهات ؟!!!!
نوفمبر 26th, 2007 at 26 نوفمبر 2007 12:50 ص
( وائل المصري ) …
بقى كده يا متر … بدل ما تيجي تطوع تدافع عني … جاي عايز تلبسني التهمة ..؟!!…
وتقولي القانون واضح وانت بتاع قانون …
ماشي يا عم المتر … الأيام دول .. وأكيد هيجيلك يوم …
أما بقى بالنسبة لكلامك ده:
( >>>والمصري كما هو معروف عنة وقت الجد ووقت الاحتياج إلية تجدة دائما بالف راجل واقف ويسد ..احنا المصريين طيبين ولكن لسنا مغفلين وعرفين حقوقنا ومهما طال الزمن سوف نحصل عليها .. كل الغزاة والطغاة لما اتوا الي مصر واحتلوها وقالوا ان المصري الان لن يقوم لة قومة >>>> ويجدوا ان المصري فجأة يهب ويقف ويطالب بحقة ويقضي علي كل ظالم ) …
أنا بقولك: لحد ما يحصل اللي بتقول عليه ده .. موووووووووووووت يا حمار …
وعلى فكرة أنا مش زعلان انك بتعترض على القصيدة … بالعكس .. كل واحد حر في رأيه ..
و(إفتكاسة هي) ساحة للحرية … كل واحد يقول اللي هو عاوزه … بس بادب طبعاً …
……………………………………………………………
بيتهيألي تعليقك ده يا متر كان آخر تعليق … الساعة دلوقتي 2.41 الفجر ..
اقوم أنا بقى وأرجعلكم بكرة إن شاء الله …
……………………………………………………………
فى انتظار مزيد من تعليقاتكم المفتكسة ..
نوفمبر 26th, 2007 at 26 نوفمبر 2007 8:47 ص
الى جنة الخلد يا مفتكس
كان بدرى عليك يا ابنى
على فكرة مستواك كشاعر مش بطال قريب من نجم فعلا بس أنا مش مصدقة أبدا ان دى قصيدة نجم ما تقول انها بتاعتك وخلاص اصل انت فى الحالتين ضايع ضايع
نوفمبر 26th, 2007 at 26 نوفمبر 2007 10:54 ص
القصيدة .. حزينة وكئيبة وضلمة.. وكان فكري الفكسة ضد النكسة.
على كل حال قل ماشئت يا مفتكس.. على ضمانتي.. لسه بدري على سن الرشد…
الصورة واضحة تماما..
تحيــاتي
التعليق 63
نوفمبر 26th, 2007 at 26 نوفمبر 2007 2:25 م
ezyak ya 3am moftkes ,
bsra7a sho3′l gamed wenta dma3′ak 3alya ta7n , wbtfkrni bnfsi ayam shbabi , ko7 ko7
yalla b2a 7osn el5tam e7na hna5od zmanna wzaman 3′erna
fokak mn el-nas elli 3malen ysht3′lok dol wy2ololak hnbl3′ 3anak wel7warat elfashla di , law 7ad balla3′ 3anak etsel bya bdon taradod wana 7tsrf
tb3n enta mst3′rb enni kateb elt3leq bta3i keda bas bsra7a el-pc pta3i raso walf gazma enno mosh 7ykteb 3arabi wana m7tag a3mel restart b2a w7war f2olt aktblak t3lez fil-engaz
salam b2a 3shan lazem a3mel restart
hhhhhhhhhhhhhhh
نوفمبر 26th, 2007 at 26 نوفمبر 2007 2:40 م
نفى أحمد فؤاد نجم فى برنامج العاشرة مساء أنه كاتب هذه القصيده وغيرها من القصائد المنتشره فى النت والتى يتم نسبها إليه ..
ومن قبلها نفت إبنته فى منتديات كثيرة أن والدها صاحب القصيدة .. والمرجح أن مؤلفها صيدلى ولكن لأ أتذكر اسمه
وتقبل تحياتى
نوفمبر 26th, 2007 at 26 نوفمبر 2007 3:21 م
( ميادة مدحت ) …
انتي جاية تولولي عليه هنا …
بتفولي عليه ليه بس …
ما أنا لسه هربان أهه متقفشتش ؟!! …
انتي مش بتابعي قناة (مكتوب) الإخبارية وللا ايه ؟!! …
دول ما مفيش وراهم اليومين اللي فاتوا غير أخبار هروبي …
……………………………………………………………
وبعدين ايه حكاية مستوايا كشاعر مش بطال دي ؟!!!
قريتي شعري فين انتي يا ست ميادة ؟!!
وللا هو افترا على الناس بالكدب وخلاص …
……………………………………………………………
والآن مع أهم أخبار نشرتنا :
وصل قناتنا (قناة مكتوب الإخبارية) تسجيل صوتي جديد من مجهول … يدعي صاحبه أنه المدون (المفتكس) الهارب .. نعرض عليكم التسجيل الصوتي مع صورة للمفتكس رسمها الفنان التشيكلي المدون (حيدر الياسري) يتوقع انها أقرب ما تكون للمفتكس بعد تخفيه فى جلابية على حسب ما ذكره المدون (محمود) ..
والآن نعرض عليكم هذا التسجيل الجديد :
من هنا من مهربي هذا (مكان هروبي يعني) أقر وأعترف أنا (المفتكس) أني لا أتعاطى الشعر .. ولم اكتبه قبل ذلك … وان ما ذكرته المدونة (ميادة مدحت) هو محض إفتراء وإدعاء كاذب لا صحة له …
وانها فعلت ذلك عشان تسوء موقفي في قضية (قصيدة عشان انت مصري) … قال يعني الحكاية ناقصة !!! ..
……………………………………………………………
جدير بالذكر ان هذا التسجيل هو الثاني الذي وصلنا من مجهول يدعي فيه أنه (المفتكس) الهارب …
جاء التسجيل الأول الذي وصلنا ليلة أمس يحوي اعترافاً للمفتكس انه هو المسئول الأول والأخير فى قضية (قصيدة عشان انت مصري) …
هذا ولازالت حتى الآن الجهات الرسمية المختصة تقوم بتحليل التسجيلين الصوتيين لإثبات أنهما للمفتكس الهارب من عدمه …
… لمزيد من الأخبار .. تابعوا قناة (مكتوب) الإخبارية ..
فاصل: قناة (مكتوب الإخبارية) … تأتي بالعالم بين يديك …
نوفمبر 26th, 2007 at 26 نوفمبر 2007 3:30 م
( سـامية عبد المطلب ) …
أيوه كده .. هي دي التعليقات اللي تفتح النِفس …
شايفين كبريتنا (الكبيرة بتاعتنا فى التدوين يعني) بتقول ايه … بتقولي قول اللي انت عايزة على ضمانتي …
بس أشك انهم هيراعوا مسألة السن دي يا حجة (سامية) …
أقل ما فيها هيحطوني فى دار أحداث … لحد ما يوصل سني 18 سنة …
بعدين ساعتها ينفذوا فيّ حكم الإعدام .. ( لااااااااااااااا الشر بره وبعيد) …
أنا هفضل هربان كده لحد ما تثبتوا برائتي …
……………………………………………………………
أما رقم تعليقك 63 فبيقول انها هانت .. قربنا للميه .. قولوا يا مسهل …
واضح ان الزيارة دي (محمود) له يد فيها …
نوفمبر 26th, 2007 at 26 نوفمبر 2007 4:22 م
( فارس مصر ) …
قلت: ezyak ya 3am moftkes ,
bsra7a sho3′l gamed wenta dma3′ak 3alya ta7n , wbtfkrni bnfsi ayam shbabi , ko7 ko7
yalla b2a 7osn el5tam e7na hna5od zmanna wzaman 3′erna
fokak mn el-nas elli 3malen ysht3′lok dol wy2ololak hnbl3′ 3anak wel7warat elfashla di , law 7ad balla3′ 3anak etsel bya bdon taradod wana 7tsrf
tb3n enta mst3′rb enni kateb elt3leq bta3i keda bas bsra7a el-pc pta3i raso walf gazma enno mosh 7ykteb 3arabi wana m7tag a3mel restart b2a w7war f2olt aktblak t3lez fil-engaz
salam b2a 3shan lazem a3mel restart
hhhhhhhhhhhhhhh
……………………………………………………………
معلهش ياعم فارس كلامك كان محتاج ترجمة … وللأمانة قمت بترجمته ترجمة حرفية (واخد بالك من حرفية دي) ..
……………………………………………………………
ازيك يا عم مفتكس ..
بصراحة شغل جامد وانت دماغك جامدة طحن .. وبتفكرني بنفسي أيام شبابي .. كُح كُح ..
ياللا بقى حُسن الختام .. احنا هناخد زماننا وزمن غيرنا .. فُكك من الناس اللي عاملين يشتغلوك دول .. ويقولولك هنبلغ عنك .. والحوارات الفاشلة دي ..
لو حد بلغ عنك .. اتصل بيّ بدون تردد وأنا حتصرف ..
طبعاً انت مستغرب اني كاتب التعليق بتاعي كده .. بس بصراحة الكمبيوتر بتاعي راسه وألف جزمة انه مش حيكتب عربي .. وانا محتاج أعمل ريستارت (إعادة تشغيل للكمبيوتر) بقى وحوار .. فقلت أكتبلك تعليق فى الإنجاز ..
سلام بقى عشان لازم أعمل ريستارت
ههههههههههههههه (15 حرف اتش = 15 حرف هـ) ..
……………………………………………………………
يا ألف مرحب بيك يا جدو (فارس) .. ربنا يديك الصحة وطولة العمر يا رب ..
زمانكم فى التدوين ده كان أحلى زمن … احنا هواة بالنسبة لكم يا جدو .. وماشيين على دربكم .. وبنحاول أهه … بس نفسكم معانا …
.. على فكرة محدش يعرف يشتغل (المفتكس) … لزم التنويه …
كل الناس اللي بتيجي تهدد بالتبليغ عني حبايبي ..
ولا يمكن .. شوف .. لا يمكن .. حد منهم يبلغ عني …
الموضوع مش أكتر من مشاغبات ومنائرة .. ما ألذها بصراحة ؟!!
……………………………………………………………
.. آه على فكرة يا جدو (فارس) واضح انك مش متابع أخبار القضية كويس … لإني اتدبست فى القضية بالفعل .. ومطارد وهربان .. وحالتي كرب ..
فلو ياريت يعني لو تقدر تتصرف زي ما قلت فعلاً … أبوس أيدك (لأ بلاش ايدك دي) … أبوس راسك اتصرف …
……………………………………………………………
وبالنسبة لرسالتك اللي سيبتها فى (شات المفتكسين) …
أشكرك على الكلام الحلو … واتمنى أكون عند حسن الظن …
وبالنسبة للموضوع اللي انت نقلته من إفتكاسة … دي متعتبرش سرقة ولا حاجة يا نجم …
أساساً بيني وبينك .. كلام في سرك ( وأوعى تجيب سيرة لحد) أنا كمان كنت ناقله … والموضوع مالوش حقوق ملكية … ومفيش عليه مشاكل …
الدور والباقي على (قصيدة انت مصري) اللي ودتنا فى داهية .. وخلتنا مطاردين فى بلاد الله ..
ان شاء الله أزور مدونتك عن قريب ..
نوفمبر 26th, 2007 at 26 نوفمبر 2007 4:36 م
( د : سـيـد مخـتـار ) …
يا ألف مرحب بيك يا دكتور (سيد)فى إفتكاستنا المتواضعة …
انت متأكد يا دكتور ان الشاعر (أحمد فؤاد نجم) نفى علاقته بالقصيدة ؟!! …
لاااااااااااااااااااااااااااااااااا
كده (نجم) بيخلع وبيدبسني …
أكيد أول ما عرف بأخبار القضية (هي قناة مكتوب الإخبارية السبب) ولقى الموضوع دخل فى الغويط .. قال يخلع .. وسابني اتدبس لوحدي فيها …
لكن لأ .. إذا كان هو طلع في قناة دريم ( برنامج العاشرة مساءً) .. عشان ينفي عن نفسه التهمة …
فأنا عندي قناة (مكتوب) .. هطلع فيها برضه وأنفي التهمة عن نفسي …
وخليهم يبقوا يدوروا على الأخ (الصيدلي) اللي كتبها …
أنا لا صيدلي ولا حاجة … انا كل ما هنالك (مفتكس) غلبان … لا بكتب الشعر ولا حتى بقرأه (غير أحياناً يعني) …
……………………………………………………………
انتظروا المؤتمر الصحفي الذي سأعقده قريباً (لما توصل التعليقات لـ 100 تعليق زي ما اتفقنا) … سيتم بث اللقاء مباشر على قناة (مكتوب الإخبارية) …
……………………………………………………………
ودلوقتي نستقبل تعليق جديد من زوار إفتكاسة ونقول .. ألووو …
نوفمبر 26th, 2007 at 26 نوفمبر 2007 7:19 م
ألووووووووووووووووووووووووووو
النهاردة فى مكتب مستشار الرئيس الإندونيسى كانت الدنيا مقلوبة بسبب المفتكس
( على فكرة الراجا من خريجى الأزهر و معاه دكتوراة فى الفلسفة من جامعة عين شمس
و له كرس فى هارفارد ) الراجل كان زعلان جدا و بيفكر إنه يقف معاك بسبب بعض
التعليقات التحريضية التى تتهمك بالقصيدة
و بعد إطلاعه على القصيدة و الملحوظة قام قال ( هوه اللى بيقول ) الواد المفتكس ده
باين عليه ثورجى كبير و له فلسفة خاصة فى الحض ( حلة الحض دى - يالا ياعم ما هى
ساعة الحض متتعوضش ) و بيقول لك متخافش إحنا حنعملك لجوء شعرى فى إندونيسيا
بس بشروط متكتش شعر بالإندونيسى
فكر كويس و إدينى ألوووووووووووو و نرسلك طيارة بسرعة
نوفمبر 26th, 2007 at 26 نوفمبر 2007 8:02 م
السلام عليكم
استبدال كلمة عشان انت مصربي
بعشان انت عربي
وكبر اربع على حقوقنا
—————–
بلغنا من خبر فضل عدم الكشف عن اسمه
ان الشخص الملقب بالمفتكس
مبحوث عنه من طرف الانتر بول
بتهمة
نشر قصائد ممنوعة تهدد سلامة النظام
——————-
عنوان ادراجي الجديد
زواج شادين بالمغرب
وعيد لتدوق الخمور بمكناس اللهم ان هدا منكر
نوفمبر 27th, 2007 at 27 نوفمبر 2007 7:35 ص
ماشى يا مفتكس مادام مش عايز تقر وتعترف انك كاتب القصيدة يبقى بلاش انت يا سيدى مش كاتب القصيدة بس انت الناشر والناشر يتحمل مسئولية نشره لمثل هذه القصائد
و عموما أدعو صديقى المفتكس ورواد مدونته وأمة لا إله إلا الله لقراءة قصيدة ألعن وأضل ومش بتاعة نجم على مدونتى مذكرات مواطنة مصرية
القصيدة عنوانها
الجو غيم يا محترم
نوفمبر 27th, 2007 at 27 نوفمبر 2007 9:01 ص
صباح
نوفمبر 27th, 2007 at 27 نوفمبر 2007 9:02 ص
الفل
نوفمبر 27th, 2007 at 27 نوفمبر 2007 9:03 ص
يا
نوفمبر 27th, 2007 at 27 نوفمبر 2007 9:05 ص
مفتكس
نوفمبر 27th, 2007 at 27 نوفمبر 2007 9:08 ص
خلاص
نوفمبر 27th, 2007 at 27 نوفمبر 2007 9:10 ص
قربنا
نوفمبر 27th, 2007 at 27 نوفمبر 2007 9:11 ص
على
نوفمبر 27th, 2007 at 27 نوفمبر 2007 9:12 ص
ال
نوفمبر 27th, 2007 at 27 نوفمبر 2007 9:14 ص
100
نوفمبر 27th, 2007 at 27 نوفمبر 2007 9:15 ص
تعليق
نوفمبر 27th, 2007 at 27 نوفمبر 2007 9:24 ص
إيه يا بنى
يا مفتكس يا أخويا
هى قلبت بجد و لا إيه
نوفمبر 27th, 2007 at 27 نوفمبر 2007 9:26 ص
طيب قول فى أى هوتيل
و إحنا نيجى نخرجوك
نوفمبر 27th, 2007 at 27 نوفمبر 2007 2:03 م
السلام عليكم
فعلا يا مفتكس ..كل واحد حر في راية طالما بادب انا معك ..
…
واحب اطمن الاخ محمود اني تطوعت للدفاع عن المفتكس وباذن الله هتجدوة بينكم في اسرع وقت ……..
ولكن المهم الان ………مين اللي هيدفع الاتعاب بتاعتي …
ان استخدمت هنا القانون واستخدمت ايضا علاقاتي عشان المفتكس يكون جسمة سليم
ولا يصيبة اي ضرر ..واذا كان غير ذلك …..انا ايضا موجود …
وهجبلوا تعويض جاااااااامد ….
يعني يا مفتكس لا تخف باذن الله معك محامي يستطيع ان يوقف مصر ولا يجلسها إللي بعد اخذ حقك …
ولا انتي عندك شك في كدة
وسلاماتي الان
نوفمبر 27th, 2007 at 27 نوفمبر 2007 2:42 م
اخونا
نوفمبر 27th, 2007 at 27 نوفمبر 2007 2:44 م
الحبيب
نوفمبر 27th, 2007 at 27 نوفمبر 2007 2:46 م
الغالى
نوفمبر 27th, 2007 at 27 نوفمبر 2007 2:48 م
المفتكس
نوفمبر 27th, 2007 at 27 نوفمبر 2007 2:50 م
يا
نوفمبر 27th, 2007 at 27 نوفمبر 2007 3:02 م
شاعر
نوفمبر 27th, 2007 at 27 نوفمبر 2007 3:04 م
يل
نوفمبر 27th, 2007 at 27 نوفمبر 2007 3:04 م
( محمود ) …
ألوووووووووووووووووو
علي صوتك شوية يا حودة مش سامعك …
أيوه كده كويس …
ايه يا عم هي اندونيسيا اللي انت بتتكلم منها دي بعيدة قوي كده وللا ايه ؟!!
هي مش اندونيسيا ورا ليبيا جنبنا هنا .. على طول لزق فى إيران .. على ايدك اليمن وانت داخل اليمن ؟!!…
يوووووووووووه … شكلي كده لخبطت الخريطة….
بتقول ايه ؟!! الدنيا مقلوبة عندكم فى (اندونيسيا بسببي) ..؟!!!
يا حلاوة … ده الموضوع كبر قوووووي …
كتر خيره السيد مستشار الرئيس الاندونيسي انه اهتم بقضيتي .. وعايز يساعدني …
بس ايه حكاية اللجوء الشعري دي؟؟!!
لجوء آه .. انما شعري لااااااااااااااااااااااااا …
انتوا عايزين تثبتوا التهمة عليّ وللا ايه ؟!!
لقد أعلنت آنفاً (يعني قبل كده) أني لا أتعاطى الشعر …
فلو عندكم أنواع تانية من اللجوء غير اللجوء الشعري … أجيلكم جري …
غير كده أعذروني … مش هيحصل …
……………………………………………………………
بس حلوة قوي حكاية (ساعة الحض متتعوضش) … بجد جااااااامدة ..
……………………………………………………………
فى اتصال هاتفي من مجهول يدعي فيه انه المدون (المفتكس) الهارب لقناتنا (قناة مكتوب الإخبارية) .. أكد المجهول … أنه لا صحة لما تردد من أنباء عن لجوءه الشعري لدولة اندونيسيا …
جاء هذا الاتصال بعد إنتشار إشاعة تقول بأن مستشار الرئيس الاندونيسي قد عرض على المفتكس اللجوء الشعري لإندونيسيا بشرط توقفه عن كتابة الشعر .. خاصة الشعر الاندونيسي …
ولا زال مراسلنا فى اندونيسيا يحاول الوصول للسيد المستشار للتأكد من صحة هذه الأنباء ..
مزيد من المتابعات لقضية (المفتكس) الهارب فى نشراتنا القادمة …
نوفمبر 27th, 2007 at 27 نوفمبر 2007 3:08 م
الحمد لله
يا شيخ خضتنا عليك
لدرجة إن قوة الإنتشار السريع كانت بتدور عليك فى صحراء برج العرب
نوفمبر 27th, 2007 at 27 نوفمبر 2007 3:11 م
خد عندك بقى القصيدة دى و تبقى كملت ياعم من كله
لسه جايبهالك من عند الأخت ميادة
بقلم / ميادة مدحت
mmedhat24@hotmail.com
الجو غيم يا محترم
لجم ايديك واطفي الهمم
لتبات على البورش التمام
وتتهرس تحت الجزم
الجو قال مليان لبش
و سؤالنا من يرث الحنش؟
ثعبان صغير من صلب بابى
ولا عرابى جاى ينتقم لكل مظلوم اتألش
على وش فتتنا وعاموا
والشعب تعبان فى صيامه
امتى المدافع تنطلق
نفطر بدمه وعظامه؟
أولاد سوزان وباباز أغا
عرفوا طريق النغنغة
و اولاد تحية وستهم
دول مطحونين فى المرمغة
يا جمال مشاعره و أحاسيسه
اللى حاكمنا بنسانيسه
ومشمت العزال فينا
وقافل ع القوت ترابيسه
وبرغم كل مذلتنا
مبننساهوشى فى دعوتنا
إلهي يبليه بمصيبة
تخرب بيته وتعمر بيتنا
ويدعق الواد والمدام
ويبتليهم بالجذام
وينفخ فى صورتنا شوية
ونعمل حاجة غير الكلام
————————–
و بكده يبقى أخونا وائل يقدر يقوم بالواجب كاملا
بس يا خوفى ليطلع هو القاض مش المحامى
نوفمبر 27th, 2007 at 27 نوفمبر 2007 3:13 م
( YASSER_25 يـــــاســر ) …
كبرت أربع على حقوقنا زي ما طلبت …
وبالنسبة للخبر اللي انت كتبته ده :
(( بلغنا من خبر فضل عدم الكشف عن اسمه .. ان الشخص الملقب بالمفتكس .. مبحوث عنه من طرف الانتربول .. بتهمة نشر قصائد ممنوعة تهدد سلامة النظام …))..
ربنا يبشرك بالخير يا عم يا سر …
انت عارف أقل حُكم للتهمة دي ايه … ؟!!!
كان مالي أنا ومال القصيدة دي بس …
نوفمبر 27th, 2007 at 27 نوفمبر 2007 3:18 م
يا مفتكس متخافش
إحنا الحمد لله نظامين مش نظام واحد
المهم بتهدد أى نظام فيهم يا رفيق
حلوة رفيق دى
نوفمبر 27th, 2007 at 27 نوفمبر 2007 3:21 م
على فكرة
إنت ماركة الجاير بتاعتك ما قولتش عليها
ما إنت عارف بعد العيش و الحلاوة لازم الواحد يحبس
نوفمبر 27th, 2007 at 27 نوفمبر 2007 3:26 م
( ميادة مدحت ) …
كتبتها لأ … ساهمت فى نشرها (فيها كلام) …
ولو أن موضوع النشر ده أكيد عقوبته مش هينة … خصوصاً لو أسائوا الظن بي … وفي أغلب الظن هيسيئوا الظن … (حلو الظن ده) !!!
……………………………………………………………
وبالنسبة لقصيدتك :
يدعو (المفتكس) كل حبايبه زوار (إفتكاسة الكرام) .. وأمة لا إله إلا الله .. لزيارة مدونة (مذكرات مواطنة مصرية) .. للاحتفال بقصيدتها الجديدة (الجو غيم يا محترم) ..
ربنا يستر ومتمطرش … عشان انا هحضر الحفلة فى هدوم العيد … مش عايزين نوسخها …
الحضور بالملابس الرسمية … والهدايا إلزامية (الهدية هي ترك تعليقات مفتكسة للأخت ميادة)…
……………………………………………………………
نشوف التعليق اللي عليه الدور .. ونقول ألووو …
نوفمبر 27th, 2007 at 27 نوفمبر 2007 3:26 م
ده التعليق ال 99
و بعده إن شاء الله ال100
ورحمة أمى إذا ماكانش فيه إفتكاسة الليلة
يبقى إنت حر
يبقى مافيش سجاير و لا عيش و لا حلاوة
يا حلاااااااااااااااااااااااااااااااااوة
نوفمبر 27th, 2007 at 27 نوفمبر 2007 3:28 م
وصلنا ال 100
و أدينى أنا اللى إدبست فى الحملة بتاعة ال100 توقيع لوحدى
أروح أنام و أصح الصبح بتاعنا ألاقى الإفتكاسة على الكومبيوتر
تصبح على خير
يا رفيق
نوفمبر 27th, 2007 at 27 نوفمبر 2007 3:45 م
(محمود) … و (محمود) … و (محمود) … و (محمود) … و (محمود) … و (محمود) … و (محمود) … و (محمود) … و (محمود) … و (محمود) … و (محمود) … و (محمود) …
ده نظام نصب بقى …
10 تعليقات بجملة واحدة .. وتعليقين تانيين كان ممكن تضيفهم على الجملة الأولانية …
لا يا يا أبو طه .. احنا متفقناش على كده يا معلم …
الحكاية دي لو اتكررت تاني … هنعدل الشروط .. ونرفع التعليقات لـ 150 تعليق …
أنا بحذر أهه … وقد أعذر من أنذر ….
……………………………………………………………
بتقول: (( إيه يا بنى يا مفتكس يا أخويا .. هى قلبت بجد و لا إيه .. طيب قول فى أى هوتيل .. و إحنا نيجى نخرجوك …) ..
مش هتصدق اللي حصل معايا امبارح …
والله العظيم بجد وما هو إفتكاسة …
طلبني على الموبايل بتاعي( ما هو أخوك المفتكس معاه محمول عملاً بمبدأ المحمول في يد الجميع) …
المهم الرقم اللي طلبني كان كده .. (( 6666667 )) …
أي والله العظيم هو ده اللي حصل … تخيل انت لما يتصل بيك رقم ست ستات سبعة …. ما أكدبش عليك بطني كركبت (زي ما تقول كده مغص ) …
وعقلي قعد يودي ويجيب …
ومما زاد الطين بله … اني لما رديت على المتصل طلب بياناتي كاملة ( اسمي بالكامل .. وتاريخ ميلادي .. والرقم القومي …) … طبعاً ما أقولكش أسقط في يدي …
مش هحلفلك تاني ان ده حصل …
واضح ان العملية دخلت الغميق يا (محمود) … عشان خاطري يا شيخ .. تاخد بالك مني …
……………………………………………………………
** آه على فكرة الرقم ( ست ستات سبعة ) طلع خدمة العملاء بتاع شركة المحمول … وكان بيتصلوا بيّ عشان عقد خط التليفون بتاعي موصلش الشركة (بيقولوا ضاع) .. وكانوا عايزين يوثقوا بيانات صاحب الخط ….. ((هم اللي قالولي كده)) …
نوفمبر 27th, 2007 at 27 نوفمبر 2007 4:12 م
( وائل المصري ) …
ألف شكر يا متر على تطوعك للدفاع عني ..
بس واضح برضه ان (محمود) ليه د فى التعليق ده …
عموماً ياريت تشوف قضية أختنا (ميادة مدحت) .. هي الأولى بدفاعك عنها …
دي كتبت قصيدة مش توديها فى داهية زي ما هو حاصل معايا …
لأ دي تدخلها النار عِدل من غير حساب …
عموماً أنا ممكن أستحمل (ماهم بيقولوا السجن للجدعان برضه) …
لكن هي بنوتة رقيقة مش هينفع تنام على البرش ليلة واحدة …
دي ممكن تروح مننا فيها ..
وطبعاً ده شئ ما يرضيناش …
……………………………………………………………
… وأنا من هنا من (إفتكاسة) أهيب بكل الأخوة المدونين المحامين .. وأولهم المتر (وائل المصري) طبعاً … بالتكاتف للدفاع عن أختنا (ميادة) …
كما أهيب بـ (اتحاد المدونيين المصريين) اللي انا عضو عامل فيه … انه يتبنى قضية أختنا (ميادة) .. ويعمل اجتماع عاجل يتم التشاور فيه بخصوصها … وومناقشة أسوأ الاحتمالات المتوقعة … وطرح طرق المواجهة …
……………………………………………………………
من الآخر كده لو حصل أي حاجة لـ (ميادة ) أنا هعتزل موضوع التدوين ده … وادورلي على شغلانة تانية …
نوفمبر 27th, 2007 at 27 نوفمبر 2007 4:17 م
(محمود) … و (محمود) … و (محمود) … و (محمود) … و (محمود) … و (محمود) … و (محمود) … و (محمود) … و (محمود) … و (محمود) … و (محمود) … و (محمود) … للمرة الـ 100 ..
ماشي يا أبو طه … رجعت للنصب تاني …
كده موضوع نشر افتكاسة جديدة اتعلق … إلى إشعار آخر …
عشان تبطل موضوع النصب ده …
نوفمبر 27th, 2007 at 27 نوفمبر 2007 4:40 م
يارتنى مادخلت
بمجرد نشرك لهذة الكلمات فانت شريك فيها
كويس كدة لما الى خارج مصر يدخلو يقرو الكلام دا
انت تقريبا حققت هدفهم
نوفمبر 27th, 2007 at 27 نوفمبر 2007 5:11 م
ههههههههههههههههههههههههههههه
وهل يخفي القمر
الأ ستا ذ احمد فؤاد نجم
شكرا لك اخي
علي نقلك ا لجميل
تحيا تي ومو دتي
بس خد با لك هبلغ عنك
هههههههههههههه
اخر ادرجتي
حـــــــــــــــــــــياة
حييــــــــــاة
هذهي حيا ة
ودنياي المره
كهف بلا أضواء .
.ولا منفذ هواء
..نهاره كمساء .
.بلا لمسة ضياء
..ولا حتى سماء
يقتلني برد الشتا ء
حزين بلا غطاء
نوفمبر 27th, 2007 at 27 نوفمبر 2007 11:06 م
مش عارف ايه نظرة التشاؤم اللي ركبه علي اكتاف المصريين قوي دي ؟؟؟
يا جماعة لازم يكون فيه ثقة بالله اولا ثم ثقة بالنفس علشان نقدر نخرج من النفق
النفق اللي لو سيبنا نفسنا لليأس هنموت جواه قبل ما نشوف ضوء الشمس اللي اكيد اكيد لازم يظهر
لان طبيعي ان بعد الليل يطلع الفجر
نوفمبر 28th, 2007 at 28 نوفمبر 2007 7:29 ص
استنه انت نسيت حاجه
عشان انت مصري الدنيا كلها بتحبك يبني
تقبل مروري
سلام يا مفتكس
نوفمبر 28th, 2007 at 28 نوفمبر 2007 8:36 ص
عملتها ونشرت قصيدتى يا محمود لأ وفين عند المشبوه اللى اسمه المفتكس؟
إنا لله وإنا إليه راجعون
نوفمبر 28th, 2007 at 28 نوفمبر 2007 8:43 ص
أخى العزيز المفتكس
ربنا يخليك وقومتلى محامى كمان؟
أهى دى الجدعنة ولا بلاش
وعموما متخافشى عليا من التعذيب والبورش شفت انا لسانى طويل قد ايه بس والنبى أنا بس أشوف السيد أمين شرطة بيزغر بس بعدها هانتقل للرفيق الاعلى بالسكتة القلبية
والنبى بس عرفنى انت مستخبى فين وايه الاماكن اللى ممكن الواحد يستخبى فيها من شرطة الحاكم بأمره
نوفمبر 28th, 2007 at 28 نوفمبر 2007 3:04 م
إيه يا عم الروقان والقرمشة اللى انت عايش فيهم دول ..
انت قلتلى اسمك إيه ؟؟!!
بصراحة ياد يا مفتكس إنت دماغك جامدة وشبه دماغي .. وبعدين انت مفتكس وأنا فنكووش فمرحناش بعيد ..
عايزين نعمل أحلى دويتو مع بعض .. إيه رأيك يا مان ..
لو وافقت حنعمل مؤتمر صحفي نعلن فيه لجميع وكالات الأنباء الآتي :
” لقد عقد المدونان الكبيران الفنكوش والمفتكس مؤتمرا صحفيا صباح اليوم ليعلنا أنه قد بدأت التوأمة بين الناديين الكبيرين .. قصدي المدونين الكبيرين ..
وعلى فكرة انت الكسبان .. عشان حنطلع أحلى شغل وزى ما انت عندك افتكاسات أنا عندي فناكيش ..
وكما قال الفنان عادل إمام .. يا ناس يا عسل الفنكوش وصل ..
صبح صبح يا عم مفتكس .. وأنا منتظر الرد بتاعك عشان نبدأ نولع فى المنطقة ..
ويحيا الفنكوووووووووووووووووووووووووش
_______________________________________
على فكرة أنا نسيت أعرفك إنى لدعت موضوعين من عندك عجبوني .. وعلى العموم هما زى ما انت قلت مش بنات أفكارك هم ولاد خليتها .. ههههههههه
بس أنا شايلك نصيبك فى العملية يا ريس متقلقش
والمعلم بيسلم عليك وبيقولك السنجة فى الرنجة والمورتة فى قعر الحلة ..
وسلملى على أبو دهشوم والدفاس وقولهم فيشوا الهوامش ومتنسوش تفشوها
سلام يا مان ..
ويحيا الفنكووووووووووووووووووووووووش
نوفمبر 28th, 2007 at 28 نوفمبر 2007 7:03 م
ما شاء ..انا غبت بس سوم ولقيت التعليقات فاتت المية ..بفضل مجهود العزيز محمود …
اومال مشفناش افتكاسة جديدة ليه ؟؟؟
نوفمبر 28th, 2007 at 28 نوفمبر 2007 8:04 م
اخي المفتكس
الفاجومي
هو الشاعر الذي تخلخل داخل وجدان الشعب المصري
فأصبحت كلماته تصاحب الدم تزور القلب ثم تسري في
انحاء البدن
اشكرك يا اخي علي هذه القصيدة
نوفمبر 28th, 2007 at 28 نوفمبر 2007 8:33 م
( إيمان سيد ) …
مكنتش اتمنى أبداً أيتها الفنانة الرقيقة ان أول كلامك عندنا تقولى فيه ياريتك ما دخلتي هنا …
أعترف أنا المفتكس أني نشرت هذه القصيدة عامداً متعمداً ..
ارتحتي ؟!! .. (ودتينا فى داهية أكتر ما أحنا رايحين) …
عموماً مش هكرر كلام قلته قبل كده .. من ان ده واقع احنا عايشينه وبنعاني منه .. إلخ …
وصدقيني لولا السياسة التحريرية لإفتكاسة التي تمنعني من كتابة أي شئ يدعو الى الهم والغم .. او هياخدنا على سكة نكد …
لكنت رديت كويس جداً عليكي …
و بالنسبة لكلامك ده : (( كويس كدة لما الى خارج مصر يدخلو يقرو الكلام دا .. انت تقريبا حققت هدفهم .. )) …
انتي متخيلة ان اللي خارج مصر اللي انتي بتتكلمي عليهم دول مستنين كلامي ده عشان يحققوا هدفهم …
أحب أعرفك أنهم عاملين بالكلام أفلام وثائقية وتسجيلية صوت وصورة …
مش محتاجين لنا يعني …
إحنا اللي محتاجين نواجه نفسنا بواقعنا ومشاكلنا .. ونحاول ندور لها على حلول … وللا ايه ؟!!
عموماً أنا أكدت قبل كده ان (إفتكاسة) ساحة للحرية .. وكل واحد بيزورنا هنا من حر في رأيه حتى لو بيختلف معانا …
ومش هنزعل منه لو مقتنعش برأينا … لكن فى نفس الوقت مش هنقبل ان أي حد يفرض علينا اراء مش مقتنعين بيها …
……………………………………………………………
دلوقتي نستقبل تعليق جديد ونقول .. ألووو …
نوفمبر 28th, 2007 at 28 نوفمبر 2007 8:48 م
( @شاعرالأحزان*** احمد هيكل@ ) …
واضح انك مش متابع أخبار قضيتنا كويس يا عم أحمد …
أكدنا آنفاً (يعني قبل كده) ان القصيدة طلعت مش بتاعة الفاجومي (أحمد فؤاد نجم) ..
وانه هو بنفسه نفى ان كتب الكلام ده …
ربنا يستره الدكتور (سيد مختار) هو اللي وضحلنا المسألة دي …
ممكن ترجع لتعليقه عشان تتأكد بنفسك …
……………………………………………………………
أما بالنسبة لتبليغك عني .. فمفيش فيه جديد …
لأنك لو كنت بتابع الأخبار كويس فى الأيام اللي فاتت كنت عرفت أن حبايبنا الحلوين (ربنا يجعل كلامنا خفيف عليه) أخدوا خبر …
وان (المفكتس) هربان فى بلاد الله … لحد ما تثبت برائته …
عموماً هنعمل مؤتمر صحفي قريب هتنقله قناة مكتوب الإخبارية … هنقول فيه آخر تطورات الموضوع ….
……………………………………………………………
و بالنسبة لقصيدتك … فشوف انت بتقول ايه :
حـــــــــــــــــــــياة
حييــــــــــاة
هذهي حيا ة
ودنياي المره
كهف بلا أضواء .
.ولا منفذ هواء
..نهاره كمساء .
.بلا لمسة ضياء
..ولا حتى سماء
يقتلني برد الشتا ء
حزين بلا غطاء
طيب يعني انت كمان بتعاني أهه … المفروض تبقى معانا وتساندنا .. مش عايز تروح تبلغ عننا ..
……………………………………………………………
نشوف التعليق اللي عليه الدور .. ونقول ألووو …
نوفمبر 28th, 2007 at 28 نوفمبر 2007 8:54 م
( فرحـــــات المصري ) …
ياعم الثقة بالله موجودة طبعاً … انت بتتكلم في ايه بس ؟!! …
و احنا مش متشائمين … انت مشفتش شعارنا الموجود عاليه وللا ايه ؟!! …
……………………………………………………………
امتى بس نشوف ضوء الشمس اللي انت بتتكلم عنه ده ؟!!
بتقول : ( طبيعي ان بعد الليل يطلع الفجر ) …
وانا بقولك الليل طول قوي … زيادة عن اللزوم …
……………………………………………………………
ادعي معانا الفجر يطلع بقى ….
نوفمبر 28th, 2007 at 28 نوفمبر 2007 9:00 م
( سارة علي) …
بأمارة ايه بقى يا ست سارة الدنيا كلها بتحبنا ؟!!
بلاش نفتح فى كلام … أكيد انتي عارفاه كويس … انتي ما بتقريش جرايد وللا ايه ؟!!
كل سنة وانتي طيبة فى الحب اللي بتتكلمي عليه ده …
منجلكيش في حاجة وحشة …
……………………………………………………………
وبالنسبة لمرورك … فين الكارتة ؟!! ..
عموماً هنتقبلها المرة دي .. عشان دي أول زيارة ليكي … لكن بعد كده لازم تقطعي كارتة …
آه الحق ميزعلش حضرتك … وللا ايه ؟!! ..
نوفمبر 28th, 2007 at 28 نوفمبر 2007 9:10 م
( ميادة مدحت )…
بقى أنا بقيت مشبوه … ماشي يا ستي …
الدور والباقي عليكي … ده أنا حيالله نقلت قصيدة … انما انتي بالصلاة على النبي …
كتبتي قصيدة .. واعترفتي وأقريتي انها شعرك وانك انتي اللي كتباها …
لأ وايه قصيدة تدخلك النار عدل من غير حساب …
……………………………………………………………
هو صحيح انا دخلت عندك من شوية علشان أشوفها لقيتك مسحتيها (يا جبانة) …
لكن واضح انك نسيتي ان فيه منها نسخة منشورة هنا (البركة فى محمود) …
وانتي موقعة عليها بإيميلك .. يعني أكيد رايحة فى داهية .. رايحة فى داهية .. مفيش كلام ..
……………………………………………………………
ونصيحتى ليكي … سلمي نفسك يا بنت الناس … بدل ما يحصلك اللي حصلي دلوقتي …
أديني بقالي كام يوم هربان أهه .. ومتبهدل آخر بهدلة …
مصر وحشتني قوي …
نفسي أرجع بقى …
أهئ .. أهئ .. أهئ .. أهئ
……………………………………………………………
*أهئ: بكاء بشحتفة ..
نوفمبر 28th, 2007 at 28 نوفمبر 2007 9:19 م
( فارس مصر ) …
أرجع مصر الأول بس ياعم الفنكوش …
وأخلص من (قضية قصيدة عشان انت مصري) اللي ودتنا فى داهية دي ..
وبعدين نبقى نشوف موضوع التوأمة بتاعك …
أوكيه يا مان ؟!! ..
……………………………………………………………
وبالنسبة لأبو دهشوم والدفاس يؤسفني أبلغك … ان البوليس قبض عليهم …
وقول للمعلم يشوفله متوى يتدارى فيه … عشان العين عليه اليومين دول …
كلمة السر .. كتكوت…
نوفمبر 28th, 2007 at 28 نوفمبر 2007 9:23 م
( زهرة النسرين ) …
هي صحيح التعليقات عدت الميه زي ما قلتي ( اللهم لا حسد ..كان عندنا كتكوت وكبر) …
لكن محمود لوحده كتب يجي نصهم (نصب علني) …
على العموم انا برضه علشان خاطره وخاطرك وخاطر كل الناس اللي ساهمت فى حملة جمع الـ 100 تعليق … كتبت إفتكاسة تانية فعلاً وهتلاقيها منشورة دلوقتي …
بس يا رب تعجبكم ..
……………………………………………………………
دلوقتي ناخد آخر تعليق النهاردة ونقول .. ألووو ..
نوفمبر 28th, 2007 at 28 نوفمبر 2007 9:29 م
( محمد الناصري ) …
قلت (( الفاجومي .. هو الشاعر الذي تخلخل داخل وجدان الشعب المصري ..
فأصبحت كلماته تصاحب الدم تزور القلب ثم تسري في .. انحاء البدن …)) ..
وأنا معاك في كل كلمة قلتها …
ولكن باكد مرة تانية أنه مش هو صاحب القصيدة التي نحن بصدد مناقشتها في حلقة اليوم …
ده كان خطأ غير مقصود … وصححه الدكتور (سيد مختار) .. ربنا يطولنا فى عمره و يجازيه عنا كل خير ..
……………………………………………………………
وكده نكون وصلنا لآخر تعليق النهاردة …. ومستنين منكم تعليقات جديدة مفتكسة ..
نلتقي بعد الفاصل ….
نوفمبر 29th, 2007 at 29 نوفمبر 2007 6:24 ص
ايه يا عم هو انا داخله رئاسه الوزرا
عشان كارته طب والله لادخل على طول كده حتعمل ايه يعني تقطع المصروف عليه
وبعدين انا بحب مصر و المصريين والعراق كلو بيحبهم ايه هو احنا مش ملين عينك ولا ايه يا اخينا
تقبل مروري من غير كارته
الكارته دي تبلها وتشرب ميتها !!!!!!!!!!!!!!!!!!
باي
نوفمبر 29th, 2007 at 29 نوفمبر 2007 3:29 م
( سارة علي ) مرة تانية …
آه … دا انتي طلعتي غلباوية بقى .. وناوية تضربي على الكارتة بجد …
لااااااااااااااااا … مش المفتكس اللي يتعمل معاه كده …
وبعدين أنا ايه كان عرفني انك من العراق حضرتك …
وانتي كاتبة فى معلوماتك انك من ماليزيا …
ايه مش كاتبة انك من العراق ليه ؟!1 خايفة من الأمريكان ؟!!
……………………………………………………………
عموماً يا ألف مرحب بيكي يا أخت (سارة) انتي وكل أشقائنا العراقيين …
بجد انتي بتنوري (إفتكاسة) بزيارتك ليها … ربنا ما يحرمنا من زيارتك أبداً …
وعشان خاطرك … أعلن انا (المفتكس) بالأصالة عن نفسي وبالنيابة عن حكومة (إفتكاسة) اننا مش هنقطعلك كارتة أبداً …
والميزة دي مش ليكي انتي وبس … لأ .. لكل أشقائنا العراقيين .. (آه العراقيين بس .. الحكاية مش هيصة) ..
هو هنبقى احنا والأمريكان عليكم ؟!! ..
ربنا ياخد بوش … ويحرق أمريكا بجاز ..
نوفمبر 30th, 2007 at 30 نوفمبر 2007 3:34 ص
يا مفتكس سلام كبير ليك..كسفتني بلطفك
انا كاتبه بمعلوماتي اني في ماليزيا عشان ده مكان اقامتي الحاليه
ومرسي على حكايت الكارته وربنا يخليك يارب
وكمان مرسي عشان زرت المدونه ده انت نورت يا قمر
وربنا ياخد كل واحد يزعل مصري……
نوفمبر 30th, 2007 at 30 نوفمبر 2007 4:27 ص
الله الله يا مفتاكس يا أخويا
دى العملية قلبت بجد
و المفتكس عمل حكومة فى المنفى
طيب يا مفتكس يا خويا
على رأي المرحوم أنور السادات شوف حتة أرض متر فى متر و ترفع عليها علم إفتكاسة
علشان الأمم المفتكسة تعترف بيك
و مبروك على الحكومة الجديدة و نتمنى أنها تكون رشيدة
تحياتى و إحترامى يا رئيس الحكومة
نوفمبر 30th, 2007 at 30 نوفمبر 2007 1:03 م
( سارة علي ) … مرة تالتة …
كويس انك وضحتي موضوع ماليزيا ده …
وبالنسبة لموضوع الكارتة .. لا شكر على واجب …
وبالنسبة لزيارتي لمدونتك … ربنا يخليكي يا رب … ده انا كنت مبسوط جداً بوجودي عندك …
خصوصاً وان الدخول عندك مجاني وبدون كارتة ولا يحزنون … وأنا زي ما أعلنت قبل كده .. أعز كا ما هو مجاني وببلاش …
بجد مدونتك جميلة … وانتي مدونة هايلة … وانصح كل زوار (إفتكاسة) اللي بيقروا كلامي دلوقتي ..
انهم يخرجوا من هنا فُريرة عليكي … بجد هينبسطوا جداً … وأكيد هيدعولي ..
……………………………………………………………
آه … دلوقتي شايف المشاغب الكبير (محمود) سايبلنا تعليق … ربنا يستر … لما نشوف بيقول ايه المرة دي …
نوفمبر 30th, 2007 at 30 نوفمبر 2007 1:12 م
( محمود ) …
ايوه تعال اصطاد انت في الميه العِكرة …
ماتصدق تشوفنا بنفك نفسنا بكلمتين … تقوم تعمل منهم حدوتة …
بس والله مش بعيدة … أعمل زي ما انت قلت …
وأعلن (إفتاكسة) جمهورية .. وأنصب نفسي رئيس عليها …
ولو ان (فرحات) سبقني .. وأعلن مدونته جمهورية .. وسماها (جمهورية فرحات)…
عقبالنا كده ان شاء الله …
……………………………………………………………
بس ايه رأيك بقى لما يحصل .. تمسك رئيس الوزرا فى جمهورية (إفتكاسة) … أصل أنا بصراحة مش هعرف أحكم من غيرك …
عارفك حاطط عينك على وزارة المالية …
مش مشكلة هحققلك رغبتك وهمسكك وزارة المالية إلى جانب منصبك كرئيس للوزارء ..
ديسمبر 2nd, 2007 at 2 ديسمبر 2007 8:11 ص
إيه الكلام اللى انت بتقوله دا يا ابنى .. انت بتتكلم جد وللا إيه ..
والله زعلتني دا أبو دهشوم والدفاس دول كانوا من أجدع الرجالة بتوعنا .. يللا حصل خير ..
عقبالك يا ريس .. القصيدة اللى انت نشرتها دي هتخليك تشرف ..
بس أمانة عليك تسلملي على الرجالة بتوعنا جوا ..
ومتقلقش على المعلم .. إحنا واخدين بالنا منه .. والواد شلاطة وشغتة وراه زي ضله ..
وكل يوم الصبح بنفطره خشوقة ناشفة عشان ميتعبش .. لحد ما بقا عامل زي الخرتقة الفاضية ..
وأي حد هيحاول يقرب منه هندقمشه علطول ..
المهم ترجعلنا انت بالسلامة يا ريس .. ولو حد بصلك بس ابقى بلغنى .. عشان أجري هههههههههه
ترجع بالسلامة يا عم المفتكس .. بس متنساش أول متوصل مطار العاصمة تعرفني وأنا حبعتلك الرجالة ..
……………………………….
يحياااا الفنكوووووووووووووووووووووووووووش
ديسمبر 26th, 2007 at 26 ديسمبر 2007 4:06 م
السلام عليكم
فكرت اترك تعليقا بعد المرور السريع على مدونتك الرائعه
بصراحه ملقيتش انسب من هنا مكان اترك فيه التعليق
لى عوده باذن الله
وياعينى عالغلبان لما ينام جعان
ليلاقى افتكاسه وات جبنه بريمجان
ياعينى على الفقير اللى بيحلم بفطير
ومعاه افتكاسه وشب شاى بحليب
يصعب عليا مفتكس جيه يفتكس ملقاش حد يفسكسه
والافتكاسه البيضه تنفع مع المفتكس الاسود لا ااقصد شديد البياض
دمت مفتكسا رائعا
شهد الحياة
وللافتكاس عوده
shahedelhayah.ektob.com