( همس ) …

الله يسلمك ..

الحمد لله انكم اشتقتولي .. واني وحشتكم حتى لو كان مش موووت .. يعني لو حتى وحشة على الطاير كده ..

المهم عندي اني وحشتكم وخلاص ..

…………………………………………………..

أما بقى بالنسبة لعفاريتك .. فأشتاتاً أشتوت .. هقرا آية الكرسي .. وهبخر إفتكاسة .. أحسن تعجبهم القعدة هنا .. يلزقولنا .. احنا مش ناقصين عفرتة ..

( محمود ) ..

الله يسلمك يا أبو طه ..

أول مرة أدخل هنا

وياريت تقفل الباب على المفتكس الصغير وهو في الحمام( الصورة

انت عارف الدنيا برد وخصوصا انه مثقف بس ياريت تكون الصحيفة قومية حتى لا يرث الإفتكاس وتكون عدوى في جيل المستقبل اللي مصر بتتقدم بيهم

( انـتـصـار عـبـد المـنعـم ) …

إفتكاسة اتشرفت بزيارتك .. وان شاء الله تكرر دايماً …

أما بالنسبة للمفتكس الصغير احنا أضطرينا نفتح عليه الباب علشان نصوره (لزم التنويه) ..

بس زي ما انتي شايفاه كده فى الصورة كان منهمك قوي فى القراية .. فمأخدتش باله ..

أما بالنسبة للجرنال اللى بيقرا فيه .. فهو ليس جرنال قومي ولا حزبي ولا حتى مستقل ..

ده جرنال مفتكس .. علشان المفتكس الصغير راضع الافتكاس من يوم ما اتولد ..

على فكرة يا أخت انتصار واضح من تعليقك انك مفتكسة كبيرة ..

كمان عرفنا ان حضرتك بتشتغلي مدرسة ..

فاحنا بنستسمحك .. بعد إذنك يعني .. هنبعتلك المفتكس الصغير عشان تعطيله درس خصوصي ..

اصل كل المدرسين بيشتكوا منه .. بيقولوا انه مش بيفهم حاجة ..

ولما سألته قال ان العيب مش فيه .. العيب فيهم هم … هم اللى مش عارفين يفهموه ..

ويجعله عامر …

( اتحاد المدونين المصريين ) …

الله يسلمكم ..

أنا حاطط شعار ولينك الاتحاد على باب إفتكاسة عشان خاطر عيونكم .. ( شوفوا بقى لو باخد حساب المساحة دي على أساس انها إعلانات كنت أخدت منكم قد إيه؟!! ) ..

وان شاء الله نبدأ مرحلة العمل قريباً جداً ( ولو اني بصراحة مش عارف العمل ده هيكون عبارة عن ايه ؟!! …

( Alsolimany ) …

شكراً على التوضيح ..

ومرحباً بك فى إفتكاسة ..

( هشام بر مصر ) ..

نورت إفتكاسة يا راجل ..

بجد لقد عنيت كل كلمة كتبتها فى مدونتك ..

اتمنى من كل المفتكسين اللي بينورونا هنا يزوروا مدونة هشام .. صدقوني ستجدوا ما يسركم ..

أنا عن نفسي ان شاء الله لن أنقطع عن الزيارة ..

وحشتنا يا المفتكـس…

حمد لله على السلامه ..

وين كنت كنا حزنانين ومحتاجين ضحكاتك …

هلا بيك مجددا ولا تنقطع …على فكره انا حديلك بيتزا .. وكمان بيبسي ..

دمت بخير وسعاده ..

ودي واحترامي..

الحمد لله على سلامتك يا مفتكس.. لقد ألفنا إطلالاتك المتميزة علينا بين الحين والآخر.. فلا تحرمنا هذه الإطلالة. مودتي.

( حسن جميل الحريس ) …

أشكرك على الثناء ..

أنا أحاول ألا أدع الأحزان التى تعصف بنا تتغلب علينا .. وتعليقاتكم المشجعة .. تحفزنى على مزيد من المقاومة ..

وان شاء الله مش هتتكرر الغيبة .. أصلي بصراحة خايف أخسر البيتزا بتاعتك …

( رشا خطاب ) …

الله يسلمك يا رشا ..

وبالنسبة للافتكاسات الجديدة .. قولي يا مسهل ..

( ميادة مدحت ) …

أشكرك ..

واتمنى أن اكون عند حسن ظنكم بي ..

( زهرة النسرين ) …

أشكرك يا أحلى زهرة ..

ان شاء الله إفتكاسة جديدة فى الطريق .. بس إحتمال تتأخر شوية .. عشان أزمة المواصلات ..

( @شاعرالأحزان*** احمد هيكل@ )

الله يا سلمك يا أبو حميد ..

والجديد قريب إن شاء الله ..

( الوردة البيضاء ) …

شكراً يا أجمل وردة فى بستان المدونات ..

ان شاء الله كلنا هنضحك .. بس قولي يا مسهل ..

( مفتاح الكاديكي ) …

ألف شكر على الثناء أستاذي ..

إفتكاسة محظوظة بزيارتك لينا …

ههههههههههههههههه

نورت بيتك يابشا

يعني ايه افتكاسة ومفتكس

؟؟؟؟؟؟

دمت بخير

المفتكس

مرحبا بك

بقى ده تسميه شوق ووحشاك

انا شايفه هنا وحشتك البيتز

البيبسي

وعمال تقول وحشتيني وحشتيني

بقى يا مفتك….س

اول ما تدخل مدونتي يكون ردك شماته

ماشي انت اللي جبته لروحك

معلومه بس للافاده لو انتبهت انا من فتره صغننه غيرت اسمي لروحالشرق

عارف كان اسمي ايه

لا متخفش مش عشماوي

المســــــــــــــــــــــــــــــــــــــــــــــــــــــــتبدة

حطها بدماغك كويس

قلتلك انت اللي جبته لروحك

بس بيني وبين

والله عجبني ردك جداااااااا

ومشكور

وكلماتك هنا توقعتها من ردك هناك

ابدااااااااااااااع بتوصيل المعلومه

واستراحه هنا بجد مميزة

سلمت يمناك

السلام عليكم ورحمة الله وبركاته ..

للمحافظة على فسحة الجمال والفكر والاخلاق في مدونات مكتوب …ضم صوتك لصوتي للدفاع على هذه الفسحة نقية شفافة وذلك من خلال التضامن مع موضوع مكتوب منبر حرية الفكر والكتابة ..والخطوط الحمراء ..

عودة حميدة

يا مفتكس

ولي كان السبب

نقول معك ربنا يسامحوا

لكن مرة اخرى لا تغيب بسب من كان السبب

(منى ) …

ربنا يخليكي يا رب ..

بالنسبة لسؤالك ( يعني ايه افتكاسة ومفتكس ؟!! ) ..

لقد أجبت على هذا السؤال من قبل ..

ولكنى أفكر فى أن تكون الإجابة على سؤالك .. موضع افتكاسة قادمة ..

سأبدأ فى افتكاستها .. بعد أن أنتهي من الردود على تعليقات زوار وحبايب افتكاسة ..

( روح الشـــــــرق ) …

مش عجباكي الطريقة اللى وحشتني بيها افتكاسة ؟!! ..

والله كل واحد يحب ويكره وكمان يفتقد الآخرين بالطريقة اللى تريحه..

وافتكاسة وحشتني بالشكل اللي أنا وصفته .. وبيتهيألي ده تفكير واقعي .. وهو ده اللي أنا حسيته .. فقلته لها .. وللا انتي عايزاني أكدب يعني ؟!!

حكايتك هي اللي اضطرتني للرد الذي وصفتيه بالشماتة ..

يا شيخة حرام عليكي تعملي المقلب وتوقعي فيه زميلتك اللى قعدة وراكي ؟!!

ناديتني بـ (المفتك…..س) .. وأنا عارف كويس انتي تقصدي ايه أيتها (المستبدة) السابقة …

جبتي الجرأة دي كلها منين ؟!! جايه تهدديني هنا فى بيتي .. وتقوليلي أنا اللي جبته لروحي !!!! صحيح ( مستبدة ) ولكن سااااااابقة ..

عموماً نحب نعرفك ان (المفتكس) ما بيتهددتش .. وعايزاه تحدي بيننا .. وماله ..

إذن … فهي الحرب ..

أحب أفكرك بقى اني كنت أحسن واحد يعض فى الحضانة .. حتى ميس (ريهام) كانت مسمياني (المفتكس العضاض) …

وأجساد زمايلي وزميلاتي مازالت تشهد بذلك ..

……………………………..

* أعترف بأن تعليقك من أجمل التعليقات المفتكسة اللى وصلت افتكاسة …… ودلوقتي نشوف تعليق تاني .. ونقول ألو …

وعليكم السلام ورحمة الله وبركاته ..

طبعاً أضم صوتي لصوتك عشان خاطر الفسحة ..

دي أكتر حاجة بحبها من وأنا لسه مفتكس صغنن هي الفحسة دي ..

ياللا كله يرفع ايديه لفوق و يقول ورايا بصوت عالي:

تحيا الفسحة .. تحيا الفسحة ..

( YASSER_25 يـــــاســر ) …

يسمع من بقك ربنا يا عم ياسر ..

أختي ( ريما ) ..

نظراً لتكرار هذا السؤال من زوار وحبايب إفتكاسة ..

إن شاء الله ستخصص إفتكاستنا الجاية .. للتعريف بمعنى (المفتكس) وكذلك معنى (إفتكاسة) ..

أشكرك على وصفك (إفتكاسة) بالمميزة ..

نتمنى نكون عند حسن ظنك دايماً يا أغلى (ريما) ..