المدونة التالية
كافة المدونات

مميزات العزوبية !!

كتبهاالمفتكـس ، في 5 نوفمبر 2007 الساعة: 21:32 م

ممـــيزات العزوبيــــة!!

أنا عارف إن الإفتكاسة دي احتمال كبير تزعل منى بعض الناس خصوصاً المتجوزين منهم .. وأنا علشان الاحتمال ده اترددت شوية فى نشرها .. لكن ما دمت انت بتقرا الكلام ده دلوقتي يبقى أنا خلاص حسمت المسألة وقررت أنشرها وأمرى لله ..

الإفتكاسة دي للى لسه متجوزوش زيي كده .. المتجوزين يمتنعون (لــزم التنويــه)

 

مميــزات العزوبيــة للبنــات!!

custom

 

 1.     تنامي براحتك وتتحركي على الفراش كما تشائين دون أن تخافي أن توقظي زوجك النائم.

2.     غطاء الفراش لك وحدك لن تستيقظي في منتصف الليل لتجديه اختفى.

 

3.     تستمتعين بنوم هادئ بدون صوت شخير مزعج.

 

4.     لن تضطري للشجار حول أشياء لا تستطيعين تفسيرها(!!!!!!)

 

5.     ريموت التلفزيون سيظل في يدك ……لك وحدك.

 

6.     إذا قمتي بتنظيف البيت فسيبقى على هذا الحال طويلاً.

 

7.     إذا أصابك الغضب أو الاكتئاب لدقائق وتفوهتي بأى شئ لن تجدي من يحلل كلامك تحليلاً نفسياً ينتهي بضرورة عرضك على أخصائي.

 

8.     تستطيعين شراء أى شئ تريدينه مهما كان غالياً دون أن تسمعى العبارة المشهورة ( هل كنتى بحاجه لشراء الأشياء التافهة التي كلفت ثروة)

 

9.     لن تضطرى لاستضافة أصدقائه الذين يقضون السهرة في الحديث عن ملكات الجمال والمذيعات.

 

10.       لن تضطري لمشاهدة جميع نشرات الأخبار وجميع البرامج السياسية والبرامج الرياضية وماتشات الكورة.

 

 مميــزات العزوبيــة للرجـــال!!

Bling

1.     تنام براحتك عالسرير عامل زي الطياره  ولا حد يزقك ويوقعك من فوق السرير.

 

2.     ماحدش يقولك انا خايف من الضلمه   أو فيه صوت غريب جاي من الحمام وكل ما عينك تغفل تلاقي حد يصحيك

 

3.     تنزل الصبح وقت ماتحب وترجع وقت ماتحب وتقعد مع من تحب  وتتفرج عالتليفزيون وعلى البرامج اللي انت عايزها  من غير ماحد ينآئر فيك

 

4.     جعان ؟؟؟ أنزل أي مطعم خدلك وجبه سريعه او ساندوتش أو حتى تنام خفيف وبكره تاكل مش مهم ( آه  طب ليه… تليفون صغير   تلاقي بتوع الدليفري عالباب   بعد ماتكون أخدت شاور  ).

 

5.     بتقول أيه .. مين هايغسل هدومك ؟ .. بسيطه .. غساله فول أتوماتيك او حتى هاف أتوماتيييك  تخلى الغسيل زي الفل (  وبالدراير كمان ).

6.     فيه حاجه مهمه كمان …   براحتك ولا حد يزعجك.

7.     هتلاقى وقت كافي تمارس هواياتك المفضله  .    

 لو حد عايز يضيف أي مميزات تانية يتفضل يدلؤ من جردله (اقصد يدلو بدلوه)

Studio 

 

أضف الى مفضلتك
  • del.icio.us
  • Digg
  • Facebook
  • Google
  • LinkedIn
  • Live
  • MySpace
  • StumbleUpon
  • Technorati
  • TwitThis
  • YahooMyWeb

ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج  |   دوّن الإدراج  

75 تعليق على “مميزات العزوبية !!”

  1. مجهول قال:
    نوفمبر 6th, 2007 at 6 نوفمبر 2007 4:45 م

    لو جينا للمميزات عند البنات فا هي كتير منها مثلا انها حتصحى من النوم براحتها مش لازم تصحى معاه من الفجر وتحضرله الفطار وهدومه

    تاني حاجة انها مش حتقعد طول اليوم تعمل الاكل اشكال والوان وفي الاخر يقولها ايه اللي انتي عاملاه ده

    MEMO

  2. مجهول قال:
    نوفمبر 6th, 2007 at 6 نوفمبر 2007 4:50 م

    بس على فكرة يا مفتكس بذمتك مش نفسك في حد يفطرك الصبح ويظبطك وانت نازل وترجع تلاقي الاكل الي تحبه مستنيك ؟؟؟؟؟؟

    السكر

  3. مجهول قال:
    نوفمبر 6th, 2007 at 6 نوفمبر 2007 4:52 م

    نسيت تقول من المميزات عند الراجل

    مش هتدفع فواتير تليفون كتير

    bob

  4. المفتكـس قال:
    نوفمبر 6th, 2007 at 6 نوفمبر 2007 9:32 م

    ( MEMO ) …

    إقتراحاتك وجيهه ومفتكسة ..

  5. المفتكـس قال:
    نوفمبر 6th, 2007 at 6 نوفمبر 2007 9:35 م

    ( السكر ) …

    أنا أصلاً مش متعود أفطر ..

    كمان مش محتاج حد يظبطنى قبل ما أنزل الشغل .. لأنى دايماً بصحى متأخر ولو استنيت حد يظبطنى .. هيأخرنى أكتر ما أنا متأخر … يبقى أنزل من غير تظبيط احسن ..

    أما بقى بالنسبة للأكل .. فربنا يخليلي والدتي.. هي قايمة بالواجب …

    ها .. حاجة تانية ؟؟

  6. المفتكـس قال:
    نوفمبر 6th, 2007 at 6 نوفمبر 2007 9:36 م

    ( bob ) …

    ما أظنش حد يختلف معاك …

    مش عارف عدت عليه إزاي دي .. بس كويس إنك فكرتني ..

  7. شريف اسماعيل - cherif ismail قال:
    نوفمبر 6th, 2007 at 6 نوفمبر 2007 9:51 م

    تنزل الصبح وقت ماتحب وترجع وقت ماتحب وتقعد مع من تحب وتتفرج عالتليفزيون وعلى البرامج اللي انت عايزها من غير ماحد ينآئر فيك

    وهذه هي اهم نقطه في حياه العزوبيه بالنسبه للرجل

  8. المفتكـس قال:
    نوفمبر 7th, 2007 at 7 نوفمبر 2007 2:45 م

    (هايد بارك العرب) …

    مش عارف ليه أنا حاسس إنك متجوز .. أنا بهزر هههههههه ..

    عموماً مين فينا يحب كل ما يدخل البيت يلاقى وكيل نيابة قاعد مستنيه وفاتحله محضر مينتهيش أبداً .. رايح فين وجاي منين وانت لابس ومتشيك ليه كده وحاطط البرفان ده عشان مين … إلخ

  9. شيرين قال:
    نوفمبر 7th, 2007 at 7 نوفمبر 2007 4:16 م

    بس تتزوج رح تعرف ميزات تانية كتيرة بس ميزات حلوة

    و على فكرة انا لسا بنتظرك بعد الفاصل

  10. المفتكـس قال:
    نوفمبر 7th, 2007 at 7 نوفمبر 2007 5:11 م

    (شيرين) …

    إحنا فيها .. قوليلي أيه هي مميزات الجواز …

    ولو طلعت مميزات حلوة كتيرة زي ما أنتي بتقولي .. يمكن ساعتها أبدأ أفكر فى موضوع الجواز ده ..

    أبدأ أفكر بس .. ها .. آه أحسن تحسبي حاجة تانية ..

    وبالنسبة لموضوع الفاصل أكيد هنلتقي بعده إن شاء الله .. بس أدعيلنا بطولة العمر…

  11. abdelkarim ksakes قال:
    نوفمبر 7th, 2007 at 7 نوفمبر 2007 7:45 م

    إدراج جميل وساخر ولاكن ياصديقي العزيز دكرت فقط المميزاة (الإجابياة) ولم تدكر السلبيات لست متفق معك قال رسول الله صلى الله عليه وسلم ” من إستاطعة البأة فليتزوج” صدق حبيبنا المصطفى………….

    عبدالكريم اكساكس تحياتي

  12. المفتكـس قال:
    نوفمبر 7th, 2007 at 7 نوفمبر 2007 9:02 م

    ( abdelkarim ksakes ) …

    أدعوك اخي لتقرأ شعار مدونتنا مرة تانية لتفهم الكيفية التى نتناول بها موضوعاتنا هنا (ولو ان كلمة موضوعات دي كبيرة حبتين لأن المدونة تحتوى على افتكاستين يتامى - تدوينتين - ) ..

    سأكتب لك شعارنا هنا حتى تقرأه بتمعن وتركيز ..

    (إفتكاستنا لا فى الحـب ولا الاقتصـاد ولا فى السياسـة .. إحـنا قلنـا الدنيــا مش ناقصة غلاسة .. هنحاول نرسم على وشك ابتسامة .. إنشالله حتى تبتسمها فى الخباثة!!!)

    عسى أن تكون الرسالة وصلت اخى وفهمت كيف نتناول افتكاساتنا اقصد موضوعاتنا هنا ..

    ** ملحوظة :

    عن ابن مسعود في الصحيحين قال رسول الله “صلى الله عليه وسلم”: [يا معشر الشباب، من استطاع الباءة فليتزوج، فإنه أغض للبصر وأحصن للفرج، ومن لم يستطع فعليه بالصوم، فإنه له وجاء].

    معذرة اخي لقد اخطأت فى لفظة الحديث فى تعليقك لذا وجب التصحيح ..

  13. rash-al قال:
    نوفمبر 7th, 2007 at 7 نوفمبر 2007 11:54 م

    هههههههههههههههههههههه

    هههههههههههههههههههههههههههههههه

    هههههههههههههههههههههههههههههههههههه

    والله معك حق في كل كلمة يا……… ايام العزوبية احلى ايام موضوعك عجبني جدا جدا جدا قال بيقولو ستدخل قفص الزوجية الذهبي لاااااااااا ده قفص فراخ عندهم انفلونزا طيور

    هههههههههه ؟؟؟؟؟؟؟؟؟؟؟ لكن في نفس الوقت كل مرحلة وليها ميزاتها الخاصة بيها

    مشكور على موضوعك واتمنالك التوفيق يارب والله اول مرة اضحك من قلبي

    تحيتي لك ودمت بألف خير ……

  14. osama قال:
    نوفمبر 8th, 2007 at 8 نوفمبر 2007 12:05 ص

    أنا زعلان منك ومن المدونات جدا….جاي تقوللي الكلام ده دلوقتي……عموما لا إللي قبلي نصحني ولا إللي بعدي حيسمع كلامي..

    نهارك عسل يا أخي المفتكس

  15. cinderella قال:
    نوفمبر 8th, 2007 at 8 نوفمبر 2007 1:19 ص

    المقاله دي جاتلي علي الايميل من فتره وفعلا كن دمها خفيف موت

    والاهم كان معاها صور غايه في الروعه ودمها خفيف قوي

    نقل جميل اخ مفتكس

    تحياتي

  16. خيال امرأة قال:
    نوفمبر 8th, 2007 at 8 نوفمبر 2007 9:43 ص

    ههههههههه

    حلوه مره ..

    بس والله أحيانا نحتاج لبعض المشاكسة و الإزعاج ..

  17. ضفاف قال:
    نوفمبر 8th, 2007 at 8 نوفمبر 2007 11:40 ص

    ما قصدك بممكن ترجمة.. ومن ثم أرى ان كان بالإمكان.. مودتي. محمود عيشونة

  18. ريما الشيخ قال:
    نوفمبر 8th, 2007 at 8 نوفمبر 2007 11:56 ص

    اخي القدير

    كلمات مضحكة فعلا

    مع انها غير واقعية

    فلو أردنا عيش العزوبية لهذه الأسباب فقط

    لا أظنها تستحق

    لك ودي وتقديري

    على هذه اللفتة الرقيقة التي رفهت عنا

    تحياتي

  19. المفتكـس قال:
    نوفمبر 8th, 2007 at 8 نوفمبر 2007 1:57 م

    ( الوردة البيضاء) …

    ( قال بيقولو ستدخل قفص الزوجية الذهبي لاااااااااا ده قفص فراخ عندهم انفلونزا طيور

    هههههههههه ؟؟؟؟؟؟؟؟؟؟؟ )

    دمك زي العسل أختى .. بصراحة ده أجمل تعليق سمعته عن الجواز ؟!!

    عموماً دي شهادة من واحد متجوزة … على الله الباقيين يعترفوا هم كمان ..

    ههههههههههههههههههههه …

  20. المفتكـس قال:
    نوفمبر 8th, 2007 at 8 نوفمبر 2007 2:01 م

    ( osama ) …

    لا حول ولا قوة إلا بالله انت رجلك جت فى الخية ووقعت ..

    عموماً انتم السابقون ونحن اللاحقون ..

    ولا دايم غير وجه الله …

    هتعمل ايه يا أسامة ؟!! .. أرضى بقضاء ربنا يا بني ..

  21. المفتكـس قال:
    نوفمبر 8th, 2007 at 8 نوفمبر 2007 2:11 م

    ( cinderella ) …

    ايه يا سندريلا ؟!! ..

    انتى جايه تسيحي وتقولي ان الافتكاسة دي منقولة ..

    بقى كده .. ماشي .. ماشي ..

    عموماً أنا مبنكرش ان الافتكاسة دي مش بنات أفكاري ولا حتى أولادها ..

    بس هي كانت وصلاني على الايميل من سنين ولما قريتها عجبتني قلت تشاركوني فيها ..

    وموعدكيش اني منقلش افتكاسات تانية … لأن كل ما هتعجبني افتكاسة هجيبها تشاركوني فيها ..

    وشكراً يا ستي على التجريس والفضيحة ..

  22. المفتكـس قال:
    نوفمبر 8th, 2007 at 8 نوفمبر 2007 2:17 م

    ( خيال إمرأة ) …

    الافتكاسة دي أصلاً .. انتي السبب فيها ..

    لو عايزة تفهمي .. إرجعي للافتكاسة السابقة (تعبت من كتر الشغل) .. وإقرأي آخر ردودي على تعليقك ..

  23. المفتكـس قال:
    نوفمبر 8th, 2007 at 8 نوفمبر 2007 2:21 م

    ( ضفاف ) …

    أنا كنت بهزر معاك يا ابو طه .. انت صدقت وللا ايه يا حودة ..

    كلماتك مش محتاجة ترجمة ولا حاجة ..

    كنت اتمنى أن يحتوى تعليقك رد على افتكاستنا الموجود عاليه ..

    ربما تفعل فى زيارتك القادمة ..

  24. المفتكـس قال:
    نوفمبر 8th, 2007 at 8 نوفمبر 2007 2:26 م

    ( ريما الشيخ ) …

    هذا هو كل ما اتمناه ..

    أن أضحككم .. وارسم الابتسامة على وجوهكم ..

    وفى نفس الوقت بضحك وببتسم معاكم انا كمان ..

    وزي ما أنا برفه عنكم .. برفه عن نفسي فى نفس ذات الوقت ..

    يعني المنفعة مشتركة …

  25. ...... قال:
    نوفمبر 8th, 2007 at 8 نوفمبر 2007 3:56 م

    ايه الافتكاسات دي يا مفتكس..ههههههه..حلوة اوي…وليد

  26. المفتكـس قال:
    نوفمبر 8th, 2007 at 8 نوفمبر 2007 4:40 م

    ( مجموعة انسان ) …

    كلامك ده بيأكد إن ( العملية نجحت ) ..

    الحمد لله …

  27. وائل المصري قال:
    نوفمبر 8th, 2007 at 8 نوفمبر 2007 7:16 م

    يا مفتكس اني لا اري في العزوبية اي مميزات سواء للرجل ام للمرأة
    تلك وجهة نظري لاسباب عدة ..سبب واحد
    اذا تزوج الشخص فقد اكمل نصف دينة فليتقي الله في النصف الاخر ..
    …………..
    وبالنسبة لردك علي موضوع في مدونتي هذا ردي عليك

    …………………..
    بص يا حبيبي احنا مش بيهمنا حد طالما ربنا معنا وبناخد بالاسباب
    …..والمثل بيقول اية اللي عندة ظهر لا ينضرب علي بطنة.. ولا انت مش معايا ..
    وزي ما قلت انا محامي يعني الان بالقانون الجديد نملك حصانة ..
    والاهم ربنا معي وانا عارف حقوقي ولا عارف حقوقة ويطالب بيها حقة لا يضيع باذن الله
    ومش بنخاف ….زي ماقلت …انت خالي بالك عشان اتصالك بامن الدولة اتسجل وانت نتراقب الان عشان دي اتصال ازعاج للسلطات .. ومحاولة التبليغ عن مواطن شريف يريد الخير لبلدة ..
    …وعندة ظهر ………
    وتحياتي لك واتمني دوام التواصل دائما
    وسلاماتي

  28. قـيثارة Qeethara قال:
    نوفمبر 8th, 2007 at 8 نوفمبر 2007 7:55 م

    مرااااحب

    واالله .. نفسي أعرف بتجيبوا الكلام الصح ده منين ؟؟؟!!!

    عزائي للمتجوزين

    ويافرحة العزوبية بالمميزات

    تقبل تحياتي : قيثارة

  29. مولاي عمر قال:
    نوفمبر 8th, 2007 at 8 نوفمبر 2007 11:16 م

    المفتكـس فنكس افنكاسة مكنفسة

    و فنكسنا عليها آخر فنكسة

    كل فنكسة و أنت مفنكس يا المفتكـس

    مشكور أخي للابتسامة الحلو

    الحقيقة أنا عازب و أفضل الحياة الزوجية على العزوبية

    لمميزات كثيرة

    أهمها انك بتحس انك عايش بالدنيا

    تحياتي الخالصة

  30. محمد البويسفي قال:
    نوفمبر 9th, 2007 at 9 نوفمبر 2007 11:26 ص

    السلام عليكم آسف كثيرا لتفريطي في حقكم-إخواني أخواتي- والسبب هو نضالي في الرباط مع حاملي الشهادات العليا من اجل الحصول على حقنا في الشغل وحقنا في الحياة الركيمة.ولكم مني ألف تحية

  31. غريب الدار قال:
    نوفمبر 9th, 2007 at 9 نوفمبر 2007 12:24 م

    الاخ العزيز المفتكس

    تحيه وتقدير لك مني

    اولا رائع في اختيارك للمميزات الفريده

    ولكن هذا تشجيع منك علي استمرار العزوبيه

    وبعدين مو حرام عليك عاوز تجيب لي بوليس الاداب

    عندما لمست انا الخصر النحيل

    اشكرك جدا علي حضورك وزيارتك الجميله مدونتي

    اتمني اراك ثانيه تعليقاتك جميله جدا

    انا غريب الدار

  32. المفتكـس قال:
    نوفمبر 9th, 2007 at 9 نوفمبر 2007 3:49 م

    ( وائل المصرى ) …

    بالنسبة للجزء الأول من تعليقك ..

    قلت: ( يا مفتكس اني لا اري في العزوبية اي مميزات سواء للرجل ام للمرأة

    تلك وجهة نظري لاسباب عدة ..سبب واحد

    اذا تزوج الشخص فقد اكمل نصف دينة فليتقي الله في النصف الاخر .. ) ..

    أنا مش فاهم يعني ايه أسباب عدة .. سبب واحد !!!!

    عموماً بكره تقول ياريت اللي جرى ما كان … ويا ريتنى سمعت كلام المفتكس..

    …………………………………………….

    أما بالنسبة للجزء الثاني من تعليقك فردى عليه مكانه ليس هنا .. مكانه فى مدونتك .. انتظرني هناك ولا تتخلف عن الموعد ..

  33. المفتكـس قال:
    نوفمبر 9th, 2007 at 9 نوفمبر 2007 4:00 م

    ( قـيثارة Qeethara ) …

    عايزة تعرفي بنجيب الكلام الصح ده منين ؟!!

    تدفعي كام وانا أقولك ؟؟…

    عموماً كويس انك أكدتي أن كلامنا عن العزوبية صح .. ودي شهادة تانية من واحدة متجوزة ..

    أيوه كده خللي المتجوزين يعترفوا … هههههههه

  34. المفتكـس قال:
    نوفمبر 9th, 2007 at 9 نوفمبر 2007 4:05 م

    ( مولاى عمر ) …

    ( المفتكـس فنكس افنكاسة مكنفسة

    و فنكسنا عليها آخر فنكسة ) ..

    مممممممم هي لو دي فزورة يبقى الحل .. ( العجل فى بطن أمه ) .. هههههههه ..

    ده انت طلعت مفتكس أكتر مني .. لخبطتني يا شيخ .. الله يجازيك ..

    بتقول: ( الحقيقة أنا عازب و أفضل الحياة الزوجية على العزوبية

    لمميزات كثيرة

    أهمها انك بتحس انك عايش بالدنيا ) …

    ماهو يا بني اللي ايده فى الميه مش زي اللي أيده فى النار ..

    عموماً يا ريت لما يقع المحظور .. تبقى تدعينا عشان نفرح فيك .. ونحب برضه نمشي فى جوازتك …

  35. المفتكـس قال:
    نوفمبر 9th, 2007 at 9 نوفمبر 2007 4:19 م

    ( محمد اليوسفى) …

    أنا مش فاهم ايه علاقة تعليقك بمميزات العزوبية …

    واضح انك غلطت فى العنوان .. ودخلت هنا غلط يا محمد .. على العموم احنا بنرحب بيك ..

    وعموماً أتمنى لحاملي الشاهدات العليا و الغير حامليها أيضاً ( اشمعنى انتوا لوحدكم يعني ) فى الرباط ان تحصلوا على حقكم فى الشغل وحقكم أيضاً فى حياة كريمة ..

    بس لو حصل ان شاء الله .. يايرت تبقى تفتكر ان المفتكس دعهالك …

  36. المفتكـس قال:
    نوفمبر 9th, 2007 at 9 نوفمبر 2007 4:34 م

    ( غريب الدار )

    أولاً: أشكرك على الثناء على اختياراتي ..

    ثانياً: هذه ليست دعوة مني لاستمرار العزوبية.. حاشى وكلا .. بل هي مجرد كلمات بنصبر بيها الشباب اللى لسه متجوزش خصوصاً اللى مش قادر منهم على مصاريف الجواز … زيي كده يعني ..

    كمان هي شكة ابرة للمتجوزين .. عشان يفكروا فى الطرف الآخر .. ماذا حرموه منه بعد الزواج …

    فلربما تساعد كلماتنا فى اصلاح بعض ما يمكن اصلاحه … حتى يعيش الطرفان فى سعادة وهناء ..

    بس يا ريت يبقوا يفتكروا المفتكس بتعليق على افتكاساته أو ايميل او حتى رنة موبايل ..

    * اتمنى الرسالة تكون وصلت …

  37. المغربي قال:
    نوفمبر 9th, 2007 at 9 نوفمبر 2007 9:30 م

    السلام عليكم

    نصائح غالية من اعزب

    لكن بهده النصائح العزوبية ستعلن حالة طوارئ

    كل سنة وانت اعزب

    اريد ان وانت متزوج

    تحياتي اليك

  38. Salwa Ghanem قال:
    نوفمبر 10th, 2007 at 10 نوفمبر 2007 10:16 م

    موصوع رائع

  39. rash-al قال:
    نوفمبر 10th, 2007 at 10 نوفمبر 2007 10:39 م

    مافيش افتكاسة جديدة نضحك عليها

    منتظرة الجديد

  40. حسن جميل الحريس قال:
    نوفمبر 11th, 2007 at 11 نوفمبر 2007 5:18 ص

    ياشيخ / ذكرتنا بأيام العزوبية/

    دمت بخير وود

  41. ضفاف قال:
    نوفمبر 11th, 2007 at 11 نوفمبر 2007 8:15 ص

    دم بهذا التميز وهذا الأسلوب الرائق امتدادا في السخرية..مدونة متميزة وذات جودة عالية.. أرجو أن نتعلم من سخرية أقدارنا.. يا أيها المفتكس.. لي عودة اليكم عم قريب..

  42. سالي جاد قال:
    نوفمبر 11th, 2007 at 11 نوفمبر 2007 12:33 م

    يا جماعة والله بحبكم جدا

    ووحشتوني قوي

    أنا عندي شغل ومذاكرة

    وأبحاث حالتي تصعب علي البشرية .

  43. البحر العذب قال:
    نوفمبر 11th, 2007 at 11 نوفمبر 2007 1:14 م

    اخي الغالي..

    تشبهاتك قريبه الى اسلوب الكاريكاتير ..

    فأن كانت العزوبيه على تلك المقارنات كلشي يهون .

    اسلوبك رائه جعلني ابتسم ..

    كل ودي وتقديري

  44. monahgrlv10 قال:
    نوفمبر 12th, 2007 at 12 نوفمبر 2007 7:41 ص

    يمكن يكون صح

    ويمكن يكون أحسن

    بس الراجل هو الي بيزحف ليخرب على نفسه ويطفش عيشته بيده

    ياللاه براحتك

    العزوبية أحسن

    جايز جدا ليه لا

    بشكرك على زيارة مدونتي وتعليقك اللذيذ

  45. اتحاد المدونين المصريين قال:
    نوفمبر 12th, 2007 at 12 نوفمبر 2007 1:01 م

    بسم الله الرحمن الرحيم

    الاخوة والاخوات الاعزاء الافاضل

    بكل الحب والود اطرح عليكم فكرة تاسيس

    اتحاد المدونين المصريين

    واتمنى ان تشرفونا بالزيارة على المدونة المقترحة للاتحاد

    وابداء الراى فى

    ميثاق الشرف

    والائحة التنظيمية

    واهداف الاتحاد

    ويمكنك كتابة رايك فيما هو موجود وابداء الملاحظات التى تثرى العمل

    وللانضمام للاتحاد اكتب طلب الانضمام فى سجل الزوار

    العنوان

    http://egyptadwin.maktoobblog.com

    الى اللقاء وفى انتظار تواصلكم

    عن المؤسسون

    حسن توفيق

    هيثم ابو خليل

    عضوا اتحاد المدونين العرب

    تفضل بترك طلب العضوية فى سجل الزوار

  46. سالي جاد قال:
    نوفمبر 14th, 2007 at 14 نوفمبر 2007 11:53 ص

    طيب عشان صفحة الادراج عندنا معطلة

    انا عندي خبر هام للنشر لا يحتمل التأجيل

    لهذا هنشره هنا

    فضيبحة كبري… محاولة أغتيال عاشقة الوطن

    كليوباترا العاشقة…

    صحيفة كويتية تسرق مقالات الكاتبة الصحفية مريم الصايغ

    وتنشرها بدون أسم

    سرقت جريدة كويتية مقالات للصحفية مريم الصايغ رئيسة مؤسسة تنمية الإبداع العربي

    وعندما قامت المؤسسة بمخاطبة الجريدة

    قامت الجريدة بتخليق فتاة تسمي مريم ونسبت لها لقب الصايغ

    وقامت بعمل حوا ر معها لترفق أسم مريم الصايغ بصورة هذه الفتاة

    في أذهان الشعب الكويتي الصديق

    وعندما قامت المؤسسة بمخاطبة الجريدة للمرة الثانية

    قامت ا لجريدة بتحريض عدد من الجرائد الكويتية

    بحذف مقالات الكاتبة الصحفية مريم الصايغ من مواقعها علي الأنترنت

    حتي لا تظهر بمحركات البحث .

    وحتي الآن لم يتخذ مجلس إدارة مؤسسة تنمية الإبداع

    أي أجراءات قانونية ضد الجريدة …

    لكن وجب النشر .

    ليعرف العالم الحر والمبدعين كيف يتم التعامل

    مع مبدعة وصحفية -و أد يبة -وناقدة فنية -ومحللة سياسية -ومذيعة

    ورئيسة مؤسسة للفكر والإبداع والخير

    كما نتمني أن يعرف كل شعوب الوطن العربي

    كيف يتم اغتيال الأقلام الشريفة في هذا الوطن

    وكيف تعامل صاحبة لقب عاشقة الوطن

    لكثرة ما كتبت من أشعار في عشق الوطن.

    وحسبنا الله ونعم الوكيل .

  47. سناء قال:
    نوفمبر 14th, 2007 at 14 نوفمبر 2007 12:40 م

    موصوع رائع واصل اخي

  48. mentos قال:
    نوفمبر 15th, 2007 at 15 نوفمبر 2007 7:12 م

    كلام00كلام00كلام

    كله كلام

    بيقوله واحد مش لاقي بيحاول يصبر نفسه

    ويوم ما هتقع يا بطل وتلاقي اللي تقدر تدخلك القفص الذهبي

    هتنسى كل الكلام داه

    ومش بعيد قبله تنسى اسمك كمان

    تحياني يا اخ العازب الى ان يأتي اشعار اخر

    اختك

  49. وائل المصري قال:
    نوفمبر 15th, 2007 at 15 نوفمبر 2007 9:23 م

    السلام عليكم

    يا مفتكس

    انا لما ذكرت ان عندما يتزوج الشخص فقد اكمل نصف دينة فليتقي الله في النصف الاخر

    اي انة حصن نفسة من الفتن والاغرائات يعني معندهوش حجة .

    ودي سبب من الاسباب

    وممكن اذكر سبب اخر مثل الراحة النفسية للشخص .. والاولاد تلك النعمة التي من خلالها يستمر اسم الشخص متواجد ولا اية …لا ننكر ان للزواج تظهر مشاكل

    ولكن مع الزوجة الصالحة المشاكل تنحل .. وباذن الله لا نندم علي الزواج

    ومنتظر ردك في مدونتي علي الجزء الاخر …

  50. المفتكـس قال:
    نوفمبر 17th, 2007 at 17 نوفمبر 2007 3:23 م

    أخيراااااااااا … أخيرااااااااااا

    الحمد لله قدرت أرجع بعد غيبة أكتر من أسبوع ..

    وحشتيني يا افتكاستي وحشتيني موووووووووووووووت ..

    وحشتيني .. أكتر من وحشة حبيب لحبيبته بعد طول البعاد (على اساس انه كل ما بيشوفها بيقلبها فى قرشين) ..

    وحشتيني .. أكتر من وحشة الجعان اللى مدقش طعم الزاد من 3 ايام للبيتزا ..

    وحشتيني .. أكتر من وحشة عطشان ماشي فى الصحرا بقاله يومين من غير شرب .. لعلبة بيبسي كنز سقعانة ..

    وحشتيني .. أكتر من وحشة الموظف ليوم واحد فى الشهر (يوم قبض المرتب) ..

    وحشتيني .. وحشتيني .. وحشتيني .. وحشتيني .. وحشتيني .. وحشتيني ..

    ————————————————————————–

    وإلى من كان السبب فى غيبتي الطويلة عليكي .. ربنا يسامحك ..

    ————————————————————————–

    وإلى كل من تركوا لي تعليقات تأخرت فى الرد عليها … أعذروني (مكنش بأيدي يا جماعة) وأدعولي ان الغيبة دي متتكررش تاني ..

    الإمضاء:

    ……. حبيبكم/ المفتكس …….

  51. المفتكـس قال:
    نوفمبر 17th, 2007 at 17 نوفمبر 2007 3:30 م

    ( ياسر ) …

    حالة طوارئ ايه بس يا عم ياسر .. تف من بقك يا شيخ ..

    بتقول ( كل سنة وانت اعزب .. اريد ان وانت متزوج ) ..

    وانا بقولك ليه الأذية دي بس ؟!! خليك فى حالك وملكش دعوة بيّ .. انا فل الفل قوي كده ..

  52. المفتكـس قال:
    نوفمبر 17th, 2007 at 17 نوفمبر 2007 3:33 م

    ( Salwa Ghanem ) ..

    شكراً على الثناء .. وان كنت اتمنى التعليق ميكونش مقتضب قوي كده ..

    ايه البخل ده ؟1 انتي دمياطية وللا ايه ؟!!

    ههههههههههههههههههههههههههههه

  53. المفتكـس قال:
    نوفمبر 17th, 2007 at 17 نوفمبر 2007 3:34 م

    ( الوردة البيضاء ) ..

    بتقولي: (مافيش افتكاسة جديدة نضحك عليها .. منتظرة الجديد ) ..

    قولي يا مسهل ..

  54. المفتكـس قال:
    نوفمبر 17th, 2007 at 17 نوفمبر 2007 3:37 م

    ( حسن جميل الحريس ) …

    بتقول (ياشيخ .. ذكرتنا بأيام العزوبية ) ..

    شفت بقى انها كانت أيام حلوة ..

    عزائى لك على تلك الأيام ..

  55. المفتكـس قال:
    نوفمبر 17th, 2007 at 17 نوفمبر 2007 3:43 م

    ( ضفاف ) …

    ليست هناك كلمات اجمل من التى علقت بها أخى (محمود عيشونة) ..

    أشكرك .. وفى انتظار عودتك ..

  56. المفتكـس قال:
    نوفمبر 17th, 2007 at 17 نوفمبر 2007 4:06 م

    ( سالي جاد ) …

    احنا كمان بنحبك جداً يا سالي ..

    ربنا يعينك على الشغل والمذاكرة والأبحاث ..

    بجد صعبتي علينا .. ربنا يقويكي ..

  57. المفتكـس قال:
    نوفمبر 17th, 2007 at 17 نوفمبر 2007 4:07 م

    ( البحر العذب ) …

    الحمد لله اننا قدرنا نخليك تبتسم (دي أسمى أمنياتنا هنا) ..

    وبعدين احنا مقلناش ان العزوبية كلها كده ..

    احنا بنقول دي (مميزات العزوبية) … واخد بالك من كلمة (مميزات) دي يا عم البحر ..

    ان شاء الله كل ما تحب تفك عن نفسك كده وتفرفش .. ابقى تعالى زورنا ..

  58. المفتكـس قال:
    نوفمبر 17th, 2007 at 17 نوفمبر 2007 4:17 م

    ( منى الهادي ) …

    بتقولي (يمكن يكون صح .. ويمكن يكون أحسن .. بس الراجل هو الي بيزحف ليخرب على نفسه ويطفش عيشته بيده ) ..

    وليه مش الست بتعمل نفس الشئ حضرتك؟!! .. اسمحيلي أقولك ان رأيك ده عنصري وفيه تجني كبير على الرجالة لصالح الستات .. (حلو الكلام الكبير ده) … هههههههههههه

    أما بالنسبة لتعليقي فى مدونتك الذى وصفتيه باللذيذ .. فأحنا دايماً فى الخدمة ..

  59. المفتكـس قال:
    نوفمبر 17th, 2007 at 17 نوفمبر 2007 4:26 م

    ( اتحاد المدونين المصريين ) …

    طبعاً شئ جميل جداً انه يكون لنا نحن المدونون (ده على اعتبار اني اعتبرت نفسي مدون يعني) اتحاد يلمنا

    وطبعاً مستعد أني أكون من مؤسسيه .. بس أهم حاجة محدش يطلب منى فلوس … أنا بنبه عليكم من أولها أهه

    تقبلوا تحياتي..

    ……… المفتكس ………

  60. المفتكـس قال:
    نوفمبر 17th, 2007 at 17 نوفمبر 2007 4:36 م

    ( سالي جاد ) …

    كويس انك اخترتي ( افتكاسة ) لنشر هذا الخبر الهام .. بس فين حساب المساحة دي حضرتك ؟!! .. لكن علشان خاطر الكاتبة والأديبة والصحفية والناقدة الفنية والمحللة السياسية والمذيعة ورئيسة مؤسسة تنمية الإبداع العربي … المجنى عليها أ/ مريم الصايغ .. هتغاضى عن الموضوع ده ..

    قلبي معاها ..

    وافتكاسة تحت أمرها فى أي وقت ..

    ولمن سرقوها أقول :

    ولابد من يوم معلوم تترد فيه المظالم … أبيض على كل مظلوم أسود على كل ظالم..

    وحسبنا الله ونعم الوكيل .

  61. المفتكـس قال:
    نوفمبر 17th, 2007 at 17 نوفمبر 2007 4:37 م

    ( سناء ) …

    ان شاء الله هنواصل .. بس نفسكم معانا ..

  62. المفتكـس قال:
    نوفمبر 17th, 2007 at 17 نوفمبر 2007 5:14 م

    ( وائل المصرى ) ..

    ماشي يا عم وائل .. هنشوف لما هتتجوز هيبقى حالك عامل ازاي يا بطل !! ..

    بس ياريت ساعتها متقولش حقى برقابتي .. ويا ريت اللى جرى ماكان .. ومين اللى كان شار عليه .. وكل الكلام اللى بنسمعه من المتجوزين ده ..

    …………………………………………………………………………

    أما بالنسبة لردي فى مدونتك .. هرد فين بس؟!! .. ما انت حذفت الموضوع اصلاً !!

    ايه ياعم المتر حذفت الموضوع ليه؟!! .. انت خفت لما عرفت اني بلغت عنك انك بتطلب من الناس انهم يتكلموا وللا ايه ؟!! ..

    شاطر بس تقولي اللي ليه ضهر مش عارف ايه .. والقانون الجديد بيدينا حصانة .. واحنا مش بنخاف .. وحسستني ان وزير الداخلية يبقى جوز عمتك …

    محدش بياخد الروح الا اللى خالقها .. وللا ايه ياعم المتر يا ممثل العدالة فى الأرض؟!!

  63. المفتكـس قال:
    نوفمبر 18th, 2007 at 18 نوفمبر 2007 11:13 م

    ( mentos ) …

    أعذريني أختى أخطأتك فى الترتيب ..

    بتقولي ( كلام..كلام..كلام .. كله كلام .. بيقوله واحد مش لاقي بيحاول يصبر نفسه .. ويوم ما هتقع يا بطل وتلاقي اللي تقدر تدخلك القفص الذهبي .. هتنسى كل الكلام داه .. ومش بعيد قبله تنسى اسمك كمان .. تحياني يا اخ العازب الى ان يأتي اشعار اخر ) ..

    طبعاً كلام .. ارجعي أختي لتعليقي على ( غريب الدار ) وانتي تعرفي وجهة نظري ..

    أما بقى بالنسبة لموضوع دخولى القفص .. فالمفتكس محدش يقدر يوقعه ابداً .. واللى فى دماغه فى دماغه ..

    ولا بوسة ولا حتى ألف بوسة (مع اني أعز موضوع البوس ده قد عنيه) تقدر تنسيني اسمي ..

    ده احنا مفتكسين جامدين قوي ودماغنا زي الجزمة القديمة حضرتك ..

  64. المهاجر قال:
    نوفمبر 19th, 2007 at 19 نوفمبر 2007 2:56 ص

    شوف يا مفتكس يا أخويا

    زمان من كام سنة أبويا الله يرحمه قال لى يا تجوز إنت يا أتجوز أنا ( قال يعنى حاة حلوة كده )

    و إنخدعت و سبت العزوبية ( ما هو أغرانى ) الله يسامحه

    المهم من بعدها بقيت مدمن سيبان للعزوبية لغاية لما إتنيلت 14 مرة

    بس سيبك كتر الواز برضه حلو

    يعنى فيه تغيير

    تقدر تكتشف أنواع و أصناف جديدة للنكد

    ——————————-

    أما بالنسبة لما إفتكاستك مش فى المفضلة عندى

    يا سيدى البارح دخلت عندك و لما خلصت تعليق قلت أحطها فى المفضلة

    و هب فجأة بيقول لى نوت ريسبوندينج ( يمكن أكلة جديدة ) و قفل النت على صباعى

    و كانت حكاية

    تحياتى و إحترامى

  65. المفتكـس قال:
    نوفمبر 19th, 2007 at 19 نوفمبر 2007 3:04 م

    ( محمود )

    اتجوزت 14 مرة ؟!!!!!

    سلامة عقلك يا ابو طه … حد عاقل يعمل فى نفسه كده يا بني ؟!!!

    بجد الله يكون فى عونك على ما ابتلاك ..

    …………………………………………..

    وبالنسبة لموضوع عدم إضافة إفتكاسة للمفضلة عندك ..

    النت قفل على صباعك عشان مش مركز يا حودة .. الجواز خلاك تهيس يا بطل .. وتلاقيه ربالك هلاوس سمعية وبصرية كمان ..

    قلبي وكبدي وفشتي معاك يا أبو طه ..

    ………………………………………….

    *ملحوظة: (نوت رسيبوندج) مش أكلة جديدة زي ما انت فهمت .. الكمبيوتر كان بيقولك ( أمشي من هنا) .. أكيد حد خبيث أفشى سرك وقاله انك متجوز 14 مرة … وأول ما الكمبيوتر أخد خبر بالحكاية دي .. قرر عدم التعامل معاك .. المشكلة انها جت على حظي ..

  66. المهاجر قال:
    نوفمبر 20th, 2007 at 20 نوفمبر 2007 4:10 ص

    حبيبى المفتكس

    صدقنى أحلى حاجة فى الدنيا الجواز

    بس نصيحتى أهم شئ التنويع

    عارف ليه علشان نعمل ملتقى حضارات

    يعنى أخول إتجوز من كام بلد و أدينا عززنا العلاقات الأخوية بين هذه البلدان و مصرنا

    الحبيبة

    يلا ما هو نضال و كفاح

    دعواتكم بأفكر أجيب واحدة يابانية بس المشكلة ما فيش معاها ضمان دولى

    تحياتى يا حبيبنا

  67. المفتكـس قال:
    نوفمبر 20th, 2007 at 20 نوفمبر 2007 1:06 م

    ( محمود ) ..

    مش بقولك الجواز خلاك تهيس يا بطل ..

    موضوع جوازك من دول مختلفة فكرني بالفنان (محمد صبحي) ومسلسله (رجل غني .. فقير جداً) ..

    لما اتجوز كذا جوازة من دول مختلفة .. المهم انها جت على دماغه فى الآخر …

    وبعدين يعني احنا منعرفش نعزز علاقتنا الأخوية مع البلاد التانية غير بالجواز ؟!!

    يا راجل ( لاتلقوا بايديكم إلى التهلكة .. ) …

    وايه بقى حكاية ان الجواز نضال وكفاح ؟!!

    هو المتجوز لو مات بيعتبروه شهيد وللا ايه …

    وبعدين لو اليابانية عليها مشكلة .. شوفلك واحدة صينية بدلها .. على الأقل مش هتكلفك كتير ..

    وأهم كلهم شبه بعض مش هتحس الفرق يعني ..

  68. سارة علي قال:
    نوفمبر 21st, 2007 at 21 نوفمبر 2007 1:38 م

    يسلم قلبك ريحتني و اخيرا في حد بيشوف العزوبيه جميله

    اقبلني صديقه

    مرسي اوي على الموضوع

  69. المفتكـس قال:
    نوفمبر 22nd, 2007 at 22 نوفمبر 2007 4:12 م

    ( سارة علي ) …

    الله يسلمك قلبك دايماً ..

    واضح انك من حزبنا ( حزب العزوبية ) ..

    طبعاً يا سارة ودي محتاجة كلام .. انتي صديقة من لحظة ما حطيتي رِجلك جوه افتكاسة ..

  70. عادل امين قال:
    نوفمبر 23rd, 2007 at 23 نوفمبر 2007 9:13 ص

    تحياتى ايها المفتكس الجميل تعليقات زوارك اثرت الوضوع كتير تحياتى لك ولهم

  71. المفتكـس قال:
    نوفمبر 23rd, 2007 at 23 نوفمبر 2007 12:24 م

    ( عادل أمين ) …

    مرحباً بك فى إفتكاستنا المتواضعة ..

    نتمنى نكون عن حظن الظن دايماً ..

    لك تحياتي وتحيات زوار إفتكاسة ..

  72. مواطنه عربية حرة قال:
    نوفمبر 29th, 2007 at 29 نوفمبر 2007 11:33 م

    اخي في الله المفتكس اسمحي اكلمك بطريقة انا وثقة انك هتفمها صح مش لاقيه وصف اقوله لك الا انك بجد (مصيبة ماشية علي رجلها انت واستاذي محمود ) ربنا يخليك مفتكس كدة علي طول

    اما للتعليق عن القصيدة عندك حق البنات هتترحم من بق كبير لا يتفوه الا بالانانية ولا يغلق الا بنسف كل الطعام

    كل احترامي وتقدري

  73. المفتكـس قال:
    نوفمبر 30th, 2007 at 30 نوفمبر 2007 12:37 ص

    ( آيه إسماعيل ) …

    اشكرك على وصفي بالمصيبة … وطبعاً فاهم تقصدي ايه …

    ده من أجمل الكلام اللي اتقال للمفتكس … ويتهيألي صديقي اللدود (محمود) .. هيكون ليه نفس رأيي ..

    وبالنسبة للميزة الجديدة اللي انتي ضيفتيها لمميزات العزوبية عند البنات …

    فهي جديرة بالاحترام …

  74. مجهول قال:
    ديسمبر 28th, 2007 at 28 ديسمبر 2007 3:12 م

    شوف ياعم المفتكس…….بمناسبة الكلام عن العزوبيه ومميزاتها…….بقولك على رأى واحد صاحبى معرفوش….اللى ميعرفش بيقول عدس……يعنى من الاخر العزوبيه لاحريه ولانيله…….العزوبيه دى يابنى بنت ستين فى تسعين…….واسأل عمنا المفتكس أحمد فؤاد نجم…..مره زمان زمان زمان فى الخمسينات قالى كلام جميل عن العزوبيه……وبعد مااتجوز أم الاموره الله يرحمها…….لعن العزوبيه وأيامها……أنا عارف ان المفتكسه الصغيره مبسوطه بكلامى ده…….والكلام اليك ياجاره……وأقولك يامفتكس عشان تتأكد من كلامى وترتاح…..وتعد على رأى أمى على قشايه نضيفه…..اسأل المفتكسه الملقبه ماما(همس البحر) هه ارتحت…..وعلى رأى عمنا المفتكس شعبان عبد الرحيم……..هيييييييييييييييييييييه بس خلاص

  75. مجهول قال:
    ديسمبر 28th, 2007 at 28 ديسمبر 2007 3:23 م

    شوف ياعم المفتكس……بعد مانشرت التعليق عندك…..المبجله المحترمه مراتى قرأته…….قامت على بحمله شعواء…..وقالتلى ياراجل….ازاى تقولى كلام وتقول للناس عكسه……مانا عمال أمدحلها فى أيام العزوبيه ………..قولتلها يا حبيبتى دى سياسه……عشان المفتكسون الممتنعون رجليهم تيجى فى الخيه…..وبعدها يكون لكل حادث حديث…….عشان يقول ساعتها يخرب بيت اللى اتجوز قبلى وماقاليش…………وهييييييييييييييييه بس خلاص المستشار الرئاسى للمفتكس



اكتب تعليــقك
الإسم الذي سيظهر على التعليق
مشتركي مكتوب
اسم آخر

« تعبت من كتر الشغل!!
وحشتيني موووووووووت !! »